2022-11-09 08:17
Ара МЕЛИКСЕТЯН
ՀԱՄԵՍՏՈՒԹՅՈՒՆԻՑ ՉԻ ՄԵՌՆԻ
Հայաստանի կառավարությունը վերջին 4 տարվա և 4 ամսվա ընթացքում ստեղծել է 143 000 նոր աշխատատեղ։ Ինչպես հաղորդում է «Արմենպրեսը», այդ մասին ԱԺ մշտական հանձնաժողովների համատեղ նիստում հայտարարել է ՀՀ վարչապետ Նիկոլ Փաշինյանը՝ 2023 թվականի պետական բյուջեի մասին օրինագծի քննարկման ժամանակ:
ԲԱՅՑ ԱՆՀՆԱՐ Է ԼՌԵԼ. ամեն անգամ, պատմելով աշխատատեղերի ստեղծման ոլորտում կառավարության նվաճումների մասին, Փաշինյանը ձևակերպումներում ցուցաբերում է առանձնակի կրեատիվ մոտեցում։ Երբեմն նույնիսկ զարմացնում է այն, թե ինչպես կարելի է ավելի քան չորս տարի անընդմեջ ասել նույն բանը, ընդ որում միշտ նոր «չամիչով»: Մերթ աննախադեպություն, մերթ ռեկորդ, մերթ սենսացիա։
Այս անգամ նա որոշեց միանգամից երկու տպավորիչ նորություն մատուցել հանրությանը։ Նորություն առաջին. պարզվում է՝ Հայաստանի կառավարությունն իր գնահատականներում երբեմն համեստություն է անում։ Նորություն երկրորդ. դա (Հայաստանի կառավարությունը) շատ ավելի համեստ է, քան օտարերկրյա կառավարությունները։ Ահա թե ինչ հայտարարեց Փաշինյանը. «Շատ դեպքերում մենք խուսափում ենք նման ձևակերպումներից, ինչ-որ տեղ նաև համեստություն ենք անում, բայց աշխարհի բոլոր երկրներում իրավիճակը կնկարագրվեր հետևյալ կերպ. 4 տարի 4 ամսվա ընթացքում կառավարությունը ստեղծել է 143.000 նոր աշխատատեղ» ։
Ինչպես ասում են, օքեյ, համաձայնենք, թե հայկական թավշե կառավարությունն իր իշխանավարման ընթացքում իսկապես ստեղծել է 143 հազար աշխատատեղ։ Բայց այստեղ հիմնավորված հարց է ծագում. ինչո՞ւ է աշխատատեղերի այդպիսի առատությունը չափազանց թեթև հետք թողել աշխատաշուկայում: Խոսքը, մասնավորապես, գործազրկության ցուցանիշի դինամիկայի մասին է։ Ահա ուրեմն, 2017-ին Հայաստանում կար 217 հազար գործազուրկ, այժմ ՝ 170 հազար։ Այսինքն 4 տարվա և 4 ամսվա ընթացքում ստեղծվել է 143 հազար աշխատատեղ, բայց, չգիտես ինչու, գործազուրկների թիվը նվազել է ընդամենը 47 հազարով։ Բոլոր այն երկրներում, որոնց վկայակոչում է Փաշինյանը, սաստիկ կզարմանային նման անհամապատասխանությունից։
Շատ կզարմանային աշխարհի բոլոր երկրներում՝ նայելով նաև բնակչության զբաղվածության ցուցանիշի դինամիկային։ Բանն այն է, որ, ըստ վիճակագրական տվյալների, զբաղվածության հսկայական կտրուկ աճ է գրանցվել ընթացիկ տարվա երկրորդ եռամսյակում։ Եթե առաջին եռամսյակում զբաղվածների թիվը 1 մլն 70 հազար էր, ինչը, ի դեպ, ընդամենը 30 հազարով է ավելի, քան 4 տարի և 4 ամիս առաջ, ապա երկրորդ եռամսյակում այդ ցուցանիշն աճել է մինչև 1 մլն 142 հազարի։ Այսինքն, Փաշինյանի վարկածով, մի քանի ամսում կառավարությունը կարողացել է ստեղծել 72 հազար աշխատատեղ։ Համեստության պակաս Փաշինյանը, իհարկե, չունի, բայց ինչո՞ւ իրեն ու իր կառավարությանը վերագրել Ուկրաինայում ՌԴ ռազմական հատուկ գործողության արդյունքը։ Աշխարհի ոչ մի երկրում իշխանությունն այդպես չէր վարվի։
Իրականում արդեն վաղուց փաշինյանական թվերն ու գնահատականները ոչ մեկին չեն հետաքրքրում։ Դրանք իսպառ կտրված են իրականությունից և շարունակ դուրս են գալիս ողջամտության շրջանակներից: Նույնիսկ նրա ինքնագովազդի օգտին դրանք չեն աշխատում: Մնում է հասկանալ, թե ինչո՞ւ է նա շարունակում շահարկել ցուցանիշները՝ ամեն անգամ հրամցնելով դրանք նոր, «օրիգինալ» փաթեթավորմամբ…
ПОСЛЕДНИЕ ОТ АВТОРА
-
2025-07-11 09:48Правительство Армении на заседании в четверг одобрило предложение о подписании кредитного соглашения с Международным банком реконструкции и развития (МБРР, структура ВБ) по программе «Туризм и региональная инфраструктура Армении» на 120,5 млн евро, передает АРКА. Как заявил замминистра экономики Армении Арман Ходжоян, программа нацелена на поддержку семи отдельных туристических кластеров из 20-ти в общинах Арени, Дилижан, Двин, Гюмри, Джермук, Горис и Ехегис с целью стимулирования винного, оздоровительного, приключенческого, культурно-образовательного туризма, а также экотуризма в различных областях Армении. Он сообщил, что общая стоимость программы, которая будет реализована до конца 2030 года, составляет 120,5 млн евро, из которых 24,1 млн софинансирует правительство.
-
2025-07-10 09:33Внешняя торговля Армении бешеными темпами катится вниз. По данным статистического комитета в январе-мае внешний и взаимный торговый оборот сократился вдвое по сравнению с тем же периодом прошлого года. Если в 2024-м этот показатель достигал 15,5 миллиардов долларов, то в этом году снизился до 7,9 миллиардов.
-
2025-07-07 10:03В Армении в июне 2025 года по сравнению с июнем 2024 года зарегистрирована инфляция в 3,9%, а за месяц – дефляция в 1,3%. Об этом свидетельствуют данные отчета Национального статистического комитета (НСК) Армении, передает АРКА. Согласно данным НСК, в июне 2025 года по сравнению с июнем 2024 года цены на продовольственные товары и безалкогольные напитки повысились на 6,2%.
-
2025-07-05 09:47Армения выразила желание стать членом ШОС. Об этом сообщила пресс-секретарь МИД РА Ани Бадалян на своей странице в фейсбук. «Разделяя основополагающие принципы Шанхайской организации сотрудничества, а именно территориальную целостность, неприменение силы и нерушимость границ, Республика Армения выразила желание стать членом ШОС», - отмечено в сообщении, передает NEWS.am.