2024-03-02 10:56
Соб.инф.
ՍԵՐԳԵՅ ԼԱՎՐՈՎԸ ՅՈՒՐԻ ՆԱՎՈՅԱՆԻՆ ՊԱՐԳԵՎԱՏԵԼ Է ՌՈՒՍԱՍՏԱՆԻ ԱՐՏԱՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆ «ԽԱՂԱՂՈՒԹՅԱՆ ԱՄՐԱՊՆԴՄԱՆԸ ՆՊԱՍՏԵԼՈՒ ՀԱՄԱՐ» ՄԵԴԱԼՈՎ
Ռուսաստանի արտաքին գործերի նախարար Սերգեյ Լավրովի 2024 թ․ փետրվարի 27-ի հրամանագրով ԴԻԱԼՈԳ կազմակերպության նախագահ Յուրի Նավոյանը պարգևատրվել է Ռուսաստանի արտաքին գործերի նախարարության «Խաղաղության ամրապնդմանը նպաստելու համար» մեդալով։
Յուրի Նավոյանը տևական ժամանակ զբաղվում է միջազգային հարաբերությունների, հայ-ռուսական համագործակցության և հայկական սփյուռքի հարցերով։
Նրա նախաձեռնած ծրագրերը հասարակական դիվանագիտության միջոցով նպաստում են հայ-ռուսական երկխոսության դաշտի ընդլայնմանը, միջխորհրդարանական և միջկուսակցական հարաբերությունների զարգացմանը, միջմշակութային և գիտակրթական փոխանակման խորացմանը, Հայաստանի և Ռուսաստանի միջև համակարգային հարաբերությունների ամրապնդմանը։
Յուրի Նավոյանը Երևանի պետական համալսարանի պատմության ֆակուլտետի և ՌԴ ԱԳՆ Դիվանագիտական ակադեմիայի միջազգային հարաբերությունների ֆակուլտետի շրջանավարտ է։ Ավարտել է նաև Եվրոպայի Խորհրդի քաղաքագիտական դասընթացները (Ստրասբուրգ), փորձաշրջան է անցել Հարվարդի համալսարանի Իրավաբանական դպրոցում (Բոստոն), Դանիայում և Շվեդիայում։ Ղեկավարել է Հայաստանի կրթության և գիտության նախարարության Սփյուռքի բաժինը, «Ռուս-Հայկական համագործակցություն» կազմակերպությունը, իսկ 2017 ապրիլին համախոհ քաղաքագետների հետ միասին հիմնադրել է ԴԻԱԼՈԳ հասարակական կազմակերպությունը։
Վեջին տարիների խոշոր ծրագրերից, որոնք իրագործվել են նրա ղեկավարությամբ, կարելի է առանձնացնել Միջազգային գործերի ռուսաստանյան խորհրդի (РСМД) հետ համատեղ անցկացվող ամենամյա քաղաքագիտական կլոր սեղանները, Հայ-Ռուսական հումանիտար երկխոսության «Հերոսական բալլադ» նախագիծը, Գեղարքունիքի մարզպետի ղեկավարած պատվիրակության՝ Ռուսաստան և Օմսկի նահանգապետի ղեկավարած պատվիրակության՝ Հայաստան գործնական ծրագրերով փոխադարձ այցերի նախաձեռնումը և իրականացումը, «Բիբլիո-Գլոբուսի» հետ համատեղ Հայ-Ռուսական ակումբի հիմնադրումը, ԴԻԱԼՈԳ մատենաշարի ստեղծումը, Հայաստանի և Ռուսաստանի արտաքին գործերի նախարարությունների հետ համագործակցաբար հայ-ռուսական համաձայնագրերի երկլեզվյա եռահատորյակի կազմումը և Երևանում ռուսական գրքի տան հետ միասին դրա հրատարակումը, Ստեփանակերտի ռուսական դրամատիկական թատրոնի և «Լիտերատուրնայա Արմենիա» ամսագրի հովանավորումը և այլն։
Նշենք, որ սա Ռուսաստանի արտաքին գործերի նախարար Սերգեյ Լավրովի կողմից Յուրի Նավոյանի երկրորդ պարգևատրումն է․ 2017 թվականին նա արժանացել է Ռուսաստանի արտաքին գործերի նախարարության «Փոխգործակցության համար» մեդալի։
Հատկանշական է, որ մինչ այդ՝ 2016 թվականին Յուրի Նավոյանը պարգևատրվել է Հայաստանի արտաքին գործերի նախարարության Պատվո մեդալով։
ПОСЛЕДНИЕ ОТ АВТОРА
-
2025-06-09 10:35Пашинян, присвоивший все ключевые ветви и институты власти, готов устранить любое препятствие, угрожающее его власти, – даже ценой свержения конституционного строя, пишет онлайн-ресурс Армянского центра стратегических и национальных исследований «ACNIS ReView. Взгляд из Еревана» в публикации «Последний бастион». В ней подчеркивается, что очередь дошла до последнего из столпов нашей национальной идентичности – Церкви, которая уже 7 лет в одиночку противостоит нападкам власти, и долг каждого из нас – вступить в священную борьбу, встать рядом с Верховным Патриархом: последний бастион, последний окоп мы должны защитить всей нацией, иначе потомки нам этого не простят… Статью полностью приводим ниже.
-
2025-06-09 10:26Есть истории, покоряющие современников, а потом со временем превращающиеся в легенды, хотя и были на самом деле. В этот список войдет и железный хачкар у часовни Камакатар в Ванадзоре. Он создан кузнецом Эмилем Саргсяном.
-
2025-06-09 10:05Газета «Ноев Ковчег» продолжает серию публикаций о российских военнослужащих и бойцах добровольческих отрядов, которые в зоне СВО (специальной военной операции) проявляют невероятные примеры доблести и отваги на поле боя.
-
2025-06-07 09:13Артем Саркисович Саркисян родился в селе Чартар (Мартунинский район НКАО) в 1926 году. С отличием окончил среднюю школу в 1944 г., а потом в 1950 - физико-математический факультет Азербайджанского государственного университета. Далее последовал рывок в научной карьере.