2023-11-17 19:08
Информагентства
Էդուարդ ՇԱՐՄԱԶԱՆՈՎ․ ՀՀ-Ի ՀԱՄԱՐ ԿԱ 3 ՃԱՆԱՊԱՐՀ, ՄԵԿԸ` ՑԱՆԿԱԼԻ, ԵՐԿՈՒՍԸ` ՈՂԲԵՐԳԱԿԱՆ
Եթե Հայաստանը շարժվի Արևմուտքի գծած պլանով և դուրս գա Ռուսաստանի դեմ, հետևանքներ չլինել չեն կարող։ Այսօր լրագրողների հետ հանդիպմանը այս հայտարարությունն արեց ՀՀԿ գերագույն մարմնի անդամ Էդուարդ Շարմազանովը։
«Արևմուտքին անհրաժեշտ է մի բան` նա մեկ դար շարունակ ջանում է այս տարածաշրջանից հեռացնել Ռուսաստանին, ու ՀՀ վարչապետ Նիկոլ Փաշինյանն այսօր դարձել է Արևմուտքի բութ գործիքը ռուսականության դեմ պայքարում»,–ասաց նա։
ՀՀԿ–ական գործիչը նշեց, որ Արևմուտքն իր նպատակին հասնելու համար Վրաստանում օգտագործեց Միխեիլ Սաակաշվիիլին, Ուկրաինայում` Վլադիմիր Զելենսկիին, իսկ Հայաստանում` Նիկոլ Փաշինյանին։ Եվ արևմտյան պաշտոնյաներն անգամ չեն թաքցնում իրենց իրական նպատակը։
Ինչ վերաբերում է ՌԴ–ի դեմ դուրս գալու հետևանքներին, ապա Շարմազանովի համոզմամբ` այդ քայլին գնալուց առաջ պետք է լավ մտածել։
«ՌԴ–ն գերտերություն է` Կուրիլյան կղզիներից մինչև Կալինինգրադ։ Երբ որ դու Ռուսաստանի դեմ քար ես նետում, պետք է պատրաստ լինես, որ նա կարող է ավելի մեծ քարով քո գլխին տալ։ Պետք է քար նետելիս մտածել` կմարսես, թե չէ»,–ասաց նա։
Քաղաքական գործիչը, անդրադառնալով իշխանությունների կողմից ՀԱՊԿ–ին ուղղված քննադատություններին, հիշեցրեց, որ ՀՀ–ն անդամակցում է այդ կառույցին, քանի որ դա ռուսական անվտանգային համակարգի մի մասն է, որը բավական արդյունավետ աշխատել է 30 տարի։
«Այդ Ռուսաստանն է մեզ 50 հազար տոննա ձրի զենք, «Իսկանդեր» տվել, նաև ռուսական ռազմական օժանդակության արդյունքում է հայ–թուրքական սահմանը այդպես հանգիստ եղել։ Ու երբ ՌԴ–ն քեզ 165 դոլարով գազ է տալիս, քո գյուղատնտեսական ապրանքների 90 տոկոսը ռուսական շուկայում է, այդքանը մի կողմ ես դնում ու Արևմուտքի բզբզոցով Ռուսաստանի դեմ ես դուրս գալիս, ուզում ես մարսե՞լ»,–ասաց ընդդիմադիր քաղաքական գործիչը։
Նա վստահ է, որ ո՛չ Ֆրանսիան, ո՛չ ԵՄ–ն չեն կարող ՀՀ անվտանգային որևէ խնդիր լուծել։ Շարմազանովը հիշեցրեց, որ ԵՄ անդամ պետության` Կիպրոսի 30 տոկոսն օկուպացված է Թուրքիայի կողմից, սակայն Եվրամիությունն անգամ իր անդամ պետության անվտանգությունը չի կարողանում ապահովել։
«Կարծում եք` թուրքական սպառնալիքի ժամանակ արևմտյան զինվոր կամ զե՞նք է գալու, մեզ օգնի։ Որքան 100 տարի առաջ եկան, այնքան էլ հիմա են գալու, իրենց մոտ լավ ստացվում են միայն կենացները»,– հավելեց նա։
Շարմազանովի կարծիքով` ՀՀ–ի համար ստեղծված իրավիճակում կա երեք ճանապարհ, ամենացանկալին ազգային պետականության վերականգնումն է: Երկրորդն ու երրորդը ոչ միայն անցանկալի են, այլև ողբերգական: Երկրորդը «Ուկրարմենիա» դառնալն է, որովհետև Հայաստանին սպառնում է Ուկրաինայի ճակատագիրը։ Երրորդ ճանապարհը Հայաստանի վիլայեթացումն է։
ПОСЛЕДНИЕ ОТ АВТОРА
-
New2025-05-20 11:2515 мая вступило в силу полноформатное соглашение о свободной торговле между Евразийским экономическим союзом и Ираном — событие, которое может кардинально изменить экономическую архитектуру региона. Благодаря этому историческому документу товары, экспортируемые из Армении в Иран, практически полностью освобождаются от таможенных пошлин.
-
New2025-05-20 10:24Два миллиона человек голодают, в то время как «тонны продовольствия заблокированы на границе, всего в нескольких минутах ходьбы, заявил глава Всемирной организации здравоохранения Тедрос Адханом Гебрейесус.
-
New2025-05-20 10:19Оппозиционная фракция "Честь имею" отказалась поддержать кандидатуру лидера партии "Просвещенная Армения" Эдмона Марукяна на пост премьер-министра в рамках инициативы о вотуме недоверия действующему главе правительства Николу Пашиняну. Напомним, ранее Марукяна выдвинули бывшие депутаты от "Гражданского договора" Акоп Асланян и Овик Агазарян.
-
New2025-05-20 10:17Азербайджан уничтожил в Аскеране мемориальный комплекс, посвященный памяти погибших в Великую Отечественную войну, сообщил MonumentWatch.