2022-10-06 13:46
Информагентства
0
Կարեն Անդեասյանը վստահ է, որ նոր պաշտոնում ավելի մոտ կլինի իր վաղեմի երազանքին
Ես երբեք չեմ եղել այն իրավաբանական ընկերության բաժնետեր, որի մասին այսօր գրել է մամուլը։ ԱԺ-ում պատգամավորների հետ հարցուպատասխանի ժամանակ այս մասին հայտարարեց Բարձրագույն դատական խորհրդի անդամի թեկնածու Կարեն Անդրեասյանը։
Հայտնել ենք, որ «Հրապարակ» օրաթերթն այսօր գրել էր, թե «Էյ Էմ»` AM փաստաբանական ընկերության 40 տոկոսը պատկանում է Անդրեասյանի ընտանիքին, մյուս 60 տոկոսը ՝ Անդրեասյանի մտերիմ ընկեր, ներկայում արդարադատության փոխնախարար Գրիգոր Մինասյանին։ Թերթը գրել էր, որ հետագայում դատարաններում այդ փաստաբանական ընկերության ցանկացած հաղթանակից հետո մյուս կողմը կարող է ասել, որ տանուլ է տվել, քանի որ կողմը ներկայացրել է ԲԴԽ նախագահի փաստաբանական գրասենյակը, և խախտվել է հավասար քննության իրավունքը։
«Այդ ընկերությունում իմ կինն ունի բաժնեմաս, բայց օրենքում չկա որևէ արգելք, որ դու չես կարող լինել ԲԴԽ անդամ, եթե քո ազգականը կամ մտերիմը իրավաբանական որևէ ընկերության բաժնետեր է»,-հայտարարեց Անդրեասյանը` կոչ անելով շահերի բախում չփնտրել այնտեղ, որտեղ շահերի բախում չկա։
Մինչև հարցերին անցնելը Կարեն Անդրեասյանն իր ելույթում խոստացավ, որ եթե լինի վստահության քվե, ինքը կլինի ԲԴԽ այն անդամներից մեկը, որ արդար կգործի ։
«Մարդիկ ձանձրացել են լսել, որ շուտով դատարաններն այլևս չեն լինելու այնպիսին, ինչպես եղել են տասնամյակներ շարունակ։ Հոգնել են նաև իմ խոսքերից, որովհետև ես այս մասին խոսում եմ արդեն 20 տարի։ Ես չեմ ասում, որ մենք բավարար գործ չենք անում։ Բայց արդյունքները բավարար չեն»,- ասաց Կարեն Անդրիասյանը։
ԲԴԽ անդամի թեկնածուն վստահեցրեց, որ նոր պաշտոնում ավելի մոտ կլինի արդար դատարաններ ունենալու իր վաղեմի երազանքին։
Հիշեցնենք, որ Ազգային ժողովն այսօր գումարել է արտահերթ նիստ՝ Բարձրագույն դատական խորհրդի նոր անդամներին ընտրելու համար։
Sputnik Արմենիա
ПОСЛЕДНИЕ ОТ АВТОРА
-
New2024-05-04 10:41Конгрессмену США Энрике Роберто (Генри) Куэльяру и его супруге Имельде предъявили обвинение в получении взяток от нефтегазовой компании Азербайджана и одного из мексиканских банков, сообщает министерство юстиции США.
-
New2024-05-04 10:39Жители Шурнуха, чьи дома были переданы под контроль Азербайджана, пока не получили новое жилье, но власти перестали выплачивать им ежемесячную помощь. Об этом Sputnik Армения сообщили сами шурнухцы.
-
New2024-05-04 10:37Чрезвычайный инцидент произошел накануне ночью в Ереване, передает Новости-Армения.
-
New2024-05-04 09:38Согласно данным соцопроса, для 84,2% населения Армении, память о Геноциде армян - это трагедия, память о которой следует закрепить в Конституции РА. Как передает Verelq.am, об этом в своем Телеграм-канале пишет политолог Бениамин Матевосян:
