«ՈՍԿԵ ԴՈՒԲԼ». ՆԻԿԻՏԱ ՍԻՄՈՆՅԱՆԻ ՄԱՍԻՆ ՊԱՏՄՈՂ ՖԻԼՄԸ ՄԵԾ ԷԿՐԱՆ ԿԲԱՐՁՐԱՆԱ ՀԱՋՈՐԴ ՏԱՐԻ
Հայաստանում նկարահանվում է լիամետրաժ ֆիլմ՝ «Ոսկե դուբլ» խորագրով, որի գլխավոր դերում հանդես է գալիս Եգոր Բերոևը։ Այն ստեղծվում է AP Cinema կինոընկերության ու START օնլայն-կինթատրոնի կողմից։ Ֆիլմը նվիրված է Նիկիտա Սիմոնյանի կյանքին ու մարզչական կարիերայի փայլուն փուլերից մեկին։
Հենց «Սպարտակ»-ի խաղացողի գլխավորությամբ «Արարատ» ֆուտբոլային ակումբը 1973-ին կարողացավ հասնել խորհրդային ֆուտբոլի պատմության մեջ ամենաբարձր նվաճմանը. անել «Ոսկե դուբլ»՝ մեկ տարում դառնալով ԽՍՀՄ չեմպիոն և ԽՍՀՄ գավաթակիր:
Սցենարի համաձայն, Նիկիտա Սիմոնյանը դառնում է երևանյան «Արարատ»-ի մարզիչն ու իր առջև անհնարին խնդիր դնում։ Նա ձգտում է «ոսկե դուբլի»՝ չեմպիոնական մեդալի և ԽՍՀՄ գավաթի, բայց թիմը չի ընդունում նոր մարզչին, իսկ գլխավոր մրցակիցը պատրաստ է ամեն ինչի հանուն հաղթանակի։
«Ես անկեղծ զարմացած էի, երբ ինձ այդ ֆիլմի գաղափարն առաջարկեցին, քանի որ շատ ժամանակ է անցել։ 50 տարին քիչ չէ։ Միակ բանը որ ցանկանում եմ՝ մարդիկ իմանան իրական պատմությունը։ Նախագծի վրա աշխատում են ճանաչված մարդիկ, ես նրանց վստահում եմ։ Հույս ունեմ, այս պատմությունը ոգևորիչ ու մոտիվացնող կլինի երեխաների համար, երիտասարդ ֆուտբոլիստների համար, որոնք երազում են մեծ հաղթանկների մասին»,-ասել է Սիմոնյանը։
Ֆիլմի ռեժիսորը Մհեր Մկրտչյանն է։ Նա հաճախ է սոցցանցի իր էջում լուսանկարներ հրապարակում նկարահանումների ընթացքից։ Ֆիլմում հանդես են գալիս նաև դերասաններ Սոֆյա Դոնյանցը, Քսենիա Ալֆերովան, Սերգեյ Շակուրովը, Սերգեյ Գազարովը, Բաբկեն Չոբանյանը, Անահիտ Կիրակոսյանը, Անդրանիկ Խաչատրյանը, Դիաննա Մալենկոն, Միլեն Ղազարյանը և այլք։
Ֆիլմը մեծ էկրան կբարձրանա հաջորդ տարի։
ПОСЛЕДНИЕ ОТ АВТОРА
-
2025-05-05 15:56
Думаю, Ален Симонян имеет статус азербайджанского ефрейтора-шпиона и турецкого агента, а ссылка на его слова отвратительна для любого армянина.
-
2025-05-05 14:18
Спикер армянского парламента Ален Симонян назвал второго президента Армении Роберта Кочаряна человеком, имеющим «статус российского шпиона». Это ответственное заявление Симонян сделал на брифинге 5 мая.
-
2025-05-05 14:16
Оппозиционный депутат парламента Армении Гегам Манукян призвал повысить зарплаты военнослужащим без обязательной аттестации.
-
2025-05-05 14:15
Глава правительства Беларуси Александр Турчин прибыл с официальным визитом в Азербайджан.