2024-12-11 09:07
Информагентства
Ռուսական նավերը լքե՞լ են իրենց ռազմաբազան Սիրիայում
Արբանյակային պատկերները ցույց են տալիս, որ Սիրիայում Բաշար Ասադի տապալումից հետո ռուսական ռազմանավերը լքել են սիրիական ափին տեղակայված Տարտուս ռազմածովային բազան: Դրանցից ոմանք խարիսխ են գցել ծովը, գրում է «Ամերիկայի ձայն»-ը։
Լուսանկարը, որը Planet Labs ընկերությունն արել է դեկտեմբերի 9-ին, ցույց է տալիս առնվազն երեք ռուսական ռազմանավ, ներառյալ երկու կառավարվող հրթիռային ֆրեգատներ և լցանավ, խարսխված Տարտուսից մոտ 13 կիլոմետր հյուսիս-արևմուտք:
Ռուսաստանի ռազմածովային ուժերի մնացած նավերը չի հաջողվել գտնել արբանյակային պատկերների վրա: Հիշեցնենք, որ Ռուսաստանը մեծ ավիաբազա ունի ծովափնյա Լաթաքիա քաղաքում և ռազմածովային բազա Տարտուսում։
Տարտուսի բազան Միջերկրական ծովում նավերի վերանորոգման և սպասարկման միակ ռուսական կենտրոնն է: Մոսկվան Սիրիայի տարածքն օգտագործում է աֆրիկյան երկրներ ռազմանավերի տարանցման համար։
Ըստ BlackSky-ի և Planet Labs-ի արբանյակային պատկերների վերլուծության՝ Տարտուսում նախկինում եղել է հինգ ռազմանավ և մեկ սուզանավ: Դեկտեմբերի 5-ին BlackSky-ի կողմից արված նկարը ցույց էր տալիս բազայում տեղակայված բոլոր վեց նավերը:
Դատելով արբանյակային պատկերներից՝ նավատորմը լքել է ռազմածովային բազան դեկտեմբերի 6-9-ն ընկած ժամանակահատվածում:
News.am
ПОСЛЕДНИЕ ОТ АВТОРА
-
New2025-05-05 14:18Спикер армянского парламента Ален Симонян назвал второго президента Армении Роберта Кочаряна человеком, имеющим «статус российского шпиона». Это ответственное заявление Симонян сделал на брифинге 5 мая.
-
New2025-05-05 14:16Оппозиционный депутат парламента Армении Гегам Манукян призвал повысить зарплаты военнослужащим без обязательной аттестации.
-
New2025-05-05 14:15Глава правительства Беларуси Александр Турчин прибыл с официальным визитом в Азербайджан.
-
New2025-05-05 14:14Председатель НС Армении Ален Симонян сделал противоречивое заявление в контексте армяно-российских отношений.