2023-09-18 12:08
Информагентства
Լևոն ԱՐՈՆՅԱՆ․ ՄԵՆՔ ՉԵՆՔ ԿԱՐՈՂ ՄԵՐ ԼՌՈՒԹՅԱՄԲ ԹՈՒՅԼ ՏԱԼ, ՈՐ ՏԵՂԻ ՈՒՆԵՆԱ ՄԻ ԲԱՆ, ՈՐԻ ՀԱՄԱՐ ՄԱՐԴԿՈՒԹՅՈՒՆԸ ԴԱՐԵՐ ՇԱՐՈՒՆԱԿ ԱՄԱՉԵԼՈՒ Է
Լևոն Արոնյանը բաց նամակ է հրապարակել՝ ուղղված շախմատային հանրությանը: Նամակում հայ գրոսմայստերն անդրադառնում է Արախում ստեղծված իրավիճակին և Արցախի շրջափակմանն ուղղում իր ընթերցողների ուշադրությունը:
«Ես գրում եմ ձեզ հարգանքով, շփոթմունքով և իմ զգացմունքները ձեզ հետ կիսելու ցանկությամբ:
Ես գրում եմ ձեզ այն մասին, ինչի մասին մտածում եմ ամեն օր, և գրում եմ ինձ հարազատ լեզվով` ռուսերենով, քանի որ հուսով եմ, որ դա ինձ թույլ կտա հստակ արտահայտվել:
Ստեփանակերտ քաղաքը, որտեղ ապրում են ինձ մերձավոր մարդիկ, և ամբողջ Արցախն ավելի քան ինը ամիս շրջափակման մեջ է։ Սա նշանակում է, որ այնտեղ գործնականում չի մատակարարվում սննդամթերք, այդ թվում՝ երեխաների բնականոն զարգացման համար անհրաժեշտ սննդամթերք. դեղամիջոցներ, ներառյալ նրանք, որոնք անհրաժեշտ են սրտի հիվանդության հետ կապված խնդիրներ ունեցող տարեցների համար:
Աշխարհն արդեն սկսում է արտասանել «ցեղասպանություն» բառը։ Եվ սա 21-րդ դարում։
Շրջափակումը պայմանավորված չէ անհրաժեշտությամբ, ռազմավարական նշանակությամբ կամ որևէ այլ պատճառով։ Ընդհանրապես, դժվար է նշել, թե որն է պատճառը, երբ հասարակ մարդիկ զրկված են ամենաանհրաժեշտ բաներից։ Առաջին հերթին սնունդ. Եվ նաև գազ և էլեկտրականություն։
Ես կարծում եմ, որ հասարակ ադրբեջանցիներին այս շրջափակումը պետք չէ։ Սա ընդամենը մի մասն է այն մարդու վարքագծի, ով իրեն վեր է դասում Աստծո օրենքից և համընդհանուր բարոյականությունից: Այն մարդը, ով իմ ժողովրդի անդամներին շներ է անվանում։ Այս մարդու անունը Իլհամ Ալիև է։
Ես չեմ հավատում, որ մարդկային որակները որոշվում են ազգությամբ։ Բոլոր ազգերում կան վատ մարդիկ, և կան լավ մարդիկ, սա մանրուք է:
Բայց կան լավ մարդիկ, ովքեր լռում են, քանի որ վախենում են վատերից։ Ես հոգնել եմ լռելուց, և կարծում եմ, որ մարդիկ, ովքեր կարեկցում են և չեն կարողանում դիտել, թե ինչպես են սովամահ 120 հազար մարդիկ, մեծամասնություն են:
Դիմում եմ իմ ընկեր գրոսմայստերներին. Մենք իրավունք չունենք մեր լռությամբ արդարացնել տեղի ունեցողը։ Եվ ես վստահ եմ, որ իմ ադրբեջանցի գործընկերներին ամենևին էլ չի հետաքրքրում այն անմարդկային իրավիճակը, որը Իլհամ Ալիևը ստեղծում է Ղարաբաղի ժողովրդի համար»,– գրել է Արոնյանը։
Նա նաև արթնանալու կոչ է արել.
«Մենք չենք կարող մեր լռությամբ թույլ տալ, որ տեղի ունենա մի բան, որի համար մարդկությունը դարեր շարունակ ամաչելու է»:
Արոնյանը նշել է, որ իրենք պարտավոր են խոսել կատարվածի մասին և փորձել հասնել նրանց, ովքեր կարող են փոխել այս ամոթալի իրավիճակը։
ПОСЛЕДНИЕ ОТ АВТОРА
-
New2025-06-16 15:49Власти Армении нападками на ААЦ пытаются отвлечь общество от серьезнейших проблем и важнейших вызовов, стоящих перед страной. Об этом заявил бывший омбудсмен РА Арман Татоян на проходящем в Ереване обсуждении, посвященном проблемам в отношениях государства и церкви.
-
New2025-06-16 15:43На вопросы ИАЦ VERELQ отвечает политолог Бениамин МАТЕВОСЯН.
-
New2025-06-16 15:06Военная эскалация между Ираном и Израилем эскалация угрожает жизням, увеличивает риск радиационных аварий. Об этом заявил гендиректор МАГАТЭ Рафаэль Гросси.
-
New2025-06-16 15:05Громкое уголовное дело, связанное с отмыванием денег в особо крупных размерах, дошло до суда. Прокуратура утвердила обвинительное заключение по делу А.А., проходящего по делу совместно с бывшим чрезвычайным и полномочным послом Армении при Святом Престоле М.М., и передала материалы в Ереванский общий суд первой инстанции.