2024-05-09 09:32
Информагентства
Արա ԱՅՎԱԶՅԱՆ․ ՌՈՒՍԱՍՏԱՆԻ ԵՎ ԹՈՒՐՔԻԱՅԻ ՄԻՋԵՎ ՊԵՏՔ Է ԸՆՏՐԵԼ ՉԱՐՅԱՑ ՓՈՔՐԱԳՈՒՅՆԸ
Ռուսաստանի դիրքերը տարածաշրջանում զգալիորեն թուլացել են, սակայն դեռ վաղ է ասել, որ հեռանում է տարածաշրջանից. այն, ինչը կատարվում է, պետք է ազդանշան լինի Մոսկվայի համար, քանի որ եթե կորցնեն Հարավային Կովկասը, ապա կբացեն սեփական տարածքների դարպասները։ News.am-ի «ՈւԺԻ ԳՈՐԾՈՆ» հաղորդման եթերում նման կարծիք է հայտնել ՀՀ նախկին արտգործնախարար Արա Այվազյանը։
Ռուս խաղաղապահների դուրսբերումն Արցախից, նրա խոսքով, անակնկալ էր նույնիսկ ռուսական որոշ շրջանակների համար։
«Կարծում եմ, որ դա շատ արագ որոշման արդյունք էր: Խաղաղապահների դուրսբերումն Արցախից կարելի էր կանխել, եթե Հայաստանը չհեռանար արցախյան խնդրից: 2022 թվականի փետրվարից Ռուսաստանի և Ադրբեջանի միջև համագործակցության նոր ձևաչափ է ի հայտ եկել, և չնայած հակասություններին նրանց հաջողվում է ընդհանուր լեզու գտնել»,- նշել է նախկին արտգործնախարարը։
Այվազյանը կասկածում է, որ Հայաստանն ու Ռուսաստանը կխզեն հարաբերությունները, սակայն դրանք դժվար ժամանակներ են ապրում, ինչը, նախկին արտգործնախարարի գնահատմամբ, երկուստեք սխալների արդյունք է։
Այվազյանը ափսոսանք հայտնեց, որ տարաձայնությունները հրապարակային դաշտ են տեղափոխվել։
«Ամենախելամիտը կլինի հանգիստ մթնոլորտում քննարկել խնդիրները՝ հաշվի առնելով նոր ստատուս քվոյի ձևավորումը, որը չի բավարարում ոչ Հայաստանին, ոչ Ռուսաստանին, և հասկանալ, թե ինչպես կարելի է արդիականացնել հարաբերությունները։ Ամենաբարձր մակարդակով շփումների կրճատումը պետք է անհանգստություն առաջացնի ոչ միայն Հայաստանի, այլև Ռուսաստանի համար։ Միաժամանակ, Թուրքիան և Ադրբեջանը օգտվում են Հայաստանի և Ռուսաստանի միջև երկխոսության բացակայությունից, որոնք միշտ մտածել են, թե ինչպես իրարից հեռացնեն Երևանին և Մոսկվային:
Հայաստանն ու Ռուսաստանը պետք է տարանջատեն ռազմավարությունը մարտավարությունից։ ԵՄ-ում մեզ չեն սպասում ո՛չ որպես անդամության թեկնածու, ո՛չ էլ առավել ևս որպես անդամ։ Մեզ ասում են, որ Ռուսաստանին պետք է փոխարինի Թուրքիան։ Այս երկու խաղացողներից ո՞ւմ կընտրենք։ Այո, Մոսկվան թույլ տվեց լուրջ սխալներ, բայց պետք է ընտրել չարյաց փոքրագույնը։ Հակառակ դեպքում Հայաստանը կդառնա թյուրքական աշխարհի մաս, որը սպառնում է մեր պետականությանը»,- ընդգծեց նախկին նախարարը։
ПОСЛЕДНИЕ ОТ АВТОРА
-
2025-05-14 19:54На заседании Ученого совета Российско-Армянского университета (РАУ) тему докторской диссертации заместителя директора Службы национальной безопасности (СНБ) Армении Андраника Симоняна утвердили в нарушение сложившейся в вузе практики и в отсутствие самого Симоняна.
-
2025-05-14 19:50Уголовное дело по факту гибели армянского военнослужащего Карена Аветисяна возбуждено в Следственном комитете. Об этом сообщили корреспонденту Sputnik Армения в пресс-службе ведомства.
-
2025-05-14 19:48Окно возможностей для урегулирования конфликта на Украине будет открыто в ближайшие 14 дней. Такое мнение высказал генсек НАТО Марк Рютте на полях неформальной встречи глав МИД альянса в Анталье.
-
2025-05-14 19:46Бывший депутат НС РА Самвел Фарманян пишет: