ԱՄՆ․ Ուկրաինան պետք է մեղմի իր քննադատության աստիճանը և հավանություն տա գործարքին
Սպիտակ տունը հայտարարել է, որ Կիևը պետք է մեղմի իր քննադատությունն ու ստորագրի հազվագյուտ մետաղների մասին համաձայնագիրը, որը պնդում է ԱՄՆ նախագահ Դոնալդ Թրամփը:
Դրա մասին հինգշաբթի՝ փետրվարի 20-ին, Fox News հեռուստաալիքի եթերում հայտարարել է ԱՄՆ առաջնորդի ազգային անվտանգության հարցերով խորհրդական Մայք Ուոլցը։
«Նրանք պետք է ցածրացնեն ձայնը, ուշադիր ուսումնասիրեն (իրավիճակը - Խմբ.) և ստորագրեն այս գործարքը», - հայտարարել է Ուոլցը՝ նշելով, որ ամերիկյան վարչակազմը հիասթափված է։ Ըստ նրա՝ նման զգացողություն ունի ոչ միայն Թրամփը, այլև Կիև այցելած ԱՄՆ ֆինանսների նախարար Սքոթ Բեսենթը, գրում է գերմանական Deutsche Welle պարբերականը։
«Գործարքից Ուկրաինայի հրաժարումը և Թրամփի կողմից խաղաղ բանակցությունների անցկացումը, «բացասական մեկնաբանությունները լրատվամիջոցներում» պարզապես անընդունելի են՝ հաշվի առնելով այն ամենը, ինչ Միացյալ Նահանգներն արել է Կիևի համար», հավելել է նա։
Միաժամանակ Թրամփն Ուկրաինայի հետ ԱՄՆ-ի տարաձայնություններն անհաշտելի չի համարում, ասել է Սպիտակ տան օգնականը։ «Նախագահը ասել է նաև, թե որքան է սիրում ուկրաինացի ժողովրդին»,- ըստ Reuters-ի՝ նշել է Ուոլցը։
Նա միաժամանակ արձագանքել է այն խոսքերին, թե Ուկրաինայի հարցով բանակցություններն ընթանում են առանց Կիևի և եվրոպացի դաշնակիցների մասնակցության։ «Դիվանագիտության մեջ դրա համար եզրույթ կա: Դա կոչվում է մաքոքային դիվանագիտություն, քանի որ բոլորին սեղանի շուրջ հավաքելը նախկինում անարդյունավետ է եղել»,- նշել է պաշտոնյան:
«Այսպիսով, մենք ներգրավել ենք մի կողմին, ներգրավել ենք մյուս կողմին, այնուհետև մենք պատրաստվում ենք գործընթացը առաջ մղել նախագահ Թրամփի ղեկավարությամբ և կառավարամբ», -եզրափակել է ԱՄՆ առաջնորդի օգնականը:
News.am
ПОСЛЕДНИЕ ОТ АВТОРА
-
2025-06-12 11:56
С сегодняшнего дня и до 30 июня Турция разместила различные войска в Нахичевани, примерно в 70 км от Еревана (в связи с двумя военными учениями с Азербайджаном).
-
2025-06-12 11:17
Американским официальным лицам сообщили, что Израиль полностью готов начать операцию против Ирана, сообщили несколько источников CBS News.
-
2025-06-12 11:14
Состояние одного из 11-ти пострадавших при взрыве в армянском Чамбараке крайне тяжелое, еще двое находятся в состоянии средней тяжести. Об этом сообщает пресс-служба Минздрава.
-
2025-06-12 11:11
Беспорядки в Лос-Анджелесе перекинулись на Вашингтон и Сиэтл: люди поджигают мусорные баки и запускают в полицию фейерверки.