2022-07-21 12:48
Информагентства
Թուրքական ապրանքների տեղատարափն անխուսափելի է․ փորձագետը՝ էմբարգոն չեղարկելու մասին
Էմբարգոյի չեղարկումից հետո Հայաստանում անխուսափելիորեն թուրքական ապրանքների տեղատարափ կլինի։ Sputnik Արմենիա մուլտիմեդիոն մամուլի կենտրոնում կայացած մամուլի ասուլիսի ժամանակ նման կարծիք հայտնեց «Այլընտրանք» հետազոտական կենտրոնի ղեկավար Թաթուլ Մանասերյանը։
Փորձագետն ընդգծեց, որ թուրքական տնտեսությունը խիստ մրցունակ է։ Երկրում լավ զարգացած է համատեղ արտադրությունը, գործում են արտասահմանյան (եվրոպական կամ ամերիկյան) կապիտալով բազմաթիվ ձեռնարկություններ, և այս պայմաններում Հայաստանը պարզապես հակադրելու բան չունի։
«Բացի այդ, արտադրության լուրջ ծավալների դեպքում ապրանքների ինքնարժեքը զգալիորեն ավելի ցածր է, քան Հայաստանում։ Ավելին, թուրքական իշխանությունը սուբսիդավորում է իրենց ձեռնարկությունները», - ընդգծեց Մանասերյանը։
Նրա խոսքով՝ այդ բոլոր գործոնները Թուրքիայից տնտեսական կախվածության կհանգեցնեն։ Մասնագետը չմտածված է համարում հայկական իշխանության գործողությունները․ այն սկզբում մտցրեց, իսկ հետո հապճեպ չեղարկեց թուրքական ապրանքների վրա դրված էմբարգոն։
Նրա խոսքով՝ փոքր տնտեսությամբ երկիրն առանց այդ էլ լուրջ շոկ է ապրել։ Նա հիշեցրեց, որ էմբարգոյի ներդրումից հետո շատ հայ գործարարներ լուրջ ներդրումներ են կատարել տեղական արտադրանքի զարգացման գործում, նոր նախագծերի համար վարկեր են վերցրել:
Նշենք, որ ըստ ՀՀ վիճակագրական կոմիտեի տվյալների՝ միայն 2022թ-ին առաջին հինգ ամսվա ընթացքում Թուրքիայից Հայաստան է ներկրվել մոտ 76 մլն դոլարի ապրանք։ Համեմատության համար՝ ընդհանուր 73 մլն դոլարի ապրանք էր ներմուծվել 2021թ․ ամբողջ ընթացքում, երբ կիրառվում էր թուրքական ապրանքների էմբարգոն։ Նախորդող տարիներին Թուրքիայից ներմուծումը տարեկան գերազանցել է 200 մլն դոլարը։
ПОСЛЕДНИЕ ОТ АВТОРА
-
2025-07-04 21:41Адвокат Арам Вардеванян у здания СНБ Армении прочитал послание бизнесмена Самвела Карапетяна.
-
2025-07-04 20:43Архиепископы Баграт Галстанян и Микаел Аджапахян 5 июня объявят однодневную голодовку. Об этом говорится в заявлении Аджапахяна.
-
2025-07-04 20:31Мы глубоко возмущены кампанией, развязанной властями Армении и лично премьер-министром против Армянской церкви, Католикоса всех армян и высокопоставленных священнослужителей, что сопровождается распространением ненависти и вражды по отношению к священнослужителям, а также оскорблениями личного характера и неуважительными выражениями. Об этом говорится в заявлении Первопрестольного Святого Эчмиадзина.
-
2025-07-04 19:45Французский город Арнувиль в регионе Иль-де-Франс принял резолюцию, в которой осудил несправедливое выдворение Международного комитета Красного Креста (МККК) из Азербайджана. Об этом сообщает libertas.