2024-01-20 10:34
Информагентства
ՀԱՅԱՍՏԱՆԸ ԾԱՆՈԹԱՆՈՒՄ Է ՄՈԴՈՒԼԱՅԻՆ ՏԻՊԻ ԱՏՈՄԱՅԻՆ ԷԼԵԿՏՐԱԿԱՅԱՆՆԵՐԻ ՀՆԱՐԱՎՈՐՈՒԹՅՈՒՆՆԵՐԻՆ
Հայաստանից պատվիրակություն է մեկնել ԱՄՆ` ծանոթանալու մոդուլային տիպի ատոմային էլեկտրակայանների հնարավորություններին, այս մասին Aysor.am-ի գրավոր հարցմանն ի պատասխան` տեղեկացրել են ՀՀ տարածքային կառավարման և ենթակառուցվածքների նախարարությունից:
ՀՀ ՏԿԵ փոխնախարար Հակոբ Վարդանյանը հայտնել է, որ Հայաստանում նոր միջուկային էներգաբլոկ կառուցելու նպատակով ներկայումս ուսումնասիրվում են աշխարհում գոյություն ունեցող միջուկային տեխնոլոգիաները, այդ թվում` փոքր մոդուլյար ռեակտորները:
«2023 թվականի հուլիս մասին ԱՄՆ է գործուղվել աշխատանքային խումբ, վերջինիս ներկայացվել են ամերիկյան միջուկային տեխնոլոգիաները, փոքր մոդուլյար ռեակտորները և դրանց վերաբերյալ զարգացումները: Աշխատանքները շարունակվում են տեխնիկատնտեսական հիմնավորման մշակման նպատակով»,- նշել է փոխնախարարը:
Հայաստանն ուսումնասիրում է նաև միջուկային ռեակտորներ արտադրող այլ երկրների, մասնավորապես` ռուսական, հարավ-կորեական, ֆրանսիական տեխնոլոգիաները:
«Հայաստանում նոր միջուկային էներգաբլոկ կառուցելու նպատակով Ատոմային էներգիայի միջազգային գործակալության ուղեցույցներին համապատասխան` նախատեսվում է Հայաստանում նոր ատոմային էլեկտրակայանի կառուցման ծրագիր իրականացնող կազմակերպության ստեղծում, որը կիրականացնի նոր էներգաբլոկի կառուցման ծրագիրը»,- հավելել է Հակոբ Վարդանյանը:
Էներգետիկայի բնագավառի զարգացման ռազմավարական ծրագրով նոր էներգաբլոկը նախատեսվում է թողարկել 2036 թվականին, որը կփոխարինի գործող էներգաբլոկին:
Հիշեցնենք` վարչապետ Նիկոլ Փաշինյանը Միջուկային անվտանգության կարգավորման կոմիտեում հայտարարել էր, որ քաղաքական առումով հետաքրքիր է համարում մոդուլյար ռեակտորների տարբերակը:
Ավելի վաղ լուրեր էին տարածվել, որ ԱՄՆ-ն դիտարկում է Հայաստանում փոքր մոդուլային միջուկային ռեակտորներ կառուցելու հնարավորությունը:
Վարչապետը 2023 թվականի մայիսի 24-ին Ազգային ժողովում ասել էր, որ Հայաստանից պատվիրակություն կմեկնի ԱՄՆ՝ ծանոթանալու մոդուլային տիպի ատոմային էլեկտրակայանների հնարավորություններին։
ПОСЛЕДНИЕ ОТ АВТОРА
-
2025-07-19 15:51Нижняя палата двухпалатного федерального парламента Бельгии – Палата представителей, единогласно приняла резолюцию «О ситуации в Нагорном Карабахе и необходимости мира на Южном Кавказе».
-
2025-07-19 15:25Азербайджанская диаспора в Подмосковье, вероятно, будет расформирована – об этом в разговоре с Газетой.Ru сообщил бывший руководитель организации Эльшан Ибрагимов. По его словам, в текущих условиях желающих заниматься деятельностью диаспоры практически не осталось.
-
2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.
-
2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.