2022-06-13 17:53
Информагентства
Իսրայելի ԱԳՆ․ Մեր քաղաքացիներին կոչ ենք անում զերծ մնալ Թուրքիա մեկնելուց
Իսրայելն իր քաղաքացիներին կոչ է անում զերծ մնալ Թուրքիա այցելություններից, եթե դա կենսական անհրաժեշտություն չէ։ Այս մասին, ինչպես փոխանցում է ՌԻԱ Նովոստին, Իսրայելի արտգործնախարար Յաիր Լապիդը հայտարարել է «Եշ Ատիդ» խորհրդարանական խմբակցության նիստում։
«Թուրքիայում վերջին շաբաթների իրադարձություններից և Ստամբուլ հանգստանալու մեկնած իսրայելցիների դեմ իրանական ահաբեկչության մի շարք փորձերից հետո իսրայելցիներին կոչ ենք անում չգնալ Ստամբուլ, և եթե կենսական անհրաժեշտություն չունեք, առհասարակ Թուրքիա չթռչել։ Եթե արդեն գտնվում եք Ստամբուլում, հնարավորինս արագ վերադարձեք Իսրայել»,- ասել է Լապիդը։
ԱԳՆ ղեկավարը պնդում է, որ արձակուրդ մեկնած իսրայելցիների դեմ ահաբեկչական գործողություններ են նախապատրաստվել։
«Դա կարող է տեղի ունենալ յուրաքանչյուրի հետ։ Իրական և անմիջական վտանգ է։ Եթե դուք թռիչք եք ծրագրել դեպի Ստամբուլ, չեղարկե՛ք։ Ոչ մի արձակուրդ ձեր կյանքը և ձեր մտերիմների կյանքը չարժե։ Մենք մշտապես թարմացնում ենք հրահանգները` իրավիճակի գնահատմանը համապատասխան»,- ասել է նախարարը։
Լապիդը Թուրքիայի կառավարությանը նաև շնորհակալություն է հայտնել այն ջանքերի համար, որոնք վերջինս գործադրում է Իսրայելի քաղաքացիների կյանքը պաշտպանելու համար։
Հիշեցնենք, որ մայիսի 22-ին Իրանի ԶՈւ էլիտար ստորաբաժանման սպային գնդակահարել էին Թեհրանի կենտրոնում։ Դրանից հետո Իսրայելի իշխանությունները ԱՄՆ-ին տեղեկացրել էին իրանական բանակի բարձրաստիճան սպայի ոչնչացման մասին։ Իսլամական հեղափոխության պահապանների կորպուսը գնդապետի սպանությունը ահաբեկչություն էր որակել և կոշտ պատասխան խոստացել։
Sputnik Արմենիա
ПОСЛЕДНИЕ ОТ АВТОРА
-
New2025-06-16 19:58Иранские власти сообщили о задержании еще более 30 лиц, связанных с израильской разведкой.
-
New2025-06-16 19:55Армия обороны Израиля выпустила «срочное предупреждение» для жителей третьего округа Тегерана.
-
New2025-06-16 19:52Итальянская корпорация Leonardo и турецкий производитель беспилотников создадут совместное предприятие для разработки беспилотных технологий. О запуске проекта было заявлено на Международном парижском авиасалоне в Ле-Бурже.
-
New2025-06-16 19:51Иранские власти сообщили об «историческом ударе по израильской шпионской сети»: в стране был повешен человек, обвинённый в передаче секретной информации Моссаду, передают телеграм-каналы.