2024-09-19 18:43
Информагентства
Լուազո․ Նրանք, ովքեր Բաքվում մասնակցելու են «COP29» համաժողովին, պետք է կոչ անեն՝ ապահովելու հայերի վերադարձը ԼՂ
Եվրոպական խորհրդարանի լիագումար նիստում կայացած իր ելույթում ֆրանսիացի պատգամավոր, ԵԽ արտաքին հարաբերությունների հանձնաժողովի պաշտպանության և անվտանգության հարցերով ենթահանձնաժողովի անդամ Նատալի Լուազոն անդրադարձել է Լեռնային Ղարաբաղի խնդրին և հայ-ադրբեջանական հարաբերություններին:
«Մեկ տարի առաջ այս օրն Ադրբեջանն իրականացրեց ռազմական հարձակում Լեռնային Ղարաբաղի նկատմամբ և բռնի տեղահանեց առավել քան 100000 անձանց՝ այս կերպ պատմության մեջ թողնելով 21-րդ դարի առաջին էթնիկ զտման հետքը։
Եվ մեկ տարի անց ոչ ոք դեռևս հնարավորություն չունի վերադառնալու իր տուն։ Ադրբեջանը շարունակում է պատանդ պահել նախորդ հակամարտության գերիներին, և նրանք նույնպես հնարավորություն չունեն տուն վերադառնալու։ Լեռնային Ղարաբաղի հոգևոր և մշակութային ժառանգությունը սպառնալիքի առջև է կանգնած, և բազում հուշակոթողներ արդեն իսկ ոչնչացվել են», ասել է Լուազոն։
Նա ընդգծել է, որ Ադրբեջանը չի ստորագրել խաղաղության համաձայնագիր Հայաստանի հետ, իսկ մի քանի շաբաթից հյուրընկալելու է «COP29» համաժողովը: «Բոլոր նրանք, ովքեր այցելելու են Բաքու, իրենց բարոյական պարտքը պետք է համարեն կոչ անելու ապահովել հայերի վերադարձը Լեռնային Ղարաբաղ և ազատ արձակել պատանդներին:
Երկրագնդի համար մեր պայքարը չի կարող իրականացվել այդ մարդկանց հաշվին»,-եզրափակել է ԵԽ պատգամավորը:
News.am
ПОСЛЕДНИЕ ОТ АВТОРА
-
New2025-06-17 19:38Центробанк Армении рассматривает несколько сценариев по рискам, связанным с конфликтом Ирана и Израиля. Об этом председатель Центробанка Армении Мартин Галстян заявил на пресс-конференции.
-
New2025-06-17 19:34Глава ГК "Ташир", российский бизнесмен Самвел Карапетян не задержан, сообщили Sputnik Армения в пресс-службе МВД страны.
-
New2025-06-17 19:30Глава Союза армян России Ара Абрамян осудил действия армянских властей в отношении российского предпринимателя армянского происхождения Самвела Карапетяна.
-
New2025-06-17 19:27Давид Амбарцумян, мэр Масиса, обратился к соотечественникам с предложением в этом году широко и торжественно отпраздновать праздник Кафедрального Собора Святого Эчмиадзина, который Армянская Апостольская Церковь отмечает в воскресенье, 22 июня.