Последние новости
2024-01-29 13:23
0

ԱՐԴՇԻՆԲԱՆԿՆ ԸՆՏՐԵԼ Է OLYMPIC ԲԱՆԿԱՅԻՆ ՀԱՄԱԿԱՐԳԸ

0
Telegram

Արդշինբանկ ՓԲԸ-ն ընտրել է OLYMPIC Banking System համակարգը իր` արժեթղթերով և արտարժույթով գործառնությունների սպասարկման համար:

Բանկի մամլո ծառայության հայտարարության համաձայն Արդշինբանկն իր հաճախորդների լայն շրջանակին մատուցում է ներդրումային ծառայություններ՝ արժեթղթերի պահառություն, ներդրումային (բրոքերային), արտարժույթային ծառայություններ: Արդշինբանկն իր հաճախորդներին առաջարկում է իր գործընկերների և թղթակիցների լայն ցանցից օգտվելու բացառիկ առավելություն, ինչը հնարավորություն է տալիս օգտագործել բանկի ռազմավարական հարաբերությունները գործընկերների հետ ամբողջ աշխարհում:

OLYMPIC Banking System համակարգը կներառի արժեթղթերի (բաժնետոմսեր, պարտատոմսեր, ֆոնդի փայեր, ածանցյալ գործիքներ և այլն) և արտարժույթային գործառնությունների (սփոթ, ֆորվարդ, սվոպ) գործարքների ամբողջ շղթան: Այս գործառնությունները կիրականացվեն OLYMPIC Banking System համակարգի՝ արժեթղթերով փոխանցումների, վերջնահաշվարկի կառավարման, պահառության, հաշվապահական հաշվառման և կանխիկի կառավարման գործառույթներով: Բացի այդ, բանկը նախատեսում է գործարկել ERI թվային բանկային հարթակը, որը կներառի փոխանցումների/վճարման հանձնարարականները, արժեթղթերի և արտարժույթային գործառնությունների պատվերները: Համակարգը ինտեգրվելու է բանկի մոբայլ բանկինգ հավելվածին՝ մանրածախ բիզնեսի սպասարկման համար։

Թվայնացման և տաղանդների կառավարման գծով տնօրեն, Արդշինբանկի վարչության անդամ Հարություն Իսպիրյանը, մասնավորապես, ասաց. «Գործելով ժամանակակից ներդրումային բանկինգի դինամիկ միջավայրում, մենք ուրախ ենք ներդնելու այս նորագույն համակարգը, որը կպարզեցնի և կթվայնացնի մեր ներդրումային ծառայություններն իրենց բոլոր փուլերում: Այս ռազմավարական քայլն ընդգծում է մեր հավատարմությունը՝ հաճախորդներին իրենց տեսակի մեջ լավագույն ներդրումային ծառայություններ մատուցելուն, և մեզ դիրքավորում է ոլորտի տեխնոլոգիական նորարարությունների առաջնագծում»:

«Մեր հաճախորդների թիմում Արդշինբանկին ընդունելը խոսում է մեր բազային բանկային համակարգի ուժի ու հնարավորությունների մասին: Արդշինբանկի հետ համագործակցությունը ոգևորող է, քանի որ սկսելով այն մենք նպատակ ունենք համատեղ հաջողության հասնել դինամիկ զարգացող թվային բանկինգի իրականության, արժեթղթերի և արտարժույթի շուկայում իրականացվող գործառնությունների ոլորտում», - իր խոսքում ասաց ERI վաճառքի և մարքեթինգի տնօրեն Ժան-Ֆիլիպ Բերսիեն:

ERI

ERI-ն միջազգային ընկերություն է, որ մասնագիտացած է բանկային գործարքների, արժեթղթերի պահպանության և ակտիվների կառավարման ծրագրային ապահովվածության ինտեգրված փաթեթի ստեղծման, տարածման և միաժամանակյա սպասարկման մեջ. OLYMPIC Banking System®: Աշխատելով բազմաթիվ խոշոր ֆինանսական կենտրոններում՝ ERI ներկա է Լյուքսեմբուրգում, Ժնևում, Ցյուրիխում, Լուգանոյում, Սինգապուրում և Փարիզում:

Ավելի քան 400 բանկեր և ֆինանսական հաստատություններ Եվրոպայի, Մերձավոր Արևելքի, Աֆրիկայի, Ամերիկայի և Ասիայի ավելի քան 60 երկրներում արդեն ընտրել են OLYMPIC Banking System®:

Բանկը վերահսկվում է ՀՀ Կենտրոնական բանկի կողմից:

Основная тема:
Արդշինբանկ

Теги:
Արդշինբանկ

Интерактивный тур

    ПОСЛЕДНИЕ ОТ АВТОРА



    Радио Аврора

    Интерактивный тур

    Migration Resource Centers

    ПОСЛЕДНЕЕ ПО ТЕМЕ