2022-11-12 11:05
Информагентства
Դավիթ Բաբայան․ Մենք ուզում ենք, որ ռուս խաղաղապահներն անժամկետ մնան Արցախում
«Ադրբեջանն իր գործողություններով ոչ միայն հարվածում է Հայաստանին, այլ նաև Ռուսաստանին, որովհետև հենց Ուկրաինայում իրավիճակը լարվում է, Ադրբեջանն այստեղ սկսում է ակտիվանալ և ուժեղացնում է իր ապատեղեկատվական քարոզչությունն ու աշխարհաքաղաքական շանտաժները: Ադրբեջանն ու Թուրքիան ուշի ուշով հետևում են և ուզում են, որ Ուկրաինայում Ռուսաստանը պարտվի, նրանք ուզում են տեսնել Ռուսաստանի մասնատումը: Մենք տեսնում ենք, թե ռուս խաղաղապահների դեմ ինչ քարոզչություն է իրականացվում Ադրբեջանում, այսինքն՝ մենք տեսնում ենք ոչ միայն հրադադարի ռեժիմի խախտումներ, ինչը փաստացի կրակոց էր ինչպես Արցախի խաղաղ բնակչի, այնպես էլ ռուս խաղաղապահների ուղղությամբ, այլ նաև ռմբակոծություններ տեղեկատվական դաշտում:
Ադրբեջանը մշտապես դիմել է և շարունակելու է դիմել սադրանքների, որովհետև չեն փոխվել Ադրբեջանի մոտեցումներն ու նպատակները, հավակնությունները:
Ադրբեջանական կողմի նման քայլերի պատճառը շատ ակնհայտ է՝ ատելություն Արցախի հայերի և Ռուսաստանի նկատմամբ, բայց այդ քայլերն իրականացնելու համար առիթներ են պետք, և այս ժամանակահատվածում Ադրբեջանի ակտիվությունը պայմանավորված է ռուս-ուկրաինական իրավիճակով, որովհետև նրանց համար հիմա շատ հարմար պահ է, որպեսզի հարձակվի և իրականացնի իր նպատակները»,- ԳԱԼԱ-ի հետ զրույցում հայտարարեց Արցախի ԱԳ նախարար Դավիթ Բաբայանը:
Արցախի ԱԳ նախարարի խոսքով՝ մենք պետք է պատրաստ լինենք ցանկացած զարգացումների և հասկանանք, որ իրավիճակը չի կարող նույնը մնալ:
«Մենք պետք է պարզապես այս ծանր պահը հաղթահարենք և դուրս գանք այս իրավիճակից: Չպետք է հուսահատվել, վհատվել, պետք է հասկանանք, որ մեր բոլորի ուսերին մեծ պատասխանատվություն է դրված, և այդ առաքելությանը լծված՝ պիտի հաղթահարենք այս դժվարությունները, մենք ուրիշ ելք, ուրիշ ճանապարհ չունենք»,- հայտարարեց Դավիթ Բաբայանը:
Նախարարը, անդրադառնալով ռուս խաղաղապահների վերաբերյալ Ալիևի հայտարարություններին, նշեց.
«Մենք ուզում ենք, որ ռուս խաղաղապահներն անժամկետ մնան Արցախում, որովհետև նրանց մնալը միայն երաշխիքն է խաղաղության և կայունության: Իհարկե Պաշտպանության բանակը աչալուրջ է, խաղաղապահներն էլ իրականացնում են իրենց գործառույթները, ինչպես որ պետք է:
Մնալ և պաշտպանել մեր հողը. սա է մեր ընդհանուր տրամադրվածությունը, որը երևաց հոկտեմբերի 30-ի հանրահավաքի ժամանակ»,- ընդգծեց Արցախի ԱԳ նախարար Դավիթ Բաբայանը:
ПОСЛЕДНИЕ ОТ АВТОРА
-
New2025-05-10 06:09Четвертый раунд переговоров Ирана с США по ядерной тематике пройдет 11 мая, заявил глава МИД Ирана Аббас Аракчи. Его слова приводит РИА Новости.
-
New2025-05-10 06:06Бои между Индией и Пакистаном вдоль линии контроля возобновились после нескольких часов относительного спокойствия, сообщает Al Jazeera.
-
New2025-05-10 05:56Это день, когда решилось будущее Армении, армянского народа, и после этой победы армянский народ пережил беспрецедентное в своей истории возрождение, которого он не видел на протяжении тысячелетий. Об этом 9 мая в беседе с журналистами в Парке Победы заявил политолог Артур Хачикян.
-
New2025-05-10 05:49Уровень жизни в Армении выше, чем в Азербайджане, но ниже, чем в Грузии, следует из рейтинга издания The Economist, куда вошли 193 страны мира.