2022-08-17 08:45
Информагентства
Բնապահպան. Ի՞նչ վնասներ կարող են հասցնել պայթյունի հետևանքով արտանետված քիմիական նյութերը (ՏԵՍԱՆՅՈՒԹ)
Երևանի «Սուրմալու» առևտրի կենտրոնում օգոստոսի 14-ին տեղի ունեցած խոշոր պայթյունի հետևանքով մթնոլորտ են արտանետվել թունավոր նյութեր, որոնք կարող են մարդկանց մոտ առողջական լուրջ խնդիրներ առաջացնել: Այս մասին NEWS.am-ի հետ զրույցում ասաց «Հայ կանայք հանուն առողջության և առողջ շրջակա միջավայրի» ՀԿ-ի բնապահպան Քնարիկ Գրիգորյանը:
Նրա խոսքով՝ մթնոլորտ արտանետված նյութերը երկար ժամանակ մնալու են շրջակա միջավայրում և կարող են շնչուղիներով, անգամ գյուղմթերքի միջոցով թափանցել մարդու օրգանիզմ և մի շարք հիվանդություններ առաջացնել:
«Այդ նյութերը կարճատև ժամանակահատվածում ազդում են մարդկանց կենտրոնական նյարդային համակարգի վրա, իսկ երկարաժամկետ մնալու դեպքում, օրգանիզմում կուտակվելով, կարող են առաջացնել ներզատիչ գեղձերի ֆունկցիոնալ խանգարումներ»,- ասաց նա:
Քնարիկ Գրիգորյանն ընդգծեց, որ պայթյունի վայրում տեղի է ունեցել թերայրում, և այդ պայմաններում արտազատվել է շմոլ գազ, որն էլ դարձել է շնչահեղձության պատճառ:
Իսկ ինչպես մարդիկ պետք է պաշտպանվեն թունավոր նյութերից, ըստ բնապահպանի՝ պետք է հնարավորինս խոնավ միջավայր ապահովել, դրսում երկար չմնալ: «Աղտոտված հատվածները պետք է ջրցան մեքենաներով լվանալ: Հավաքված իրերն էլ պետք է փակ մեքենաներով հեռացնել»,- ասաց Քնարիկ Գրիգորյանը:
Հիշեցնենք, որ «Սուրմալու» առևտրի կենտրոնում տեղի ունեցած պայթյունի հետևանքով օգոստոսի 16–ին ժամը 13.00–ի դրությամբ կա 16 զոհ։ Զոհվածներից 15–ի ինքնությունը պարզվել է։ ԱԻՆ–ը հրապարակել է նրանց անունները՝ Միսակ Պատվականի Մարգարյանը՝ ծնված 1964 թ․, Անահիտ Վազգենի Մխիթարյանը՝ ծնված 1967 թ․, Ջեմմա Սարգսի Նազարյանը՝ ծնված 1960 թ․, Անահիտ Զարզանդի Խալաթյանը, Վարդան Գուրգենի Քոչարյանը՝ ծնված 1960 թ․, Գայանե Արտավազդի Ավետիսյանը՝ ծնված 1966 թ․, Արամ Կոմիսարի Հայրապետյանը՝ ծնված 1980 թ․, Վաչագան Վահագնի Եղոյանը՝ ծնված 2000 թ․, Էռնա Մանվելի Գրիգորյանը՝ ծնված 1980 թ․, Հարություն Սամվելի Գարաքյանը՝ ծնված 1987 թ․, Մարիամ Արմենի Խաչատրյանը՝ ծնված 1992 թ․, Սիրարփի Արմենի Խաչատրյանը՝ ծնված 1994 թ․, Մարատ Կարենի Շահբազյանը՝ ծնված 2018 թ․, Հրաչյա Ֆանբերգի Սարգսյանը՝ ծնված 1976 թ․, Արտավազդ Հայրապետյան՝ ծնված 1951 թ․։ 3 անձ որոնվում է որպես անհետ կորած։
Պայթյունի հետևանքով տուժել է 61 քաղաքացի, բուժումը հիվանդանոցներում շարունակում է ստանալ 7 քաղաքացի: Նրանց առողջական վիճակը գնահատվում է բավարար:
Պայթյունի հետևանքով առաջացած ծուխն ու փոշին տարածվել են Կենտրոն և Շենգավիթ վարչական շրջաններում: Կենտրոնում և Շենգավիթում օդի աղտոտվածությունը գերազանցել է թույլատրելի շեմը:
ПОСЛЕДНИЕ ОТ АВТОРА
-
2025-05-05 19:44Град, выпавший в Арташате, нанес ущерб абрикосовым деревьям и виноградникам. Об этом Sputnik Армения сообщил бывший глава сельскохозяйственного управления областной администрации Арарата Айказ Тертерян.
-
2025-05-05 19:40Подозреваемого по делу о доведении до самоубийства военнослужащего-срочника подразделения погранвойск СНБ А.А. в Сюникской области арестовали. Об этом Armenia Today сообщила пресс-секретарь Следственного комитета (СК) Кима Авдалян.
-
2025-05-05 19:38Все 133 кардинала, имеющие право голоса на предстоящем конклаве, прибыли в Рим для участия в выборах нового папы Римского. Об этом сообщила служба печати Святого престола.
-
2025-05-05 19:34Министр иностранных дел Ирана Аббас Аракчи в рамках официального визита в Исламабад провел переговоры с министром иностранных дел Пакистана и обозначил три основные цели своей поездки: обсуждение актуальных событий в Южной Азии, обмен мнениями по непрямым переговорам между Ираном и Соединенными Штатами, а также развитие двустороннего сотрудничества.