Մակրոն․ Մենք պետք է ավելի շատ զինվենք. Աշխարհը նոր դարաշրջան է մտնում

Ֆրանսիայի նախագահ Էմանուել Մակրոնը մարտի 5-ին դիմել է ժողովրդին՝ անդրադառնալով այնպիսի հարցերի, ինչպիսին են միջուկային զսպումը, պաշտպանական ծախսերը և առհասարակ՝ փոփոխվող աշխարհակարգը:

Նա հայտարարել է, որ մտադիր է հաջորդ շաբաթ Փարիզում կազմակերպել եվրոպական բանակի բոլոր հրամանատարների հանդիպումը։

Ըստ Մակրոնի՝ Ֆրանսիան պետք է պատրաստ լինի նրան, որ «Միացյալ Նահանգներն այլևս իր կողքին չի լինի»։

«Միջուկային զսպումը կարևոր նշնակություն ունի, Ֆրանսիան պահպանել է միջուկային զսպումը 1964 թվականից ի վեր: Այս զսպումը պետք է տարածվի մեր բոլոր եվրոպացի դաշնակիցների վրա»,- ասել է Ֆրանսիայի նախագահը։

Նա նաև կոչ է արել ավելացնել եվրոպական պաշտպանական ծախսերը՝ տարածաշրջանը «վերաարդյունաբերականացնելու» համար:

«Եվրոպան պետք է ավելի լավ կարողանա պաշտպանել իրեն։ Մենք պետք է ավելի շատ զինվենք»,- հայտարարել է Ֆրանսիայի նախագահը։

Մակրոնի խոսքով՝ աշխարհը թևակոխում է նոր դարաշրջան:

«Պատմական իրադարձությունները ցնցում են աշխարհակարգը, քանի որ Միացյալ Նահանգների աջակցությունն Ուկրաինային կասկածելի է նույնիսկ չնայած այն հանգամանքին, որ ԱՄՆ-ը ձգտում է մաքսատուրքեր սահմանել դաշնակիցների նկատմամբ», - նշել է Էմանուել Մակրոնը:

News.am