2024-12-03 09:03
Информагентства
Պողիկյան․ Հալեպում հանդարտ վիճակ է, սակայն չգիտենք՝ հետո ինչ կլինի
Քաղաքում հանդարտ վիճակ է, այսօր սկսել են հաց բաժանել, որոշ տեղեր փռերը սկսել են աշխատել կամաց-կամաց, ջրի խնդիր կար տարբեր շրջաններում, սկսեց լուծվել այդ հարցը: Այս մասին NEWS.am-ին հայտնեց «Գանձասար» շաբաթաթերթի գլխավոր խմբագիր Զարմիկ Պողիկյանը:
«Այսօր առավոտյան ժամերին քաղաքը լուռ էր, հանդարտ էր մինչև մի օդանավ եկավ և ռմբակոծել պետական մի մթերանոց: Այն մեր բնակարանին մոտ էր, այսինքն նյութական վնասներ եղան, սակայն մարդկային վնասներ չկան, փառք Աստծո: Քաղաքում հանդարտ վիճակ է, այսօր սկսել են հաց բաժանել, որոշ տեղեր փռերը սկսել են աշխատել կամաց-կամաց, ջրի տագնապ կար տարբեր շրջաններում, սկսեց լուծվել այդ հարցը: Ժողովուրդը բնակարանների մեջ է, դուրս չեն գալիս, սպասողական վիճակ է, այսինքն գիշերները, որովհետև բախումներ կարող են լինել երբեմն, այսինքն հրաձգության ձայներ կլսվեն շատ ուժեղ: Արդեն երեկոյան ամեն մարդ իր բնակարանն է, այսպես է վիճակը քաղաքում: Տակավին հաստատությունները, դպրոցները և այլն չեն բացվել, բայց վաճառատները կբացվեն, որ ժողովորդը իր սննդամթերքը ապահովի»,- պատմեց նա:
Պողիկյանը նշեց, որ առայժմ քաղաքից դուրս գալուը ճանապարհ չկա. «Առայժմ ճանապարհ չկա, անշուշտ, ընդիմությունը իրեն հատուկ ճամփա ունի, որ ալյուր և սննդամթերք և այլն այդպիսի բաներ կբերի քաղաք, բայց ժողովրդի համար դուրս ելնելու ճամփա չկա, փակ են առայժմ»:
Պողիկյանը փաստում է, որ ճանապարհների բացման միակ տարբերակը այն է, որ կառավարական ուժերը կարողանան հետ բերել քաղաքը։ Նրա խոսքով որոշները փորձել են դուրս գալ քաղաքից, սակայն, ցավոք, նրանցից մեկը զոհվել է դիպուկահարի կրակոցից:
«Այո, երբ նախանցյալ երկու օրերում ճամփան բաց էր, մարդիկ անձնական իրենց միջոցներով փորձեցին դուրս գալ այլ նահանգներ փոխադրվել, ավելի ապահով մնալու համար, որովհետև գիտեք, քաղաքը ներկայիս անապահով է, և Երվանդը ուզում էր ուղղվել Լաթաքիա և Հալեպից դուրս ճանապարհի վրա դիպուկահարի հարվածով վիրավորվել է ծոծրակից, իրեն փոխադրել են Համայի հիվանդանոց, այնտեղ փոխանցել էին շատ ծանր է վիճակը, այսինքն չէր կարելի փոխադրել ավելի լավ հիվանդանոց, արդեն մի քանի ժամվա մեջ փոխանցեցին, որ մահացել է»,- ասաց նա:
Պողիկյանը նշում է, որ ներկայումս վիճակը նորմալ է, խանութներում ապրանք կա, սակայն չգիտեն, թե առաջիկայում ինչ կլինի:
«Անշուշտ հայ համայնքի պարագայում Առաջնորդարանը և մեր ավագները ժողովրդին հետ կապի մեջ են, կփորձեն այնպես անել, որ խուճապի չմատնվեն մարդիկ, այսօր հաց բաժանեցին, հացի տագնապ կար, որովհետև կփորձեն: Բարեսիրական մեր միությունները դեղորայք կբաժանեն, այսինքն կփորձեն օգնել հայ համայնքին և իրենց համար հիմնականը այս օրերին մեր համայնքի անվտանգությունն է, մեր առաջնահերթ մարտահրավերը այս օրերին մեր համայնքի անվտանգությունն է»,- ասաց նա:
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.