2023-01-19 09:28
Информагентства
Դուք ավելի ցածր չէիք կարող ընկնել․ Մարինա Կալջուրանդը՝ ադրբեջանցի պաշտոնյաներին
Կոչ եմ անում ադրբեջանական կողմին՝ հարգել միջազգային պարտավորությունները, դադարեցնել Լաչինի միջանցքի շրջափակումը։ Այս մասին Արցախում շրջափակման հումանիտար հետևանքների վերաբերյալ քննարկման ժամանակ ասել է եվրոպացի պատգամավոր Մարինա Կալջուրանդը։
«Դեկտեմբերի 15-ին, որպես Հարավային Կովկասի հետ հարաբերությունների պատվիրակության նախագահ, անցյալ տարի ես հայտարարություն տարածեցի՝ մտահոգություն հայտնելով Ադրբեջանի պետական իշխանությունների և իբր բնապահպանական ցուցարարների գործողությունների վերաբերյալ։ Ես կոչ եմ արել Ադրբեջանի իշխանություններին՝ դադարեցնել Լաչինի միջանցքի շրջափակումը և կատարել 2020 թվականի նոյեմբերի 9-ի երկկողմ հայտարարությամբ ստանձնած պարտավորությունները։ Անցել է ավելի քան մեկ ամիս, և Ադրբեջանի գործողությունները հանգեցրել են հումանիտար ծանր ճգնաժամի, այդ թվում՝ 1 մարդու մահվան։ 120 հազար հայ ապրում է շրջափակման մեջ։ Հարյուրավոր ընտանիքներ մնում են բաժանված, մարդիկ զրկված են առաջին անհրաժեշտության ապրանքներից և ծառայություններից։ Երեխաները դպրոց չեն գնում։ Վերջերս մենք ականատես եղանք բարձր մակարդակի բորբոքված հռետորաբանության նոր ալիքի, որը կոչ էր անում խտրականության ենթարկել հայերին՝ նրանց կոչ անելով կամ Ադրբեջանի քաղաքացիություն վերցնել, կամ լքել Լեռնային Ղարաբաղը: Այս հայտարարությունները հարիր չեն մի պետության, որն իրեն համարում է ԵՄ-ի վստահելի գործընկեր։ Ադրբեջանական կողմին կոչ եմ անում հարգել միջազգային պարտավորությունները, դադարեցնել միջանցքի շրջափակումը, ապահովել միջազգային կազմակերպությունների մուտքը Լեռնային Ղարաբաղ և սկսել բանակցություններ համապարփակ խաղաղության համաձայնագրի շուրջ, որը կերաշխավորի Լեռնային Ղարաբաղի հայ բնակչության բոլոր իրավունքները և Ղարաբաղի անվտանգությունը։
Եզրափակելով՝ ուզում եմ անձամբ դիմել ադրբեջանցի պաշտոնյաներին, ովքեր անձամբ իմ դեմ «վհուկների որս» են սկսել։ Ուզում եմ ձեզ ասել, որ դուք ինձ չեք վախեցնի և չեք ստիպի լռել։ Դուք ավելի ցածր ընկնել չեք կարող, սակայն ես ավելի ցածր չեմ իջնի: Եզրափակելով՝ մեջբերեմ Միշել Օբամային. «Երբ նրանք իջնում են, մենք բարձրանում ենք»:
News.am
ПОСЛЕДНИЕ ОТ АВТОРА
-
New2025-07-14 17:08Сейчас создается основа для того, чтобы беспрепятственно сдать коридор под названием «Перекресток мира», а в будущем весь Сюник Азербайджану. Об этом на встрече с журналистами 14 июля заявил адвокат Мкртич Давтян.
-
New2025-07-14 17:08В Брюсселе состоялась трехсторонняя встреча премьер-министра Республики Армения Никола Пашиняна, председателя Европейского совета Антониу Кошты и председателя Европейской комиссии Урсулы фон дер Ляйен. Об этом Новости Армении – NEWS.am сообщили в пресс-службе Правительства республики.
-
New2025-07-14 16:35На фоне внутриполитической нестабильности и геополитического давления, над Арменией нависла реальная угроза утраты суверенитета. Турция и Азербайджан продвигают проекты, которые могут привести к потере контроля над территориями, связывающими Армению с Ираном и Евразийским экономическим союзом, считает доктор политологических наук, профессор Американского университета Армении (АУА) Петро Шакарян.
-
New2025-07-14 16:12"Ардшинбанк" подал заявку на приобретение банка HSBC Malta. Об этом сообщает Times of Malta со ссылкой на собственные источники.