2024-09-19 15:12
Информагентства
ԻՄԱՍՏ ՉԿԱ ԱՐՁԱԳԱՆՔԵԼ ՓԱՇԻՆՅԱՆԻ ԱՄԵՆ «ՓՌՇՏՈՑԻՆ»․ ԶԱՏՈՒԼԻՆԸ՝ ՀԱՊԿ-Ի ՎԵՐԱԲԵՐՅԱԼ ՀԱՅՏԱՐԱՐՈՒԹՅԱՆ ՄԱՍԻՆ
Հայաստանի կառավարության ղեկավարը «միանշանակ մարտահրավեր» է նետում Ռուսաստանին, սակայն «իմաստ չկա արձագանքել նրա յուրաքանչյուր «փռշտոցին»։ Այս մասին RTVI-ին ասել է Ռուսաստանի Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը։
Ըստ պատգամավորի՝ Փաշինյանը մոտավորապես նույն բանն է ասում, ինչ տարիներ առաջ, երբ «ոչ ոք իրեն լուրջ քաղաքական գործիչ չէր համարում»։
«Նա մարգինալ լրագրող էր և նույնիսկ այն ժամանակ պնդում էր, որ Հայաստանը դադարի կենտրոնանալ Ռուսաստանի վրա, հեռանա ՀԱՊԿ-ից, լուծարվի Գյումրիի ռազմաբազան և այլն։ Այդ մասին նա հայտարարեց որպես ընդդիմադիր, որին քչերն էին լսում։ Նրա՝ 2018 թվականին վարչապետի պաշտոնում հայտնվելուն հետևել է բարեկամության մասին կեղծ հավաստիացումների կարճ ժամանակաշրջան, և այժմ նա վերադարձել է ինքն իրեն»,- նշել է Զատուլինը։
Փաշինյանի քննադատությունը «միանշանակ մարտահրավեր» է Ռուսաստանին, որին գերադասելի է նույն տոնով չպատասխանել՝ «այս քննարկման նշաձողն իջեցնելու համար», կարծում է պատգամավորը։ Զատուլինը հիշեցրեց ՀԱՊԿ-ի այն հայտարարությունը, որ իրենք դեռ Հայաստանին համարում են կազմակերպության անդամ և շարունակում են համագործակցել։
«Բայց մենք չպետք է մեր գլուխները թաղնենք ավազի մեջ, այլ հասկանանք, թե ինչի է տանում պարոն Փաշինյանը, դեպի ուր է ներքաշում Հայաստանին։ Կարևորն այն էֆեկտն է, որ պարոն Փաշինյանը թողնում է աշխարհասփյուռ հայերի վրա, իբր որպես հիմնական հայ, ինչպես ոմանք կարծում են, մարտահրավեր է նետում մեզ՝ պնդելով, թե մենք դավադրություններ ենք կազմակերպում Հայաստանի դեմ»,- հավելել է պատգամավորը:
Խոսելով ՀԱՊԿ-ի մասին՝ Փաշինյանը «նպատակ ունի թիրախավորել Ռուսաստանը», շարունակել է Զատուլինը, քանի որ «բոլորն էլ հասկանում են, որ ՀԱՊԿ-ը Ռուսաստանի համար պաշտպանական տարածքում ինքնադրսևորման ձև է»։
«Նա բացահայտորեն հակադրվում է Ռուսաստանին, ահա թե ինչ են անում թշնամիներն ու հակառակորդները, հատկապես այն ժամանակ, երբ մենք ռազմական գործողություններ ենք իրականացնում, դիմակայում ենք Արևմուտքին և այլն։ Եվ սա պետք է բոլորին պարզ լինի, որպեսզի այս մասին ինչ-որ սկանդալ բարձրացնելու ցանկություն անգամ չառաջանա։ Ես դեմ եմ, որ ամեն «փռշտոցի» արձագանքենք։ Պետք է ներքին եզրակացություններ անել Փաշինյանի կառավարության և իր բնույթի մասին»,- եզրափակել է Պետդումայի պատգամավորը։
Հիշեցնենք, որ երեկ ՀՀ վարչապետ Նիկոլ Փաշինյանը հայտարարել է, որ ՀԱՊԿ-ը ստեղծում է սպառնալիքներ Հայաստանի անվտանգության համար, Հայաստանի հետագա գոյության, ինքնիշխանության և պետականության համար։
Aysor.am
ПОСЛЕДНИЕ ОТ АВТОРА
-
New2025-06-30 19:32Представители Католикоса Великого Дома Киликийского Арама I в Эчмиадзине встретились с Католикосом всех армян Гарегином II. Они передали Гарегину II обеспокоенность Арама I и его видение относительно выхода из сложившейся ситуации.
-
New2025-06-30 19:29Школьники из Армении завоевали 21 медаль на 5-й международной олимпиаде по прикладной биологии в провинции Бали в Индонезии. Об этом сообщает пресс-служба министерства образования, науки, культуры и спорта Армении.
-
New2025-06-30 19:20Баку выбрал путь обострения отношений с Москвой. Пока в Азербайджане наберутся мудрости, будет страдать азербайджанская диаспора, пишет обозреватель Pravda.Ru Любовь Степушова.
-
New2025-06-30 19:13«Предъявленное предстоятелю Ширакской епархии Армянской Апостольской церкви архиепископу Микаэлу Аджапахяну обвинение – полностью незаконное и необоснованное. И это не только наша позиция. Такой была также позиция прокуратуры и Следственного комитета – до того момента, как премьер-министр начал свои нападки на архиепископа. Хронология здесь абсолютно ясна», – заявил на встрече с журналистами 30 июня представитель группы адвокатов архиепископа Ерем Саркисян.