2024-01-22 17:34
Информагентства
ՄԱՄԵԴ ՌԱՍՈՒԼԶԱԴԵԻ ՏԱՐԵԴԱՐՁԸ ՆՇԵԼԸ ԱԴՐԲԵՋԱՆԻ ԻՇԽԱՆՈՒԹՅՈՒՆՆԵՐԻ ԿՈՂՄԻՑ ՊԱՏՄԱԿԱՆ ՓԱՍՏԵՐԻ ԽԵՂԱԹՅՈՒՐՈՒՄ Է
Միջազգային «Լազարևյան ակումբի» խորհուրդը և ԱՊՀ երկրների ինստիտուտը (Մոսկվա) համատեղ հայտարարություն են տարածել՝ կապված Ադրբեջանում Մամեդ Ռասուլզադեի տարեդարձը նշելու հետ։
«Լրատվամիջոցների մեծամասնության լռության ֆոնին Ռուս-հայկական միջազգային «Լազարևյան ակումբի» խորհուրդը և ԱՊՀ երկրների ինստիտուտը (Մոսկվա) անհրաժեշտ են համարում հայտարարություն անել՝ կապված Ադրբեջանի նախագահի կողմից 2023 թվականի դեկտեմբերի 30-ին, ինչպես նշվում է պաշտոնական փաստաթղթում, «Ադրբեջանի Դեմոկրատական Հանրապետության հիմնադիրներից մեկի՝ Ազգային խորհրդի նախագահ Մամեդ Էմին Ռասուլզադեի 140-ամյակը նշելու» հետ:
Մեզ համար ակնհայտ է, որ Ադրբեջանի ղեկավարության այս որոշումը ցուցադրական բնույթ ունի և վկայում է երկակի ստանդարտների քաղաքականության մասին, որը վարում է Բաքուն՝ խեղաթյուրելով պատմական փաստերը։
Զայրացած դատապարտելով և Հայաստանում Առաջին համաշխարհային պատերազմի ժամանակ Հայոց ցեղասպանության դեմ պայքարի հերոս ճանաչված Գարեգին Նժդեհին ֆաշիստների հանցակից անվանելով՝ ադրբեջանցի քարոզիչները գովաբանում են Մամեդ Ռասուլզադեին՝ Ռուսական կայսրության և Խորհրդային Միության ոխերիմ թշնամուն, ով հետևողականորեն համագործակցել է Պիլսուդսկու, Հիտլերի և հետպատերազմյան ամերիկամետ «ԽՍՀՄ ստրկացած ժողովուրդների ազատագրման կոմիտեի» հետ Թուրքիայում, նրան հռչակել է «Ադրբեջանի հայր», բազմապատկում և երկրպագում են նրա հուշարձանները Ադրբեջանում և վերջին 10 տարվա մեջ երկրորդ անգամ նշում են նրա տարեդարձը պետական մակարդակով։
Նացիստական բանակի կազմում ադրբեջանական լեգեոնի ստեղծողին հերոսացնելու այս կեղծ փորձը չափազանց տագնապալի է թվում։ Ցավոք, սա «հաղթանակների տոնի» տրամաբանության մեջ է տեղավորվում, որ Ադրբեջանի իշխանությունները շարունակում են Լեռնային Ղարաբաղի տարածքից հայ բնակչության համընդհանուր արտագաղթի ֆոնին։
«Առաջին անգամը չէ, որ հայտարարում ենք, որ դրանով Ադրբեջանի իշխանությունները շարունակում են «վիշապի ատամներ» սերմանել և մրցակցել Նիկոլ Փաշինյանի կառավարության հետ՝ Անդրկովկասում պատմական հիշողությունը և ռուսական ազդեցությունը թուլացնելու հարցում»,- ասվում է հայտարարության մեջ։
ПОСЛЕДНИЕ ОТ АВТОРА
-
New2025-07-08 09:32МИД Армении отреагировал на запрос Sputnik Армения о том, обращался ли Ереван к премьеру Словакии Роберту Фицо в ходе его визита в Армению за разъяснениями по поводу скандальных заявлений министра обороны этой страны и продажи оружия Азербайджану.
-
New2025-07-08 09:30Не представляю, кто поверит «обоснованиям» премьер-министра, кроме нескольких его преданных соратников. Очевидно, что Пашинян пытается придать какую-то правовую логику тем беззакониям, которые уже совершены (например, арест защищавшего Церковь Самвела Карапетяна) и которые планируются.
-
New2025-07-08 09:28Замглавы МИД России Михаил Галузин в беседе с послом Армении Гургеном Арсеняном довел до него позицию о необходимости поддержания в Армении конструктивного информационного фона о России, а также "сверил часы" с ним по поводу будущих контактов Москвы и Еревана, сообщил российский МИД.
-
New2025-07-08 09:25Администрация президента США Дональда Трампа исключила из списка террористических организаций «Хайят Тахрир аш-Шам» (возглавляет президент Сирии Ахмед аль-Шараа).