2023-06-23 14:55
Информагентства
Րաֆֆի Հովհաննիսյան․ Փաշինյանը դառնում է արցախահայության ցեղասպանության մեղսակից
Նիկոլ Փաշինյանը խեղաթյուրում է դիվանագիտական պատմությունը իր մանր անձնական շահի և իշխանության համար։ Այս մասին մամուլի ասուլիսում հայտարարեց ԱԳ նախկին նախարար, «Ժառանգություն» կուսակցության ղեկավար Րաֆֆի Հովհաննիսյանը` անդրադառնալով ՀՀ իշխանությունների` Արցախի նկատմամբ վարած քաղաքականությանը։
Նախկին նախարարի կարծիքով` Արցախին սպառնում է Նախիջևանի ճակատագիրը, որը 110 տարի առաջ բնակեցված էր հիմնականում հայերով և հայկական օրրան էր, իսկ հիմա հայտնի է, թե ինչ վիճակում է։
«Արցախը ապրում է կրիտիկական և կյանքին սպառնացող օրեր, և մենք պետք է փոխենք հայոց և նաև միջազգային հանրային կարծիքը։ Նիկոլ Փաշինյանը խոստովանելով, որ Արցախի հայրենակիցներին սպառնում է ցեղասպանություն, և իր քայլերով բերելով Արցախի պաշարում, իսկ բնակչությանն ուղարկելով ցեղասպան Ադրբեջանի ծոցը բանակցությունների՝ դառնում է ցեղասպանության մեղսակից»,–ասաց Հովհաննիսյանը։
Այս իրավիճակում, ըստ նրա, Նիկոլ Փաշինյանը ունենալով Հայաստանի վարչապետ «բիզնես քարտը», հայկական շահը ներկայացնելու փոխարեն ներկայանում է ինչպես Ադրբեջանի վարձած վերլուծաբան և փորձում է ՀՀ դիվանագիտական պատմության մեջ գտնել սխալներ` այդ կերպ փորձելով արդարացնել իր քաղաքական որոշումները, իր ղեկավարած պարտությունը պատերազմում։
Իսկ թե ինչպես պետք է Հայաստանը Նիկոլ Փաշինյանից հետո միջազգային հանրության աչքին հետ բերի հայկական շահերը մեկնարկային վիճակի, որ միջազգային հանրությունը հասկանա, որ հայ ժողովրդի կարծիքը կապ չունի ներկայիս վարչապետի հայտարարությունների հետ, Հովհաննիսյանը դժվարանում է ասել։ Սակայն մի հարցում նա վստահ է` միջազգային հանրության դիրքորոշումը չի կարող միշտ նույնը լինել, և հնարավոր է աշխատել նրանց հետ։
Sputnik Արմենիա
ПОСЛЕДНИЕ ОТ АВТОРА
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.
-
2025-08-01 16:19С большим интересом ознакомился со статьей министра иностранных дел Российской Федерации, посвящённой 50-летию Хельсинского Заключительного Акта и созданию ОБСЕ.