2025-02-07 13:13
Информагентства
ՍԻՄՈՆ ԱՉԻԿԳՅՈԶՅԱՆ՝ «ԴԵԴ». ԳԻՏՆԱԿԱՆՆ ՈՒ ՀՐԱՄԱՆԱՏԱՐԸ
Alpha News-ը շարունակում է ներկայացնել «Ալֆա պերսոնա» շարքը:
Փետրվարի 6-ը Արցախյան ազատամարտի ակտիվ մասնակից, երկրաբան և հասարակական գործիչ Սիմոն Աչիկգյոզյանի ծննդյան օրն է:
Սիմոն Աչիկգյոզյանը՝ «Դեդ»-ը, երկրաբանական գիտությունների թեկնածու էր, ՀՅԴ կուսակցության և «Զորավար Անդրանիկ» համազգային միավորման անդամ, ինչպես նաև Արցախյան ազատամարտի ակտիվ մասնակից:
Սիմոն Աչիկգյոզյանը ծնվել է 1939 թվականին Ռումինիայի Գալաց քաղաքում: 1946 թվականին Աչիկգյոզյանների ընտանիքը հայրենադարձվել է Խորհրդային Հայաստան։ Սիմոնը սովորել է Երևանի թիվ 24 միջնակարգ դպրոցում, իսկ 1955 թվականին ընդունվել է ԵՊՀ երկրաբանական ֆակուլտետ, որն ավարտել է 1960 թվականին՝ ինժեներ-երկրաբանի որակավորմամբ։
1970 թվականին Աչիկգյոզյանը Մոսկվայում պաշտպանել է թեկնածուական ատենախոսություն։ 1984թ. նրան շնորհվել է ավագ գիտաշխատողի կոչում: 1960-1991 թվականներին աշխատել է ՀԽՍՀ ԳԱ երկրաբանական գիտությունների ինստիտուտում, գրել է 70-ից ավելի գիտական աշխատություններ և զբաղվել թարգմանություններով: Բացի գիտական գործունեությունից շուրջ 11 տարի Սիմոնը դասախոսություններ է կարդացել Երևանի պետական համալսարանում, զբաղվել Հայաստանի գունավոր և թանկարժեք մետաղների հանքավայրերի ուսումնասիրությամբ:
Սպիտակի երկրաշարժից հետո Աչիկգյոզյանը գլխավորել է աղետի գոտում աշխատող սեյսմոլոգների միջազգային թիմը։ Նա ակտիվ է եղել նաև արվեստի և սպորտի բնագավառում, երկար տարիներ երգել է Խոր Վիրապի վանքին կից գործող «Նարեկ» արական երգչախմբում:
1989թ. ՀՀՇ առաջին համագումարում ընտրվել է արտաքին կապերի կոմիտեի անդամ, ինչպես նաև անդամակցել «Արաբո» կամավորական ջոկատին, մասնակցել ինքնապաշտպանական մարտերին սահմանամերձ տարբեր գյուղերում, ինչպիսիք են Գնիշիկը, Երասխը, Արենին, Խաչիկը, Նոյեմբերյանը, Ոսկեպարը, ապա մեկնել Արցախ, որտեղ 1991թ.ապրիլից գլխավորել է Մարտունաշենի «Արաբո» ջոկատը:
1990 թվականին Սիմոն Աչիկգյոզյանն ընտրվել է Երևանի քաղխորհրդի պատգամավոր և ակտիվորեն մասնակցել է ՀԽՍՀ Գերագույն Խորհրդի աշխատանքներին բնապահպանության կոմիտեի կազմում:
Սիմոն Աչիկգյոզյանը զոհվել է 1991թ.ապրիլի 30-ին Մարտունաշենի պաշտպանության ժամանակ՝ փորձելով կանխել ադրբեջանական հատուկ ուժերի կողմից իրականացվող Արցախը հայաթափելու «Օղակ» գործողությունը:
Նրա աճյունն ամփոփված է Երևանի Քանաքեռ-Զեյթուն վարչական շրջանի գերեզմանատանը:
ՀՀ նախագահի 1996թ. սեպտեմբերի 20-ի հրամանագրով Աչիկգյոզյանը հետմահու պարգևատրվել է «Մարտական խաչ» 1-ին աստիճանի շքանշանով:
2011 թվականին երկրաբանության ֆակուլտետի միներալոգիայի և պետրոգրաֆիայի կաբինետը անվանակոչվել է Ս. Աչիկգյոզյանի անվամբ:
ПОСЛЕДНИЕ ОТ АВТОРА
-
New2025-06-30 19:32Представители Католикоса Великого Дома Киликийского Арама I в Эчмиадзине встретились с Католикосом всех армян Гарегином II. Они передали Гарегину II обеспокоенность Арама I и его видение относительно выхода из сложившейся ситуации.
-
New2025-06-30 19:29Школьники из Армении завоевали 21 медаль на 5-й международной олимпиаде по прикладной биологии в провинции Бали в Индонезии. Об этом сообщает пресс-служба министерства образования, науки, культуры и спорта Армении.
-
New2025-06-30 19:20Баку выбрал путь обострения отношений с Москвой. Пока в Азербайджане наберутся мудрости, будет страдать азербайджанская диаспора, пишет обозреватель Pravda.Ru Любовь Степушова.
-
2025-06-30 19:13«Предъявленное предстоятелю Ширакской епархии Армянской Апостольской церкви архиепископу Микаэлу Аджапахяну обвинение – полностью незаконное и необоснованное. И это не только наша позиция. Такой была также позиция прокуратуры и Следственного комитета – до того момента, как премьер-министр начал свои нападки на архиепископа. Хронология здесь абсолютно ясна», – заявил на встрече с журналистами 30 июня представитель группы адвокатов архиепископа Ерем Саркисян.