2025-02-05 15:41
Информагентства
RFI․ Իրանի թուլանալը Թուրքիային և Ադրբեջանին հնարավորություն կտա իրականացնել «Զանգեզուրի միջանցքի» նախագիծը
Թուրքիայի և Ադրբեջանի ԱԳ նախարարները հունվարին հանդիպել են Բաքվում և Ստամբուլում՝ տնտեսական և առևտրային համագործակցության խորացմանն ուղղված ջանքերի շրջանակում։
Այս նպատակների առանցքը «Զանգեզուրի միջանցք» կոչվող երթուղու ստեղծման ծրագիրն է, որը կկապի Ադրբեջանը Թուրքիային սահմանակից Նախիջևանի ինքնավար մարզի հետ, գրել է RFI-ն։
Միջանցքը, որն անցնելու է Հայաստանի տարածքով, Չինաստանի և Եվրոպայի միջև առևտրային ճանապարհի զարգացման թուրք-ադրբեջանական տեսլականի մի մասն է։
Իրանը կտրականապես դեմ է առաջարկվող 40 կիլոմետրանոց միջանցքին, քանի որ դիտորդներն ասում են, որ մտավախություն ունեն, որ այն կկրճատի կենսական ուղին, որն օգտագործում է Իրանը պատժամիջոցները շրջանցելու համար:
Իրանի դաշնակից Հայաստանը նույնպես դեմ է միջանցքին՝ որպես իր տարածքով անցնելու պարտադրանք։ Բայց երբ Իրանը թուլացած է Սիրիայում և Լիբանանում անհաջողություններից, Բաքուն և Անկարան առաջ շարժվելու հնարավորություն են տեսնում:
«Թուլացած Իրանը մեծ հնարավորություն է Թուրքիայի համար Կովկասում», - ասել է է GlobalSource Partners-ի Թուրքիայի գծով վերլուծաբան Աթիլա Եսիլադան:
«Միակ պատճառը, որ Հայաստանը դիմադրում է «Զանգեզուրի միջանցքի» ստեղծմանը, ռազմական ճանապարհով այն պաշտպանելու Իրանի խոստումներն են»։
Բայց քանի որ Իրանը գտնվում է ԱՄՆ նախագահ Դոնալդ Թրամփի վարչակազմի ճնշման տակ, Ադրբեջանը կամ Թուրքիան, հավանաբար, լուրջ չեն ընդունի Իրանի սպառնալիքները, նշել է Եսիլադան:
Սակայն, հաշվի առնելով Իրանի տարածաշրջանային անհաջողությունները և Վաշինգտոնի կողմից ճնշումների մեծացման սպառնալիքը, Թեհրանին բարեկամներ են պետք տարածաշրջանում:
Հունվարին Իրանը կարծես թե մեղմեց իր հակազդեցությունը, երբ իրանցի բարձրաստիճան դիվանագետներից մեկն ասաց, որ «Զանգեզորի միջանցքի» դեմ ընդդիմանալն այլևս առաջնահերթություն չէ: Թեհրանի ակնհայտ մեղմացումը համընկնում է Մոսկվայի հետ նրա հարաբերությունների խորացմանը։
Քանի որ Թուրքիան և Ադրբեջանը Ռուսաստանի դեմ շատ պատժամիջոցներ չեն կիրառում, Մոսկվան աջակցում է «Զանգեզորի միջանցքին»՝ որպես միջազգային պատժամիջոցները շրջանցելու միջոց՝ ստեղծելով նոր առևտրային ուղիներ այն երկրների միջով, որոնք չեն կիրառում դրանք։
Անցած տարի ԱՄՆ-ը և Հայաստանը սկսեցին համատեղ զորավարժություններ՝ ի նշան հարաբերությունների սերտացման։ Վերլուծաբանները ենթադրում են, որ Վաշինգտոնը մինչ այժմ զսպել է Թուրքիայի և Ադրբեջանի մտադրությունները։
Սակայն Թրամփի նոր վարչակազմը դեռ չի կողմնորոշվել միջանցքի նախագծի վերաբերյալ։
Թուրքիայի նախագահ Ռեջեփ Թայիփ Էրդողանը ձգտում է սերտ կապեր հաստատել Թրամփի հետ։ Միևնույն ժամանակ, Թուրքիայի ղեկավարը մտադիր է աջակցել իր ադրբեջանցի գործընկեր Իլհամ Ալիևին իրենց երկրները Եվրոպայի և Չինաստանի միջև կամրջի վերածելու ընդհանուր նպատակի հարցում։
News.am
ПОСЛЕДНИЕ ОТ АВТОРА
-
New2025-05-12 15:00Информация об исчезновении двухлетнего Тиграна, к сожалению, становится предметом спекуляций со стороны различных лиц. Более того, находятся люди, которые без каких-либо оснований создают имитацию похищения ребенка.
-
New2025-05-12 14:58В расследовании по делу о покушении на спикера парламента Армении Арарата Мирзояна (действующего министра иностранных дел – ред.), которое произошло в ночь на 10 ноября 2020 года, есть значительное продвижение. Об этом на заседании Национального Собрания во время обсуждения отчета об итогах деятельности Следственного комитета за 2024 год заявил 12 мая глава ведомства Артур Погосян, отвечая на вопросы депутатов.
-
New2025-05-12 14:57
Следственный комитет Армении пока не возбудил уголовное дело против полицейских по факту предполагаемого избиения юноши из Карабаха в отделении полиции города Ванадзор. Об этом сообщил председатель комитета Артур Погосян, представляя в парламенте годовой отчет ведомства и отвечая на вопрос депутата блока "Айастан" Гарника Даниеляна.
-
New2025-05-12 12:50Низкий рейтинг действующей власти и нулевые шансы на переизбрание еще не означают, что победа новой, солидной власти на выборах (очередных или внеочередных) обеспечена, предупреждает член Группы Альтернативных проектов политолог Ваге Ованнисян.