2023-01-25 12:25
Информагентства
0
Արա ԹՈՐԱՆՅԱՆԸ ՊԱՏՄԵՑ ՄԱԿՐՈՆԻ ՀԵՏ ՀԱՆԴԻՊՄԱՆ ՄԱՍԻՆ. ՖՐԱՆՍԻԱՆ ԿԱՐՈՂ Է ՌԱԶՄԱԿԱՆ ԱՋԱԿՑՈՒԹՅՈՒՆ ՑՈՒՑԱԲԵՐԵԼ ՀԱՅԱՍՏԱՆԻՆ
Ֆրանսիայի նախագահ Էմանուել Մակրոնը Ելիսեյան պալատում ընդունել է Ֆրանսիայի Հայկական կազմակերպությունների համակարգող խորհրդի համանախագահներ Արա Թորանյանին և Մուրադ Փափազյանին։
Ֆրանսիայի Հայկական կազմակերպությունների համակարգող խորհրդի համանախագահ Արա Թորանյանը News.am-ի թղթակցի հետ զրույցում ընդգծեց այս հանդիպման կարևորությունը՝ նշելով, որ հայ համայնքի ներկայացուցիչների ընդունելություն նախագահների մակարդակով տեղի է ունենում միայն Ֆրանսիայում։
Նա պատմեց, որ Հայկական կազմակերպությունների համակարգող խորհուրդը վաղուց սերտ հարաբերություններ է հաստատել Ֆրանսիայի կառավարության հետ, այդ թվում՝ նախագահներ Շիրակի, Սարկոզիի, Օլանդի ժամանակներից, կազմակերպությունը ներկա է ողջ երկրում, ներառում է երկրի բոլոր հայկական կազմակերպությունները և սերտորեն ներկայացված է երկրի բոլոր համակարգերում։
«Մակրոնը հիանալի գիտի Հայաստանում և Լեռնային Ղարաբաղում տիրող իրավիճակի մասին, ամեն տարի նա կամ նրա ներկայացուցիչը գալիս է մեր կազմակերպած ընդունելությանը։ Մակրոնն ավելի վաղ խոսել էր հայերին մենակ թողնելու անթույլատրելիության մասին ու խոստացել օգնել։ Հիմա խոսքերից գործի անցնելու ժամանակն է։ Մենք կարծում ենք, որ Ֆրանսիան պետք է օգնություն ցուցաբերի Լեռնային Ղարաբաղի ժողովրդին և կանխի հումանիտար ճգնաժամի խորացումը՝ շրջափակման և սննդի ու դեղորայքի պակասի պայմաններում։ Նման օգնությունը կարող է նաև որոշակի քաղաքական ազդեցություն ունենալ»,- ասաց Հայկական կազմակերպությունների համակարգող խորհրդի համանախագահը։
Նա կարծում է, որ Ֆրանսիան պետք է էլ ավելի ակտիվանա տեղում, ինչպես նաև՝ դիվանագիտական մակարդակում։
«Սպասում ենք նորությունների։ Այս կամ հաջորդ շաբաթ նորությունների ենք սպասում։ Հուսով եմ, որ ինչ-որ բան տեղի կունենա: Մենք հայտարարել ենք, որ իրավիճակը ծանր է, և աշխարհը պետք է ավելի շատ ջանք ներդնի: Ադրբեջանն ուզում է մեկուսացնել հայերին ամբողջ աշխարհից, բայց մենք ինքներս պետք է մեկուսացնենք Ադրբեջանին և մենակ թողնենք նրան աշխարհում։ Ֆրանսիան այլ երկրների հետ կարող է օգնություն ցուցաբերել հայերին։ Փարիզն այս հարցում կարող է ընդհանուր լեզու գտնել ամերիկացիների և նույնիսկ ռուսների հետ»,- ընդգծեց Թորանյանը։
Հարցին, թե պատրա՞ստ է արդյոք Ֆրանսիան անհրաժեշտության դեպքում ռազմական կամ լուրջ տնտեսական աջակցություն ցուցաբերել Հայաստանին, մեր զրուցակիցը պատասխանեց. «Ինչո՞ւ ոչ։ Եթե Հայաստանի դեմ քայլեր ձեռնարկվեն, չեմ կարծում, որ Ֆրանսիան, և ոչ միայն Ֆրանսիան, պետք է ձեռքերը ծալած նստի ու թողնի, որ Հայաստանը հայտնվի ծանր վիճակում։ Հիմա ամբողջ օգնությունը գնում է Ուկրաինային, բայց Հայաստանի հարցը նույնպես կարևոր տեղ է զբաղեցնում Ֆրանսիայի համար»։
ПОСЛЕДНИЕ ОТ АВТОРА
-
New2024-04-25 17:05В Армении такая ситуация, что журналистам надо забыть о законе относительно свободы информации, депутатам - регламент НС, гражданам - законов, потому что в РА нет закона, есть Никол Пашинян. Об этом заявил депутат от блока «Армения» Гегам Манукян, комментируя инцидент в Баграташене.
-
New2024-04-25 17:00В списке 1000 крупнейших налогоплательщиков Армении за январь-март 2024 года первое место заняла компания «Мобайл сентр Арт», заплатившая 19,9 млрд. драмов, а на втором месте оказался «Газпром» с налогом в 18,1 млрд. драмов. Об этом Новости Армении – NEWS.am сообщили в пресс-службе КГД Армении.
-
New2024-04-25 16:58Европейский парламент принял резолюцию о нарушениях прав человека в Азербайджане, призывающую Европейскую комиссию приостановить энергетическое сотрудничество с Азербайджаном и обусловить любое будущее сотрудничество с этой страной освобождением политзаключенных и улучшением общей ситуации с правами человека.
-
New2024-04-25 16:57Группа граждан перекрыла трассу Апаран –Спитак в знак солидарности с тавушцами, выступающими против территориальных уступок Азербайджану.
