2023-07-06 11:57
Информагентства
ՄԱԿ-ը պետք է քայլեր անի նաև արցախցի երեխաների համար. Մարգարյանը ելույթ է ունեցել ԱԽ–ում
ՄԱԿ-ը երեխաների իրավունքների կոպիտ խախտումները կանխելու ու երեխաների ֆիզիկական անվտանգությունը երաշխավորելու պատասխանատվություն է կրում ամենուր, այդ թվում՝ Լեռնային Ղարաբաղում։ ՄԱԿ-ի Անվտանգության խորհրդում «Երեխաները և զինված հակամարտությունները» թեմայով քննարկման ժամանակ այս հայտարարությունն է արել ՄԱԿ-ում ՀՀ մշտական ներկայացուցիչ Մհեր Մարգարյանը։
Նա կոչ է արել միջազգային հանրությունը քայլեր ձեռնարկել Լեռնային Ղարաբաղում ապրող երեխաների կյանքի պայմանների հետագա վատթարացումը կանխելու նպատակով։
Մարգարյանը ևս մեկ անգամ հիշեցրել է, որ 2022 թ․ դեկտեմբերից Ադրբեջանի կողմից Արդարադատության միջազգային դատարանի վճռի խախտումով Լեռնային Ղարաբաղի շարունակվող շրջափակումը հատկապես ծանր հումանիտար հետևանքներ է առաջացրել երեխաների համար։
«Անհնար է դարձել դպրոցների ու նախակրթարանների գործունեությունը, առողջապահական ծառայությունների մատուցումը, առաջացել է սննդի, դեղորայքի ու այլ կենսական ապրանքների խիստ կարիք»,- ասել է նա։
Դեսպանը նշել է, որ Ադրբեջանը խոչընդոտում է ՄԱԿ-ի կառույցների մուտքը Լեռնային Ղարաբաղ և տեղի բնակչության կարիքների համապարփակ գնահատումը` շեշտելով, որ Լաչինի միջանցքի արգելափակումը և շուրջ 30 հազար երեխաների ու նրանց ընտանիքների շրջափակումը վերջիններիս իրավունքների ծանր խախտում է։
ПОСЛЕДНИЕ ОТ АВТОРА
-
2025-05-19 19:53Власти Грузии отрицают задержки грузов с армянским коньяком на своей территории и заявляют о стандартных таможенных процедурах.
-
2025-05-19 19:51У мемориалов в Ереване и Алаверди почтили память геноцида греков в Турции.
-
2025-05-19 19:48Министр обороны Азербайджана Закир Гасанов встретился с израильским коллегой Исраэлем Кацем и начальником Генерального штаба Сил обороны генерал-лейтенантом Эялем Замиром, сообщают азербайджанские СМИ.
-
2025-05-19 19:47Следственный комитет Армении начал расследование в связи с попыткой мошенников рассылать фишинговые SMS-сообщения от имени почтового оператора ЗАО «Айпост». Об этом Armenia Today рассказали в Министерстве внутренних дел.