Последние новости
2023-11-24 16:44

ՎԵՐԱԿԱՌՈՒՑՄԱՆ ԵՎ ԶԱՐԳԱՑՄԱՆ ԵՎՐՈՊԱԿԱՆ ԲԱՆԿԸ ԵՎ ԵՎՐՈՊԱԿԱՆ ՄԻՈՒԹՅՈՒՆԸ ԱՐԴՇԻՆԲԱՆԿԻՆ ՏՐԱՄԱԴՐԵԼ ԵՆ ՎԱՐԿ ՄՓՄՁ ԶԱՐԳԱՑՄԱՆ ՀԱՄԱՐ

0
Telegram

Վերակառուցման և Զարգացման Եվրոպական Բանկը (ՎԶԵԲ) և Եվրոպական Միությունը (ԵՄ) Արդշինբանկին տրամադրել են 20 մլն. ԱՄՆ դոլարի չափով վարկավորում Հայաստանի միկրո, փոքր և միջին բիզնեսի ձեռնարկությունների վերավարկավորման ծրագրի շրջանակներում: Ֆինանսական փաթեթը նախատեսված է Հայաստանում աճի, մրցունակության և կանաչ տնտեսության զարգացման համար: Պայմանագիրը կնքվել է Երևանում, նոյեմբերի 24-ին:

Փաթեթը ներառում է երկու վարկ ՎԶԵԲ-ից: Այս գումարի կեսը վերավարկավորման տեսքով կտրամադրվի հայկական ընկերություններին` նրանց աճն ու զարգացումը խթանելու նպատակով, իսկ մյուս 10 միլիոն ԱՄՆ դոլարը կօժանդակի էկոլոգիապես մաքուր սարքավորումների և ԵՄ չափանիշներին համապատասխանեցման համար արտադրության արդիականացմանն ուղղված ներդրումներին:

Ֆինանսավորումը կօգնի վարկառուներին բարձրացնել իրենց մրցունակությունը ինչպես երկրի ներսում, այնպես էլ արտերկրում և դիվեսիֆիկացնել իրենց արտահանման շուկաները: Այս ամենին զուգահեռ տրամադրված միջոցները կաջակցեն աշխատանքի պահպանության և անվտանգության միջոցառումների իրականացմանը, ինչպես նաև էկոլոգիապես մաքուր գործելակերպի և ռեսուրսների օգտագործման արդյունավետության ներդրմանը: Վարկի ոչ պակաս, քան 70%-ը կուղղվի «կանաչ» տեխնոլոգիաների ֆինանսավորմանը:

Բացի այդ, վարկառուները կստանան անվճար օգնություն միջազգային խորհրդատուների կողմից և իրենց ներդրումային ծրագրերի ավարտից հետո կօգտվեն գումարի վերադարձի (cash-back) արտոնություններից: Երկու վարկերն էլ ֆինանսավորվում են ԵՄ-ի կողմից «ԵՄ-ն բիզնեսի համար» նախաձեռնության շրջանակներում և նպաստում են Արևելյան գործընկերության (ԱյԳ) տնտեսական և ներդրումային ծրագրի նպատակներին, որոնք ներառում են աջակցությունը Հայաստանում 30,000 ՓՄՁ-ներին։

 Ֆրենսիս ՄալիժՊայմանագրի ստորագրման արարողության ժամանակ Ֆինանսական հաստատությունների գծով ՎԶԵԲ-ի գործադիր տնօրեն Ֆրենսիս Մալիժն իր խոսքում ասաց.

«Ուրախ եմ տեղեկացնել, որ այսօրվա ստորագրմամբ Արդշինբանկը միացել է մեր ֆլեգշիփ ծրագրին, որի նպատակն է տեղական ընկերություններն ավելի «կանաչ» և ավելի մրցունակ դարձնել թե՛ տեղական և թե՛ միջազգային ասպարեզներում: Մեր ֆինանսական գործընկերոջ հետ այս համագործակցությունը մեր երկարամյա դոնորի՝ Եվրամիության աջակցության հետ մեկտեղ, թույլ է տալիս մեծացնել հայկական ընկերություններին տրամադրվող մեր աջակցությունը: Ակնկալում ենք ավելի շատ հայկական ապրանքներ և հայկական ապրանքանիշեր տեսնել համաշխարհային շուկայում»:

 Լոուրենս ՄերեդիթԵվրոպական Հանձնաժողովի Արևելյան հարևանության և ինստիտուցիոնալ զարգացման գծով տնօրեն Լոուրենս Մերեդիթը նշեց, որ Եվրամիությունը հպարտ է աջակցելու այս նոր արտոնյալ վարկային գծին, որը կնքում են ՎԶԵԲ-ը և Արդշինբանկը:

«Սա ևս մեկ անգամ փաստում է, որ Հայաստանի համար մեր տնտեսական և ներդրումային ծրագիրը գործուն է»։

 Արտակ ԱնանյանԱրդշինբանկի Վարչության նախագահ Արտակ Անանյանը շնորհակալություն հայտնեց ՎԶԵԲ-ին և Եվրամիությանը արդյունավետ համագործակցության և Արդշինբանկին վստահելու համար՝ մասնավորապես նշելով. «Մեզ համար մեծ պատիվ է շարունակել համագործակցությունը Վերակառուցման և Զարգացման Եվրոպական Բանկի հետ, որն Արդշինբանկի վաղեմի գործընկերն է: ՄՓՄՁ հատվածը չափազանց կարևոր է Հայաստանի տնտեսության զարգացման, արտահանման առաջխաղացման և աշխատատեղերի ստեղծման համար: Մեր լայնամասշտաբ տարածաշրջանային ցանցի շնորհիվ այս միջոցների զգալի մասը ռազմավարական իմաստով կուղղվի շատ շրջաններում ՓՄՁ-ների ուժեղացմանը»։

Արդշինբանկի ղեկավարը հատուկ ընդգծեց Եվրամիության դերը Հայաստանում «կանաչ» վարկավորման և դրա էկոլոգիական անվտանգության աջակցման գործում: Այդ միջոցները Ա.Անանյանի խոսքով, ունեն ռազմավարական նշանակություն Արդշինբանկի համար և կնպաստեն կանաչ վարկավորման ծավալների մեծացմանը ամբողջ հանրապետության տարածքում:

Հիշեցնենք, որ 1992 թ.-ին մեկնարկած իր գործունեության սկզբից ՎԶԵԲ-ն Հայաստանում ֆինանսավորել է 207 նախագիծ ավելի քան 2 մլրդ. Եվրո գումարի չափով: ՎԶԵԲ-ի և ԵՄ-ի ֆինանսավորման ծրագիրը հանդիսանում է «ԵՄ-ն բիզնեսի համար – ՎԶԵԲ-ի վարկային գիծ» համատեղ ծրագրի մի մասը, որի համար ՎԶԵԲ-ը գործընկեր ֆինանսական հաստատությունների միջոցով ֆինանսավորում է տրամադրում ՄՓՄՁ-ներին, մինչդեռ ԵՄ-ն լրացնում է՝ խրախուսական դրամաշնորհների և տեխնիկական աջակցության տեսքով։ Այս ծրագիրը նաև հասանելի է Վրաստանում, Մոլդովայում և Ուկրաինայում։

Բանկը վերահսկվում է ՀՀ Կենտրոնական բանկի կողմից:

Галерея (5 фото)

Основная тема:
Արդշինբանկ

Теги:
Արդշինբանկ

ПОСЛЕДНИЕ ОТ АВТОРА

  • АРМЯНСКОЕ НАГОРЬЕ – ОДИН ИЗ ДРЕВНЕЙШИХ АГРАРНЫХ ЦЕНТРОВ ЕВРАЗИИ
    2025-07-08 10:28

    Раскопки конца XX - начала XXI вв. показали, что переход к земледелию начался здесь еще в позднем мезолите и оформился в неолите. Теплое лето, умеренно-влажная весна и богатые вулканические почвы - идеальные условия для первобытных охотников-собирателей, пробовавших выращивать злаки.

  • Андрей ТКАЧЕВ: «ПОДКОП ПОД ЦЕРКОВЬ – ЭТО ПОЛЗУЧИЙ ГЕНОЦИД»
    2025-07-08 10:17

    "Наезд Пашиняна на Армянскую Апостольскую Церковь не остался незамеченным в общей повестке новостей, - пишет на своей странице в соцсети "ВКонтакте" протоиерей Андрей Ткачёв. - Пашинян называет Церковь "сундуком с рухлядью", обвиняет епископов в организации госпереворота..., а эксперты говорят о кардинальной перекройке идентичности. Ибо что такое армянский народ без Армянской Церкви? Если к бесконечной череде исторических армянских унижений добавить еще и подкоп под ААЦ, то можно всерьез рассуждать о ползучем геноциде и культурном исчезновении.

  • АМЕРИАБАНК ВЫСТУПИЛ ФИНТЕХ-ПАРТНЁРОМ TECH WEEK VANADZOR
    2025-07-08 08:37

    Одно из крупнейших технологических мероприятий года — Tech Week 2025 прошло 4-6 июля в Ванадзоре. Америабанк присоединился к трёхдневному празднику в качестве финтех-партнёра.

  • ИРАН - ИЗРАИЛЬ: ТОЧКА КИПЕНИЯ ПРОЙДЕНА ИЛИ ЕЩЕ НЕ ВРЕМЯ?
    2025-07-07 09:53

    На фоне скрытой паузы в вооруженном конфликте между Ираном и Израилем можно поразмышлять о последствиях в случае победы одной из сторон. Осознание того, что данное противостояние переросло рамки дипломатической напряженности и угроз и всё больше напоминает конфликт потенциально глобального масштаба, лишь удручает и не вызывает какого-либо оптимизма. Мы не можем игнорировать событие такого размаха, в котором участвуют не только Израиль с Ираном, но и их крупные союзники: Россия со стороны Ирана; США, Турция и Азербайджан - на стороне Израиля. Для Южного Кавказа, особенно Армении, этот конфликт может стать судьбоносным, поэтому давайте рассмотрим 2 возможных сценария развития событий.

ПОСЛЕДНЕЕ ПО ТЕМЕ