2023-01-26 19:31
Информагентства
Արթուր ԱԹԱՆԵՍՅԱՆ․ ԲԱՆԱԿՈՒՄ ԿԱՐԳԱՊԱՀՈՒԹՅԱՆ ԹՈՒԼԱՑՄԱՆ ՊԱՏՃԱՌՆ ԻՇԽԱՆՈՒԹՅԱՆ ՄԱՍՆԱԳԻՏԱԿԱՆ ԳԻՏԵԼԻՔՆԵՐԻ ԵՎ ՓՈՐՁԻ ԲԱՑԱԿԱՅՈՒԹՅՈՒՆՆ Է
Ես բանակում նկատել եմ ոչ թե հետընթաց, այլ զարգացման որոշակի կասեցում։ Մեր անկախության տարիներին բանակը, թերևս, այն քչերից էր, եթե ոչ առաջինը պետական ինստիտուտների ցանկում, որն ակտիվորեն զարգացել է՝ պահպանելով կայունությունը։ Այս մասին News.am-ի հետ զրույցում ասաց քաղաքագետ Արթուր Աթանեսյանը՝ մեկնաբանելով հունվարի 19-ին Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորական վաշտի կացարանում բռնկված հրդեհը, որը 15 զինծառայողի կյանք է խլել:
Նրա խոսքով՝ նախկինում բանակում կարելի էր զգալիորեն ավելի քիչ արատավոր երևույթներ հանդիպել, որոնք բնորոշ էին հայ հասարակությանը։
«Սակայն շուտով բանակի զարգացումը կասեցվեց։ Ինձ համար դա ակնհայտ էր։ Դա տեղի ունեցավ այն ժամանակ, երբ մենք պետական մակարդակով հանկարծ որոշեցինք, որ բանակը պետք է ղեկավարի և լիովին ի վիճակի է ղեկավարել քաղաքացիական անձը։ Եվ, իհարկե, համապատասխան թիմի հետ»,-պարզաբանեց քաղաքագետը։
Նա նշեց, որ տվյալ ոլորտի ցանկացած փորձագետ, ինչպես և բանակում ծառայած ցանկացած անձ, շատ լավ գիտի, որ բանակում և բանակային կոլեկտիվներում մարդկանց փոխհարաբերությունները կառուցվում են հարգանքի, խորը գիտելիքների հիման վրա՝ այս կամ այն մասնագիտության, փորձի և ազդեցության այլ լծակների շրջանակում։
«Եթե հրամանատարն իր ենթակաների շրջանում հարգանք չի վայելում, իսկ պաշտպանության նախարարը՝ զինված ուժերի հրամկազմի շրջանում, ապա բանակային հիերարխիան և կարգապահությունը սկսում են քայքայվել։ Վերադաս հրամանատարության հրամանները սկսում են անտեսվել»,-նկատեց Աթանեսյանը։
Բանակում, Ինչպես նշեց փորձագետը, առանձնապես չեն սիրում գրասենյակներում աշխատող անձանց։ Դա, մասնավորապես, վերաբերում է պաշտոնյաներին և շտաբային աշխատողներին։ Դրանց թվին կարելի է ավելացնել նաև պաշտպանության նախարարին։
«Նրանց համար նա պաշտոնյա է, որը, ի թիվս այլնի, որպես կանոն, բավական կասկածելի քաղաքական փորձ ունի։ Այսինքն՝ ցանկացած քաղաքական գործիչ, այսպես թե այնպես, չի վայելելու նրանց հեղինակությունը»,-ընդգծեց քաղաքագետը։
Նա նաև մեղադրեց գործող իշխանությանը դիլետանտության մեջ, մասնավորապես, մասնագիտական գիտելիքների և փորձի բացակայության մեջ, ինչը, ի վերջո, հանգեցրեց կարգապահության թուլացման և ոչ կանոնադրական փոխհարաբերությունների ամրապնդման։
ПОСЛЕДНИЕ ОТ АВТОРА
-
New2025-06-05 19:56Премьер-министр Никол Пашинян, возмущенный публикацией во французской прессе о том, что он купил в этой стране особняк стоимостью более 3 миллионов евро, на сегодняшнем заседании правительства вновь выступил с обвинениями в адрес второго президента Армении Роберта Кочаряна.
-
New2025-06-05 19:55По итогам переговоров грузинские таможенные службы пропустили в Россию 52 армянские фуры с алкоголем (коньяка и вина). Об этом заявил министр экономики Армении Геворк Папоян, на обсуждении отчета о выполнении госбюджета за 2024 год.
-
New2025-06-05 19:52Школы и детские сады закрываются по всей Армении. Об этом написала на своей странице в Facebook супруга экс-главы МИД Армении Нани Осканян, касаясь сегодняшнего заявления премьер-министра РА Никола Пашиняна о том, что в свое время в Дилижане последней было предоставлено здание детсада.
-
New2025-06-05 19:49Новый КПП в Мегри, на границе с Ираном, строящийся на кредит Европейского Банка реконструкции и развития, готов лишь на 11,5%. Об этом заявил председатель парламентской комиссии по региональной и евразийской интеграции Вагаршак Акопян в ходе обсуждения отчета о выполнении госбюджета Армении за 2024 год.