2024-03-12 19:31
Информагентства
Կարապետյան․ Նոյեմբերի 14-ին Դուբայում էի և չէի կարող զեկուցել սահմանի իրավիճակի մասին
ՀՀ պաշտպանության նախկին նախարար Արշակ Կարապետյանը 2021 թ. նոյեմբերի 14–ին եղել է Դուբայում, որտեղ պլանավորված էր շատ կարևոր հանդիպում։ Այսօր հրապարակված տեսաուղերձում այդ մասին ասել է ինքը` Կարապետյանը` պատասխանելով ՀՀ վարչապետ Նիկոլ Փաշինյանին։
Փաշինյանն այսօրվա մամուլի ասուլիսում հայտարարել է, որ 2021 թ. նոյեմբերի 14–ի առավոտյան Արշակ Կարապետյանն իրեն զեկուցել է, որ սահմանի երկայնքով ամեն ինչ հանգիստ է և հանդարտ, մինչդեռ այդ պահին մեր սահմանի մի շարք տեղամասերում ադրբեջանական զորքերը ներխուժած են եղել ՀՀ տարածք և նույնիսկ դիրքեր են վերցրած եղել:
«Մենք ունեինք զենքի գնամ և ներկրման խնդիր, հիմնականում ԱԹՍ–ների մասին է խոսքը, և ես ֆիզիկապես հնարավորություն չունեի զեկուցել պարոն մեր ղեկավարին սահմանին տիրող իրավիճակի մասին»,– պատմեց նախկին նախարարը։
Ըստ նրա` սահմանային իրավիճակի մասին վարչապետին պետք է զեկուցեր այն անձը, որն այդ օրը մնացել էր ՀՀ–ում պաշտպանության նախարարի տեղը` որպես այդ օրը նախարարի գործառույթներ կատարող անձ։
Նա նաև բացարձակ սուտ որակեց Փաշինյանի այն պնդումը, թե ինքը նշանակվել է ՌԴ ցուցումով։
«Դա ինքը` Փաշինյանը, նույնպես հաստատեց, երբ ասաց, որ ինձ նշանակել է` հաշվի առնելով իմ կապերը ՌԴ-ի հետ։ Մենք մեծ աշխատանք ենք տարել ՌԴ-ի հետ, և երեք տարվա ընթացքում հայկական բանակը պետք է լիներ այնպիսին, որ այսօր երևի թե կորցրած չլինեինք ԼՂ–ն, ու մյուս ուղղություններով էլ ադրբեջանցիներ չէին լինի»,– ընդգծեց Կարապետյանը։
Նա պատմեց, որ նախարար լինելու ժամանակ` հոկտեմբերին, ՌԴ–ում հանդիպել է ադրբեջանական կողմի հետ և պայմանավորվել, որ ներխուժված ուղղություններով ադրբեջանցիները նահանջելու են։
«Երկու շաբաթից կրկին պիտի հանդիպեինք և այդ հարցը վերջնական լուծեինք, բայց նոյեմբերի 15–ին պարոն Փաշինյանը որոշում կայացրեց ինձ պաշտոնից ազատել»,– ասաց Կարապետյանը։
Հիշեցնենք` Արշակ Կարապետյանը 1993-2018 թվականին ծառայել է Հայաստանի զինված ուժերում։ Եղել է գլխավոր շտաբի հետախուզության վարչության պետ։ 2018֊2021 թվականներին եղել է ՀՀ վարչապետ Նիկոլ Փաշինյանի խորհրդականը։ Կարապետյանը պաշտպանության նախարար նշանակվեց 2021թ–ի օգոստոսի 2–ին, նույն թվականի նոյեմբերի 15–ին պաշտոնանկ արվեց։
Sputnik Արմենիա
ПОСЛЕДНИЕ ОТ АВТОРА
-
2025-07-22 19:45Главное последствие эскалации конфликта России и Азербайджана — осознание, что Баку не тот, за кого выдавал себя, считает первый заместитель председателя Комитета Госдумы по делам СНГ Константин Затулин. Об этом депутат рассказал в беседе с «Лентой.ру».
-
2025-07-22 19:44Заблаговременная регистрация иностранцев в мобильном приложении RuID со сдачей биометрии и заполнение в нем электронного заявления является добровольной и не послужит отказом для въезда в РФ. Об этом сообщает ТАСС со ссылкой на пресс-центр МВД России.
-
2025-07-22 19:39Напомните, пожалуйста, этому субъекту, что она окончила юридический факультет. Фактически эта госпожа прогуляла все уроки, касающиеся институтов «презумпции невиновности» и «надлежащего доказательства». Об этом написала на своей странице в Facebook адвокат Марине Фарманян, комментируя заявление министра здравоохранения Армении Анаит Аванесян.
-
2025-07-22 19:37Люди, которые взяли на себя управление ЭСА, не имеют опыта. Это политические лица, и они, в первую очередь, будут ставить политические шоу. Об этом заявил в беседе с корреспондентом Новости Армении – NEWS.am экономист Сурен Парсян.