2025-03-11 10:34
Информагентства
Կարինե ՄԻՆԱՍՅԱՆ․ ԵԱՏՄ-ԻՆ ՀԱՅԱՍՏԱՆԻ ԱՆԴԱՄԱԿՑՈՒԹՅԱՆ ՄԱՍԻՆ ՈՐՈՇՈՒՄԸ ՄԻ ՕՐՈՒՄ ՉԻ ԸՆԴՈՒՆՎԵԼ
Եվրասիական տնտեսական միությանը Հայաստանի անդամակցության մասին որոշումը մի օրում չի ընդունվել, ինչպես սիրում են ասել: Դրա մասին մարտի 10-ին «Եվրամիությունը և/կամ Եվրասիական տնտեսական միությունը. Հայաստանի հեռանկարներն ու հնարավորությունները» ֆորումի ժամանակ հայտարարել է Եվրասիական տնտեսական հանձնաժողովի կոլեգիայի նախկին անդամ (նախարար) Կարինե Մինասյանը։
«Դեռևս 2013 թվականի ապրիլին ՀՀ կառավարության և Եվրասիական տնտեսական հանձնաժողովի միջև ստորագրվել էր համագործակցության հուշագիր, որի շրջանակում արդեն սկսել էր ուսումնասիրվել ԵԱՏՄ-ին Հայաստանի անդամակցության հնարավորությունը։
Ստեղծվել էր աշխատանքային խումբ և իրականացվել էին մեծ թվով ուսումնասիրություններ, որոնք հանգեցրին բարձրագույն ղեկավարության առաջարկություններին Եվրասիական տնտեսական միությանը միանալու անհրաժեշտության վերաբերյալ:
ԵԱՏՄ-ին միանալու որոշման ժամանակ Հայաստանն արդեն վարում էր առևտրային քաղաքականություն՝ այսպես կոչված, Վաշինգտոնյան կոնսենսուսի շրջանակում (այն տարիներին Հայաստանում որդեգրված ազատականացման քաղաքականությունը)։
ԵԱՏՄ-ին անդամակցելուց հետո Հայաստանում սկսեց զարգանալ շուկայում ապրանքների անվտանգության վերահսկողության ոլորտը։
Շատ կարևոր ոլորտ է էներգետիկ անվտանգությունը։ Գազի գինը էական բաղադրիչ է, և հիմա շատ կարևոր է, որ մենք Ռուսաստանից գազ ստանանք ամենացածր գներով, ինչպես նաև միջուկային վառելիք։ Կարևոր է նաև Հայկական ատոմակայանի սպասարկման հարցը։
Բացի դրանից, այդ ժամանակ Հայաստանից մոտ 2 միլիոն ներգաղթյալներ են եղել Ռուսաստանի տարածքում։
Հաշվի առնելով Հայաստանում մեծ թվով բարձր վարձատրվող աշխատատեղերի բացակայությունը, այս խնդիրը ևս սկզբունքային նշանակություն ունեցավ։
ԵԱՏՄ-ին անդամակցելուց հետո Հայաստանը երկրից մեկնող աշխատուժի համար հավասար պայմաններ է ստացել։
Դա նաև տնտեսական ինքնիշխանության ընդլայնմանն առնչվող հարց է։ Եվրասիական տնտեսական միությունում որոշումներն ընդունվում են կոնսենսուսով։ Հայաստանը, լինելով ԵԱՏՄ անդամ, ազդում է տնտեսական քաղաքականության վրա 180 միլիոնանոց շուկայում։
Երկրների միջև շահերի մակարդակով իրական երկխոսություն կա և համապատասխան զիջումներ միշտ առկա են՝ ի տարբերություն Եվրամիության, որտեղ որոշումները բոլորովին այլ կերպ են ընդունվում, և փոքր երկրներն ընդհանրապես ազդեցություն չունեն։
Անդամակցելով ԵԱՏՄ-ին՝ Հայաստանում կարծում էին, որ հնարավորություն ունի ապահովելու կապը եվրոպական և եվրասիական ինտեգրման միջև»,- նշել է Մինասյանը։
ПОСЛЕДНИЕ ОТ АВТОРА
-
New2025-06-18 12:17Вчерашние события снова продемонстрировали всю несостоятельность действующей власти Армении, говорится в заявлении главы группы компаний «Ташир» Самвела Карапетяна.
-
New2025-06-18 12:15К зданию Следственного комитета Республики Армения, где собрались сторонники владельца компании «Ташир Групп» Самвела Карапетяна, доставлено большое количество сотрудников полиции.
-
New2025-06-18 12:13Армен Абазян был наиболее долго проработавшим директором СНБ за время моего пребывания на посту премьер-министра и работал в самый сложный период, с ноября 2020 года. Об этом 18 июня, в беседе с журналистами в Национальном Собрании заявил премьер-министр Никол Пашинян, отвечая на вопрос о том, почему был уволен директор СНБ Армен Абазян.
-
New2025-06-18 12:12Верующие Армянской Апостольской церкви в России требуют от властей Армении прекратить произвол в отношении главы группы компаний "Ташир", российского бизнесмена армянского происхождения Самвела Карапетяна. Об этом говорится в заявлении Российской и Ново-Нахичеванской епархии.