2022-11-10 15:54
Информагентства
Հայաստանը 2 դուդուկ կնվիրի Ժնևի ազգագրության թանգարանին
Հայաստանը Ժնևի ազգագրության թանգարանին 2 դուդուկ կնվիրի ցուցադրության նպատակով։ Որոշումը կայացվեց կառավարության այսօրվա նիստում։
Պայմանավորվածությունը ձեռք է բերվել Ժնևում` Շվեյցարիայի Հայաստանի դեսպանության և Ժնևի ազգագրության թանգարանի ներկայացուցիչների հանդիպման ժամանակ։
«Ազգային նվագարանների վերականգնման և զարգացման հիմնադրամը» իրականացրել է ազգային նվագարանների պատրաստման և կիրառման ուսուցման ծրագիր, որի շրջանակում 9 նվագարան է պատրաստել (2 քամանչա՝ պատյանով, 2 քանոն՝ պատյանով, 3 դուդուկ՝ պատյանով, 2 բլուլ՝ պատյանով) և հանձնել ՀՀ կրթության, գիտության, մշակույթի և սպորտի նախարարությանը՝ հայկական ոչ նյութական մշակութային ժառանգությունը հանրահռչակելու համար արտերկրի երաժշտական թանգարաններին նվիրելու նպատակով: Նշված մշակութային առարկաները ընդգրկված չեն Հայաստանի Հանրապետության մշակութային արժեքների պահոցների ցուցակում:
Այս պահին Ժնևի ազգագրության թանգարանում ցուցադրվում են վրացական դուդուկներ, իսկ 2023 թ.-ին Ադրբեջանը ՅՈւՆԵՍԿՕ-ի մարդկության ոչ նյութական մշակութային ժառանգության ներկայացուցչական ցանկում գրանցման է ներկայացրել «Բալաբան/մեյի արհեստագործությունը և կատարողական արվեստը» հայտը, որը կառուցվածքով դուդուկին նման երաժշտական գործիք է:
Ժնևի ազգագրության թանգարանին երկու դուդուկի նվիրաբերումը նպատակային է, քանի որ նվիրաբերման գործընթացի իրականացմամբ ապահովվում է համաշխարհային քաղաքակրթության համատեքստում հայկական հնագույն մշակութային ժառանգության միջազգային հանրահռչակումը, ինքնության առկայությունն ու արժևորումը, ինչպես նաև ուղղված է մեր տարածաշրջանի հարևան երկրների կողմից հայկական դուդուկի մշակութային պատկանելության հնարավոր յուրացման սպառնալիքները չեզոքացնելուն:
Ժնևի ազգագրության թանգարանին դուդուկներ նվիրելը կնպաստի նշյալ թանգարանի այցելուների մոտ գործիքի ծագման երկրի վերաբերյալ հետաքրքրության բարձրացմանը և կխթանի զբոսաշրջության ցուցանիշների աճը, որն էլ իր հերթին կանդրադառնա տնտեսական կամ սոցիալական խնդիրների արդյունավետ լուծման վրա:
Sputnik Արմենիա
ПОСЛЕДНИЕ ОТ АВТОРА
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.
-
2025-08-01 16:19С большим интересом ознакомился со статьей министра иностранных дел Российской Федерации, посвящённой 50-летию Хельсинского Заключительного Акта и созданию ОБСЕ.