2025-03-05 09:17
Информагентства
Բոգդան ԲԵԶՊԱԼԿՈ․ ԲԱՔՈՒՆ ԵՎ ԱՆԿԱՐԱՆ ՁԳՏՈՒՄ ԵՆ ԳԵՐԻՇԽԵԼ ՏԱՐԱԾԱՇՐՋԱՆՈՒՄ
Ռուս քաղաքագետ Բոգդան Բեզպալկոն Alpha News-ի հետ զրույցում մեկնաբանել է Նիկոլ Փաշինյանի նոր հոդվածը կոմունիկացիաների բացման վերաբերյալ:
«Իմ տեսանկյունից, Բաքուն և Անկարան ձգտում են գերիշխանության տարածաշրջանում և, մասնավորապես, այդ գերիշխանության միջոցով ցանկանում են հասնել Նախիջևանի և Ադրբեջանի միջև արտատարածքային ճանապարհի հաստատմանը, որի շրջանակներում կարելի է էքսպանսիա զարգացնել նաև հետագայում։
Ավելին, դա համապատասխանում է մի շարք այլ պետությունների շահերին, որոնք ձգտում են ուժեղացնել իրենց ազդեցությունը տարածաշրջանում։ Մասնավորապես, դա Իսրայելն է, որն ակտիվորեն համագործակցում է Ադրբեջանի հետ և միշտ, ի դեպ, դաշնակից է եղել Անկարայի հետ՝ չնայած հռետորաբանության ոլորտում առկա հակասություններին, քանի որ դա նրան հնարավորություն կտա ավելի շատ ազդեցություն և ճնշում գործադրել Իրանի վրա, այդ թվում և, հնարավոր է, ռազմական։ Եվ, իհարկե, դա Ամերիկայի Միացյալ Նահանգներն է, որը դաշնակից պետությունների, մասնավորապես՝ Թուրքիայի օգնությամբ ձգտում է ավելի մոտ լինել Միջին Ասիային՝ կասպիական տարածաշրջանին։ Եվ ոչ թե այնտեղ նավթ արդյունահանելու համար, քանի որ աշխարհում նավթատար շրջանները բավական շատ են, այլ Եվրասիայի գլխավոր տարածքներից մեկը վերահսկելու համար», — ասել է Բեզպալկոն։
Փորձագետի կարծիքով՝ որոշ ժամանակ անց Հայաստանին լրջորեն կառաջարկվի թուրքական կայսրության կազմում կամ գուցե Ադրբեջանի կազմում ընդգրկվելու նախագիծ:
«Խնդիրն այն է, որ միակողմանի զիջումների քաղաքականությունը, որը վարում է Նիկոլ Փաշինյանը, միայն բերում է նրան, որ նրանից այդ զիջումներն ավելի շատ են պահանջում։ Հավանաբար, որոշ ժամանակ անց Հայաստանին լրջորեն կառաջարկեն թուրքական կայսրության կազմում կամ գուցե Ադրբեջանի կազմում ընդգրկվելու նախագիծ։ Կամ գուցե նույնիսկ սպառնան ռազմական ուժով։ Համոզված եմ, որ Եվրամիությունն ու Ֆրանսիան այս դեպքում Հայաստանին ոչ մի օգնություն չեն ցուցաբերի՝ պատճառաբանելով, որ դրա համար տեխնիկական հնարավորություններ չկան, այնուամենայնիվ, երկրները հեռու են իրարից, տարածաշրջանում Ֆրանսիան բազաներ չունի, և ֆրանսիացիները դժվար թե ցանկանան մեռնել կամ կռվել Հայաստանի համար։
Միակ առանցքային խաղացողը, որը կարող էր պահպանել կոնսենսուսն ու ստատուս քվոն տարածաշրջանում, Ռուսաստանն է։ Եթե Հայաստանի ղեկավարությունը գնա ռուս սահմանապահներին, զինծառայողներին հեռացնելու, Գյումրիում ռուսական ռազմակայանի ոչնչացման ճանապարհով, ապա այդ դեպքում, ինձ թվում է, որ Հայաստանը պարզապես դատապարտված կլինի», — եզրափակել է Բեզպալկոն։
ПОСЛЕДНИЕ ОТ АВТОРА
-
2025-08-12 14:53Взятые премьер-министром Николом Пашиняном обязательства в рамках подписанных в США соглашений несут новые экзистенциальные угрозы для Армении и армянского народа. Об этом говорится в заявлении оппозиционной фракции "Армения".
-
2025-08-11 20:42Заявление Исполнительного органа Республиканской партии Армении (РПА) Республиканская партия Армении (РПА) выражает серьёзную обеспокоенность по поводу трехстороннего меморандума, подписанного в Вашингтоне, расценивая его как очередной опасный (капитуляционный) документ, подписанный управленцами Армении под давлением азербайджанской агрессии, односторонних требований и геополитических процессов. Высоко оценивая миротворческие усилия президента США Дональда Трампа, необходимо зафиксировать, что подписанием данного соглашения авантюристские управленцы Армении ставят под угрозу суверенитет страны, а также жертвуют правами народа Арцаха, легитимизируя этнические чистки и насильственное выселение, осуществлённые бакинским режимом.
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.