2023-07-24 15:31
Информагентства
Ինչպես կպատասխանի Մոսկվան ԱԹՍ-ների հարձակմանը. Պեսկովի մեկնաբանությունը
Մոսկվայի վրա անօդաչու թռչող սարքերով հարձակման պատասխանը կլինի ռազմական հատուկ գործողության շարունակումը և դրա նպատակների իրագործումը: Լրագրողների հետ զրույցում այս հայտարարությունն է արել ՌԴ նախագահի մամուլի քարտուղար Դմիտրի Պեսկովը։
«Ռազմական հատուկ գործողությունը շարունակվում է և կշարունակվի։ Եվ մենք կհասնենք դրա նպատակներին»,-ասել է Պեսկովը՝ պատասխանելով հարցին, թե արդյոք Ռուսաստանի կողմից որևէ պատասխան կլինի ուկրաինական օբյեկտների ուղղությամբ:
Ավելի վաղ Մոսկվայի քաղաքապետ Սերգեյ Սոբյանինը հայտնել էր, որ մոտավորապես ժամը 4.00-ին գրանցվել են անօդաչու թռչող սարքերի հարվածներ մայրաքաղաքի երկու ոչ բնակելի շենքերի ուղղությամբ, լուրջ ավերածություններ և տուժածներ չկան: Ռուսաստանի պաշտպանության նախարարությունը հայտարարել էր, որ կանխվել է երկու ԱԹՍ–ով ահաբեկչական հարձակում իրականացնելու փորձը, ռադիոէլեկտրոնային պայքարի միջոցները ճնշել են դրանք:
Պեսկովի խոսքով՝ ՌԴ շրջանների վրա անօդաչու թռչող սարքերով հարձակվելու ուկրաինական փորձերը հաճախակի են դարձել, սակայն անվտանգությունն ապահովող բոլոր ծառայությունները զգոն են:
«Ինչպես տեսնում եք, վերջին օրերին ավելացել է մեր շրջանների վրա ԱԹՍ-ներով գրոհելու փորձերի ինտենսիվությունը։ Այդ պատճառով միջոցներ են ձեռնարկվում, շատ լարված ամենօրյա շուրջօրյա աշխատանք է ընթանում»,-ասել է ՌԴ նախագահի մամուլի քարտուղարը։
Պատասխանելով հարցին, թե արդյոք մայիսին անօդաչուների հարձակումից հետո Մոսկվայում ՀՕՊ համակարգի հետ աշխատանքներ տարվել են, Պեսկովը նշել է, որ հարցն ավելի շատ վերաբերում է պաշտպանության նախարարությանը, սակայն այդ ուղղությամբ միջոցներ են ձեռնարկվում:
Նա ընդգծել է, որ Ռուսաստանի զինված ուժերը երբեք հարվածներ չեն հասցնում Ուկրաինայի սոցիալական ենթակառուցվածքներին և վանքերին։
«Մեր զինված ուժերը երբեք չեն հարվածում սոցիալական ենթակառուցվածքի օբյեկտներին կամ առավել ևս վանքերին, եկեղեցիներին և նմանատիպ այլ օբյեկտներին։ Ուստի նման մեղադրանքները մենք չենք ընդունում, դա բացարձակ սուտ է։ Այնտեղ խոսքը հակահրթիռների մասին է, որոնք արձակվել են և որոնք իրենք են ավերել այդ տաճարը»,-ասել է Պեսկովը։
Հուլիսի 23-ին ՌԴ ՊՆ-ն հերքել էր ուկրաինական կողմի հաղորդագրությունն այն մասին, որ բարձր ճշգրտության զենքի կիրառման հետևանքով Օդեսայում խոցվել է Պայծառակերպության տաճարը: Գերատեսչության տվյալներով՝ վանքի ավերման ամենահավանական պատճառն այն է, որ հակաօդային պաշտպանության համալիրների օպերատորների անգրագետ գործողությունների հետևանքով ուկրաինական կառավարվող զենիթային հրթիռ է ընկել։
Sputnik Արմենիա
ПОСЛЕДНИЕ ОТ АВТОРА
-
New2025-06-24 18:16По инициативе и при поддержке предпринимателя и благотворителя Самвела Карапетяна создана адвокатская группа, которая будет бесплатно оказывать правовую помощь гражданам, подвергшимся незаконному уголовному преследованию.
-
New2025-06-24 18:14Власти продлили до 31 декабря срок действия сертификатов по программе господдержки доступности жилья для вынужденно покинувших отдельные районы Нагорного Карабаха в 2020 году. Об этом сообщает Министерство труда и социальных вопросов. Ранее срок действия сертификатов был установлен до 1 июля.
-
New2025-06-24 18:14В результате вчерашних ударов Израиля по Ирану погибли двое иранских генералов, сообщают местные СМИ.
-
New2025-06-24 16:37Евразийская экономическая комиссия (исполнительный орган ЕАЭС) намерена предложить механизмы упрощения доступа товаров из стран союза на российский рынок государственных закупок. Об этом заявил министр ЕЭК по конкуренции и антимонопольному регулированию Максим Ермолович в ходе пресс-конференции в международном мультимедийном центре Sputnik.