2025-03-11 10:30
Информагентства
Խաչատուր ՊՈՂՈՍՅԱՆ․ ԿԱԹՆԱՄԹԵՐՔՆ ԱՌԱՆՁԻՆ ԴԱՐԱԿՆԵՐՈՒՄ ԴՆԵԼԸ ՃԻՇՏ Է
Տարբեր բաղադրությամբ կաթնամթերքն առանձին դարակներում դնելը ճիշտ է. սպառողը պետք է հստակ իմանա, թե ինչ է գնում։ Sputnik Արմենիայի հետ զրույցում այս մասին ասաց Կաթնամթերք արտադրողների միության նախագահ Խաչատուր Պողոսյանը։
Հայտնել ենք, որ «Առևտրի և ծառայությունների մասին» օրենքում իրականացված փոփոխության համաձայն` ապրիլից կաթնամթերքը հայաստանյան վաճառակետերում պետք է տեղադրված լինի գունավոր դարակներում։ Մասնավորապես, կաթնային յուղի փոխարինիչ պարունակող արտադրանքը պետք է դրվի նարնջագույն դարակում, առանց փոխարինիչի կաթնամթերքը` կանաչ դարակում։
Խաչատուր Պողոսյանի խոսքով` կաթնային յուղով արտադրված կաթնամթերքը շուրջ 30-40 տոկոսով թանկ արժե փոխարինիչով արտադրվածից, քանի որ կաթնային յուղն ավելի թանկ է և պահանջարկն էլ ավելի մեծ։ Ինչ վերաբերում է երկու բաղադրիչների առողջարար կամ բնական լինելուն, Խաչատուր Պողոսյանը վստահեցնում է, որ փոխարինիչը որևէ վնասակար հատկություն չունի։ Այն պարզապես բուսական յուղից հատուկ տեխնոլոգիայով ստացված բաղադրիչ է, որն աշխարհում ստեղծվել է տասնամյակներ առաջ` կաթնայուղի պակասուրդը լրացնելու և կաթնամթերքի արտադրական ծավալներն ավելացնելու նպատակով։
Կաթնամթերք արտադրողների միության նախագահը հատուկ ընդգծում է` փոխարինիչ ասելով` տվյալ դեպքում պետք է հասկանալ բացառապես բուսական հիմքով ստեղծված կաթնայուղի փոխարինիչը։ Հանրության մեջ տարածված կարծիքը, թե փոխարինիչը բոլորիս հայտնի «կաթի փոշին» է, մասնագետը հերքում է` միաժամանակ հորդորելով այդ արտահայտությունը ընդհանրապես չկիրառել։
«Ժողովուրդ ջա՛ն, «կաթի փոշի» արտահայտությունը մի՛ օգտագործեք, մի՛ մոլորեցրեք ինքներդ ձեզ։ Դա փոշի չէ։ Փոշին այն է, ինչ ամեն օր մաքրում ենք մեր սեղաններից, ինչ ամեն օր շնչում ենք օդի հետ։ Իսկ սա «չոր անարատ կաթ» է` բնական կաթի չորացման արդյունքում ստացված հումք, որը ջրով բացելիս ստացվում է նույն անարատ կաթը` ջրի մեջ առկա բնական աղերի բաղադրության որոշակի չնչին առանձնահատկություններով»,– բացատրում է Պողոսյանը։
Եվ, այնուամենայնիվ, ոլորտի մասնագետը` որպես սպառող, կաթնամթերք գնելիս խանութում ո՞ր գույնի դարակաշարին կմոտենա։ Պատասխանը հստակ էր` կանաչ։
«Իհարկե, ես կաթնայուղով մթերք կգնեմ, թեև ասեմ, որ ես ապրանքն ընտրում եմ ըստ ապրանքանիշի, թե որ ընկերությունների արտադրանքն է իր համային հատկանիշներով ինձ գրավում։ Այնպես որ, եթե իմ նախընտրած ապրանքանիշով արտադրանքի կաթնային յուղով արտադրված ապրանքը չլինի, ես կգնեմ նաև կաթնայուղի փոխարինիչովը, որովհետև երկու դեպքում էլ արտադրության տեխնոլոգիաները նույնն են»,– նշում է Խաչատուր Պողոսյանը։
Հավելենք, որ «Առևտրի և ծառայությունների մասին» օրենքում կատարված փոփոխություններն իրավական ուժ կստանանան պաշտոնական հրապարակումից 30 օր հետո։ Ասել է թե, ս.թ. ապրիլի 10-15-ից վաճառակետերում արդեն պետք է տեղադրվեն կանաչ ու նարնջագույն դարակաշարեր` կաթնային յուղով ու դրա փոխարինիչով արտադրված կաթնամթերքը սպառողին հեշտ ճանաչելի դարձնելու համար։
ПОСЛЕДНИЕ ОТ АВТОРА
-
2025-05-21 19:34В МВД Армении заявили, что в ходе акций протеста у здания МИД Армении никто не задержан. Об этом в ведомстве сообщили корреспонденту Armenia Today.
-
2025-05-21 19:33По поручению министра внутренних дел Арпине Саркисян работы по поиску двухлетнего ребенка в Мармарике будут продолжаться. Министр внутренних дел Арпине Саркисян рассказала «Арменпресс» о печальном случае исчезновения двухлетнего Тиграна Петросяна в Мармарике.
-
2025-05-21 18:59Армения претендует на проведение у себя в следующем году саммита европейского политического сообщества, аналогичного недавнему мероприятию в Тиране.
-
2025-05-21 18:57В ходе расследования уголовного дела Антикоррупционным комитетом РА установлено, что в июне 2023 года между Министерством обороны РА и подрядной организацией был заключен договор государственной закупки для выполнения строительных работ в N-ской воинской части Министерства обороны РА, в рамках которого строительные работы были выполнены не в полном объеме, а для некоторых работ были использованы некачественные материалы, стоимость которых в 3 раза ниже запланированной.