2023-03-07 17:16
Информагентства
Նազարյան․ ԱՀ նախագահը ճնշում է գործադրում արցախցիների վրա (ՏԵՍԱՆՅՈՒԹ)
Ես գիտեմ՝ ինչ նպատակ է հետապնդում Արցախի նախագահ Արայիկ Հարությունյանը. Նա ուղղակի հոգեբանական ճնշում է գործադրում արցախցիների վրա: Այս մասին այսօր՝ մարտի 7-ին, ԱԺ-ում լրագրողների հետ զրույցում նշեց ԱԺ «Հայաստան» խմբակցության պատգամավոր Գեղամ Նազարյանը՝ անդրադառնալով Արցախի նախագահի նախօրեին արված հայտարարությանը, թե եթե Արցախում կան մարդիկ, կան տրամադրություններ, որ պետք է ընդունել Ադրբեջանին ինտեգրվելու առաջարկությունը, ապա հնարավորություն ունեն իրենց քաղաքացիական իրավունքների շրջանակում բարձրաձայնել և ասել, որ մեր ընտրած ճանապարհը սխալ է, փորձեն ձևավորել այդ տրամադրությունները, երկրում ձևավորեն նոր իշխանություն:
«Ես էլ Արայիկ Հարությունյանին հարցնում եմ՝ եթե դու նման հարցադրում ես անում, ի՞նչ նպատակ ես հետապնդում. Պարզ է, չէ՞, թե Ադրբեջանն ինչ է երազում: Ինչու է Արցախի ղեկավարը դրա մասին բարձրաձայնում: Ես կուզեմ, որ ինքն այդ հարցին պատասխանի: Ինքն այնտեղ է, որ այդ խնդիրները կարգավորի: Ինքը Արցախի նախագահն է, ոչ թե Ադրբեջանի ինչ-որ շրջանի հայերի միության նախագահը: Ինքը այդ հարցադրումը անելու փոխարեն պարտավոր էր անվտանգային խնդիրները լուծել: Ոնց որ Պաղեստինի ղեկավարությունը հանդես գա, ասի՝ գիտեք, ժողովուրդ, իսրայելի նպատակն է Պաղեստինն ընդգրկել Իսրայելի մեջ, հակառակ դեպքում ուզում են ուժ կիրառել, ի՞նչ անենք: Նա տեղնուտեղը կհեռացվեր, այդտեղ չէր մնա: Ես գիտեմ՝ ինչ նպատակ է հետապնդում նա: Ինքն ուղղակի հոգեբանական ճնշում է գործադրում արցախցիների վրա, այդքան բան: Այսինքն եթե չեք ուզում պատերազմ, պետք է ինտեգրվեք Ադրբեջանին:
Ենթադրենք այդպիսի տրամադրություն կա, Հայաստանում էլ մարդիկ կան, որ ասում են՝ լավ կլինի միանանք Տաջիկստան-Ղրղզստան միությանը, ուրեմն ասելու ենք եկեք վերցրեք իշխանությո՞ւնը: Կամ ասենք՝ Թուրքիան ուզում է, որ մենք մտնենք Կարսի մարզի մեջ, ասելու ենք՝ դե եթե նման տրամադրություններ կան, եկեք, թե չէ Թուրքիան հարձակվելո՞ւ է: Դա պետության ղեկավարի տո՞ն է: Ո՞նց կարելի է 120 հազար մարդու սարսափի մեջ պահել, ասել՝ եթե չհամաձայնեք, պատրաստվում են ուժ գործադրել: Դա ասելու բա՞ն է»,-ասաց Գեղամ Նազարյանը:
Նա հավելեց, որ Արայիկ Հարությունյանը թաքնվելով ռուս խաղաղապահների թիկունքում, թիրախավորելով ռուս խաղաղապահներին իր անզգույշ հայտարարությամբ, արցախցիների վրա հոգեբանական ճնշում է գործադրում իր ներկայությունը Արցախի նախագահի աթոռին արժևորելու, իմասնավորելու համար և հետագա իր պլանավորած զիջումներն անելիս ասի՝ սա չանեինք, ավելի մեծ զիջումը պետք է անեինք, բայց քանի որ ես եմ, մենք արեցինք սա, տվեցինք մեր երկու կուկուներին, փրկեցինք փչակը:
«Արայիկ Հարությունյանը լավ կլիներ այդ հայտարարությունն անելու փոխարեն Ադրբեջանից պահանջեր հետ վերադարձնել Շուշիի և Հադրութի շրջանները, Մարտունու շրջանը: Բանակցություններին թող դա ասի, լեզու չունի՞»,-ընդգծեց նա:
News.am
ПОСЛЕДНИЕ ОТ АВТОРА
-
2025-05-17 15:28Министр образования, науки, культуры и спорта Жанна Андреасян посетила школы сел Мердзаван и Мхчян, в которых на днях произошли скандальные инциденты. Об этом сообщает пресс-служба армянского ведомства.
-
2025-05-17 15:27«С точки зрения комплектования Вооруженных сил и эффективного использования имеющегося потенциала нужно делать платной не возможность освобождения от армии или сокращение срока службы. Можно использовать уже существующие законодательные возможности – при внесении одной-двух поправок», – написал секретарь фракции «Честь имею» Национального Собрания Армении Тигран Абрамян на своей странице в социальной сети Facebook.
-
2025-05-17 15:26Поэт, член Союза писателей Армении Карен Хуршудян стал Кавалером ордена «За заслуги» Франции.
-
2025-05-17 15:25Рубен Варданян стал дедушкой, находясь в азербайджанском СИЗО, а семья лишена возможности сообщить ему радостную новость. Об этом сообщил его сын Давид в интервью GB News. Давид подчеркнул, что его дочь родилась уже после ареста Рубена.