2024-10-28 11:08
Информагентства
Տիգրան ԱԲՐԱՀԱՄՅԱՆ․ ԵԿՄ ՆԱԽԱԳԱՀԻ ՀԱՅՏԱՐԱՐՈՒԹՅՈՒՆԸ ԾԱՆՐ ՀԱՐՎԱԾ Է ՄԵՐ ԶԻՆԾԱՌԱՅՈՂԻՆ
ԵԿՄ նախագահ Սասուն Միքայելյանի` սահմանազատման վերաբերյալ հայտարարությունը ծանր հարված է Հայաստանի պաշտպանողականությանը։ Այս մասին հայտարարել է ԱԺ «Պատիվ ունեմ» խմբակցության պատգամավոր, ԱԺ պաշտպանության և անվտանգության հարցերի մշտական հանձնաժողովի անդամ Տիգրան Աբրահամյանը։
Նշենք, որ Սասուն Միքայելյանը երեկ` հոկտեմբերի 27–ին, «Եռաբլուր» զինվորական պանթեոնում հայտարարել էր, որ կողմ է սահմանազատմանը, որովհետև այսօր Հայաստանը ոչ մի հնարավորություն չունի ադրբեջանցու դեմ կռվելու։ Նա ընդգծել էր, որ 20 տարի ադրբեջանցիները ժամանակակից զենք-զինամթերք էին առնում, իսկ Հայաստանի նախորդ իշխանություններն ալան-թալանով էին զբաղվում։
«Ի՞նչ ուղերձ է հղում սահմանին կանգնած զինծառայողին այն մարդը, ով լինելով Փաշինյանի մերձավոր զինակիցն ու Երկրապահի ղեկավարը, ասում է`«ես կողմ եմ սահմանազատմանը, որովհետև մենք որևէ հնարավորություն չունենք Ադրբեջանի դեմ կռվել»: Այն մարդը, ում հրամանատարությամբ, այսօր էլ մարտական դիրքերում հերթապահություն է կրում ԵԿՄ-ն, հայտարարում է, որ դիմադրելու, պայքարելու ձև ու իմաստ չկա, ճիշտն ադրբեջանական պայմաններով հերթական կապիտուլյացիային գնալն է: Իշխանության մեջ այդպիսի կարգավիճակ ունեցողի կողմից նման հայտարարությունը ծանր հարված է մեր պաշտպանողականությանն ու ամենօրյա ռեժիմով ծառայող, քրտինք թափող մեր զինծառայողին»,– նշել է Աբրահամյանը ֆեյսբուքյան էջում:
Նա ընդգծել է, որ Միքայելյանը նաև պատասխանել է Անդրանիկ Քոչարյան-Գագիկ Մելքոնյան անբաժան զույգի այն հայտարարություններին, թե զենք են գնում, «ամրոց» կառուցում, օրուգիշեր աշխատում:
Աբրահամյանի խոսքով` ԵԿՄ նախագահը նման հայտարարությամբ ինքնախոստովանություն է արել, որ 7 տարիների ընթացքում անվտանգության համակարգում իշխանությունը տապալվել է, և իրականում, որևէ լուրջ պաշտպանական համակարգ չի կառուցվել:
«Ավելին` բանակի ալան-թալանի հետ կապված ձևակերպումներն էլ ամբողջությամբ տեղավորվում են փաշինյանական իշխանության տրամաբանության մեջ, որովհետև ըստ Միքայելյանի` 6-7 տարում և հատկապես 44-օրյա պատերազմից հետո, իշխանությունը զինված ուժերի վերականգնման և մարտունակության համապատասխան մակարդակին հասցնելուն ուղղված որևէ լուրջ քայլ չի արել»,– նշել է պատգամավորը։
Ինչ վերաբերվում է Հոկտեմբերի 27-ի գործը բացահայտված չլինելու մասին Միքայելյանի հայտարարություններին, Աբրահամյանը նշել է, որ եթե դրա մասին խոսում է 7 տարի իշխանություն ունեցող անձը, ապա դա ուղիղ մեղադրանք է Փաշինյանին, որ նա կա՛մ ստել է, երբ ասել է, որ գործը բացահայտված չէ, կա՛մ չունի շահագրգռվածություն դա բացահայտելու ուղղությամբ գործելու համար:
ПОСЛЕДНИЕ ОТ АВТОРА
-
New2025-05-02 09:29Как заявил президент премьер-министру Моди на прошлой неделе, Соединенные Штаты твердо намерены поддерживать Индию в борьбе с терроризмом. Об этом заявила 1 мая на брифинге официальный представитель Госдепартамента США Тэмми Брюс, прокомментировавшая последний виток напряженности между Индией и Пакистаном после теракта в Джамму и Кашмире, в результате которого погибли 26 человек.
-
New2025-05-02 09:27Президент США Дональд Трамп в соцсети Truth Social объявил о выдвижении кандидатуры экс-советника по нацбезопасности Майка Уолтца на пост постоянного представителя при ООН.
-
New2025-05-02 09:26Все сведения о том, что Артур Чахоян якобы оскорбил «главу администрации», не соответствуют действительности. Об этом на своей странице в соцсети Facebook написал активист Артур Чахоян, подвергшийся накануне насилию со стороны главы администрации ереванского района Нор Норк.
-
New2025-05-02 09:23В рамках ежегодного общегосударственного субботника, 3 мая, приглашаю всех вас принять участие в городском субботнике. Об этом на своей странице в соцсети Facebook написал новоизбранный мэр Гюмри Вардан Гукасян.