Բաքվում Հայաստանի նկատմամբ տարածքային հավակնությունները չեն համարում հավակնություն

Ադրբեջանի ԱԳՆ մամուլի ծառայության ղեկավար Այխան Հաջիզադեն X հարթակում պատասխանել է Հայաստանի վարչապետ Նիկոլ Փաշինյանին։

Ինչպես հայտնում է -ն, նա այս մասին հրապարակում է տարածել ։

«Այխան Հաջիզադեն նշել է, որ որևէ պատճառ չկա, որ Ադրբեջանի Սահմանադրությունն իբր տարածքային պահանջներ է պարունակում Հայաստանի նկատմամբ, ինչպես երեկ խորհրդարանում նշեց Փաշինյանը։ Ադրբեջանի ԱԳՆ ներկայացուցիչը հավելել է, որ դրանով Նիկոլ Փաշինյանը փորձում է մոլորության մեջ գցել միջազգային հանրությանը»,- ըստ APA-ի հայտարարել է նա։

Նախօրեին ՀՀ վարչապետ Նիկոլ Փաշինյանը պարզաբանել էր, թե ինչու Հայաստանը չի բարձրացնում Ադրբեջանի սահմանադրության փոփոխության հարցը։

«Ադրբեջանի Սահմանադրության նախաբանում հղում կա 1991 թվականի հոկտեմբերի 18-ին ընդունված սահմանադրական ակտին։ Այս ակտն իր հերթին վերաբերում է 1918 թվականի մայիսի 28-ին ընդունված Ադրբեջանի առաջին հանրապետության անկախության հռչակագրին։ Ադրբեջանի առաջին հանրապետության հռչակագրում, իր հերթին, նշվում էր, որ այն ներառում է Արևելյան և Հարավային Անդրկովկասը։ 1919 թվականի նոյեմբերին Ադրբեջանի Հանրապետությունը Անտանտին ներկայացրեց իր վարչատարածքային քարտեզը, ըստ որի Ադրբեջանը ներառում էր Հայաստան ամբողջ Սյունիքի և Վայոց Ձորի մարզերը. ինչպես նաև Հայաստանի մասամբ Արարատի, Արմավիրի, Գեղարքունիքի, Տավուշի տարածքները։ Շիրակի, Լոռու մարզերը: Սա այսօրվա Հայաստանի տարածքի մոտ 60 տոկոսն է։

Ակնհայտ է, որ Ադրբեջանի Սահմանադրությունը տարածքային պահանջներ է պարունակում Հայաստանի նկատմամբ»,- հայտարարել է Փաշինյանը։

Հերքելով ՀՀ վարչապետի վկայակոչած վերոնշյալ ակնհայտ փաստը, Բաքուն դրանով հասկացնում է, որ Հայաստանի նկատմամբ տարածքային պահանջներն ամենևին էլ չեն համարվում պահանջատիրություն, այլ ընդամենը պնդում են թվարկված տարածքների «ադրբեջանական պատկանելիությունը»։

News.am