«Քաղաքապետարանը թաթախված է կոռուպցիայի մեջ». ավագանու անդամը՝ նոյեմբերի 1-ից սպասվող տրանսպորտային կոլապսի մասին
Երևանի ավագանու «Մայր Հայաստան» խմբակցության անդամ Մեսրոպ Մանուկանը Երևանի քաղաքապետարանի շենքի բակում հրավիրել է մամուլի ասուլիս՝ նոյեմբերի 1-ից սպասվող տրանսպորտային կոլապսի վերաբերյալ։
Նշենք, որ վաղվանից հասարակական տրանսպորտից, մասնավորապես՝ MAN, ZhongTong և GazelCity մակնիշի փոխադրամիջոցներից օգտվելիս պարտադիր պայման է լինելու 100 դրամանոց մետաղադրամի առկայությունը, կամ ավտոբուսներում տեղադրված վճարային համակարգով QR կոդի միջոցով վճարում իրականացնելը։
Ավագանու անդամը ահազանգում է կոռուպցիոն սխեմաների մասին. «Դեռ Հայկ Մարությանի ժամանակ «Telcell»-ը պայմանագիր է կապում Երևանի քաղաքապետարանի հետ, որ միասնական տոմսային համակարգ պետք է ներդրվի։ Վերջում պայմանագիրը խզում են, հետո նորից են մրցույթ հայտարարում, արդյունքում կրկին հաղթող է ճանաչվում «Telcell»-ը»։
Ավագանու անդամի պնդմամբ՝ պետք էր ի սկզբանե պայմանագիր չկնքել այդ ընկերության հետ. «Այն ընկերությունը, որը պետք է շահեր, առնվազն 200 նմանատիպ ավտոբուսների մեջ պիտի տեղադրած լիներ այդ սարքերը՝ 3 քաղաքներում, այնինչ «Telcell»-ը ունի զրո փորձ։ Անպայման պետք է visa, master, arca քարտերի հավաստագրում ունենան, մինչև այսօր ընկերությունը չի կարողանում։ Ընկերությունը, սակայն, ասում է՝ ունենք, ասում եմ՝ եկեք, գնանք վճարեմ, սակայն չի գործում։ Ընկերությունը պարտավոր էր ավտոբուսների դռների վրա տեղադրել սենսոր համարագեր, այսինքն՝ երբ մտնում ես ավտոբուս, այն պետք է թվաքանակը հաշվեր՝ ստվերը վերացնելու համար։ Քաղաքապետարանի աշխատակիցները գնացել, առել են կամերաներ, տեղադրել են ավտոբուսներում, սակայն այն կամերաները չեն աշխատում։
Իրենք նաև պիտի տեղադրեին ավտոբուսների կառավարման համակարգ, որ մենք իմանայինք՝ արժանապատիվ տրանսպորտ ունենալու համար մեզ քանի ավտոբուս է անհրաժեշտ։ Քաղաքապետարանը այժմ կոռուցպայի մեջ թաթախված է։ Պետք է արդեն գործեին բանկային քարտերը, որ մարդը կարողանար վճարեր ու դուրս գար։ Կոչ եմ անում երևանցիներին՝ վաղվանից ցույց տալ իրենց բանկային քարտերը, և ասել՝ սա ճպացնում եմ քաղաքապետարանի ճակատին»,- նշեց ավագանու անդամը։
Մանուկյանի խոսքով՝ օրական 30 միլիոն դրամ չի մտնում բյուջե. «Այս մարդկանց մոտ օրական հավաքագրումից 30 մլն դրամ կորում է, որովհետև նշում են, թե 600 հազար ուղևոր է օրական լինում, սակայն պարզվում է, որ ընդամենը 300-ն է։ Ամեն մեկին այս «Ավտոբուս» ՓԲ–ից փայ կա, ոչ Դատախազությունը, ոչ էլ Հակակառուպցիոն կոմիտեն իմ ահազանգերը չեն լսում»։
Ավագանու անդամն ասաց, որ նախևառաջ պետք է ունենալ տրանսպորտի ուղիների կառավարման համակարգ. «Հստակ հասկանաք՝ որքան տրանսպորտ է պետք։ Վարորդներն ասում են՝ օրական 1000-1200 հատ ավտոբուս պետք է երթուղի դուրս գա, իրենք ասում են՝ 750-ը բավական է։ Մենք առաջինը պետք է ավելացնենք շարժակազմը»։
Լուրեր Հայաստանից - NEWS.am
ПОСЛЕДНИЕ ОТ АВТОРА
-
2025-05-06 19:49
Лидер Христианско-демократического союза (ХДС) Фридрих Мерц (Friedrich Merz) 6 мая был избран канцлером ФРГ со второй попытки. Как сообщает Арменпресс со ссылкой на Deutsche Welle, за его кандидатуру отдали свои голоса 325 депутатов бундестага из минимально необходимых 316.
-
2025-05-06 19:46
34-летняя жительница Котайкской области получила уведомление о явке в Следственный комитет за комментарий под статьей о премьер-министре Армении одного из СМИ.
-
2025-05-06 19:44
Четвертый раунд непрямых переговоров между Исламской Республикой Иран и Соединенными Штатами состоится в воскресенье в столице Омана, передает Mehr.
-
2025-05-06 19:41
Официальный представитель МИД России Мария Захарова отреагировала на вчерашние обвинения спикера парламента Армении Алена Симоняна в адрес Москвы по поводу якобы ведения гибридной войны и финансирования внутриполитических процессов в республике.