2025-02-11 18:19
Информагентства
Արցախցի պատգամավորը գաղտնազերծել է Արայիկ Հարությունյանի և Փաշինյանի հեռախոսազրույցը
Արցախի ԱԺ «Ազատ հայրենիք-ՔՄԴ» խմբակցության նախկին պատգամավոր Արամայիս Աղաբեկյանը ֆեյսբուքյան իր էջում անդրադարձել է Ալեն Սիմոնյանի՝ ԱԺ-ում արած հայտարարությանը, ինչի առիթով ներկայացրել է իր և Արցախի նախկին նախագահ, այս պահին Բաքվի բանտում ապօրինի պահվող Արայիկ Հարությունյանի հետ ունեցած մեկ խոսակցություն։
«Ալեն Սիմոնյանը արցախցի լրագրողի՝ «Ե՞րբ ենք վերադառնալու Արցախ» հարցին պատասխանում է, որ պետք չէր հեղաշրջում անել և պետք էր կռվել, իբր դա է Արցախի անկման պատճառը։
Արցախն Ադրբեջանի կազմում ճանաչելը՝ հեչ, հեղաշրջումը՝ մեջ։
Չկռվելու թեզն էլ, փաստացի, արցախցիների նկատմամբ գեներացվող ատելության հիմնական գործիքներից է, որը Ալեն Սիմոնյանը շատ է սիրում օգտագործել։
Իսկ հեղաշրջման մասով ուզում եմ մի դեպք պատմել, թող հայ հանրությունը իմանա և ինքնուրույն եզրահանգումներ անի։
Սամվել Շահրամանյանի ընտրությունից երկու օր առաջ Արայիկ Հարությունյանի հետ հանդիպեցի «Երևան» հյուրանոցին կից գինու գործարանի գրասենյակում։ Ողջ խոսակցության ընթացքում նա փորձում էր ինձ համոզել, որ Սամվել Բաբայանի հետ քաղաքական պայմանավորվածության գնալն ու ուժային կառույցները նրան հանձնելը ոչինչ չէր փոխի։
Այդ ընթացքում նրան զանգ եկավ։ Նա վերցրեց հեռախոսը․
– Այո, պարոն Փաշինյան, իրավիճակը լարված է, սահմանին կուտակումներ կան։
Հեռախոսազանգի մյուս ծայրից նորից հարց հնչեց, և Արայիկ Հարությունյանը պատասխանեց․
– Այս պահին անհրաժեշտ ձայներ կան, որ Շահրամանյանը ընտրվի, բայց եթե ոչ, երկրորդ փուլով հաստատ կստացվի։
Հեռախոսազանգից հետո Արայիկ Հարությունյանն ինձ ասաց․
– Չնայած նախագահ չեմ, մեկ ա՝ էլի ինձ հետ ա ճշտումներ անում։
Հիմա հարց՝ ո՞վ կամ ովքե՞ր, և ինչպե՞ս են կազմակերպել այդ «հեղաշրջումը»։ Արցախի անկման գործում որքա՞ն լայն է եղել համաձայնության շրջանակը։
News.am
ПОСЛЕДНИЕ ОТ АВТОРА
-
New2025-06-09 19:53Заместитель председателя Республиканской партии Армении и политзаключённый Армен Ашотян заявил, что кампания премьер-министра Никола Пашиняна против Армянской Апостольской Церкви носит заказной характер и осуществляется «в тесной координации с Азербайджаном».
-
New2025-06-09 19:52Генпрокурор Анна Вардапетян направила в парламент ходатайство о возбуждении уголовного дела в отношении руководителя оппозиционной фракции «Армения» Сейрана Оганяна и секретаря той же фракции Арцвика Минасяна.
-
New2025-06-09 19:50Зампреду РПА Армену Ашотяну продлили домашний арест на 2 месяца.
-
New2025-06-09 19:49Министр территориального управления и инфраструктур Давид Худатян выразил надежду, что воздушная линия электропередачи между Арменией и Ираном будет запущена уже в 2026 году. Об этом он заявил во время отчета о выполнении бюджета за 2024 год.