2025-03-24 19:52
Информагентства
Դատախազությունը պահանջում է 4․5 մլրդ դրամ բռնագանձել Մովսես Հակոբյանից ու ՊՆ մեկ այլ պաշտոնյայից
Դատախազությունը Զինված ուժերի գլխավոր շտաբի նախկին պետ Մովսես Հակոբյանի և ՊՆ մեկ այլ նախկին պաշտոնյա Արմեն Հարությունյանի դեմ հայցադիմում է ներկայացրել դատարան։ Այս մասին տեղեկանում ենք «Դատալեքս» դատական- տեղեկատվական համակարգից:
«Համակարգում առկա տեղեկատվության համաձայն՝ հայցադիմումը Հակակոռուցիոն քաղաքացիական դատարան է ուղարկել Զինվորական կենտրոնական դատախազությունը։ Այն մակագրվել է դատավոր Լիլի Դրմեյանին։ Համակարգում գործի վերաբերյալ այլ տեղեկություններ առկա չեն։ Դատախազություն ուղարկված գրավոր հարցմամբ խնդրել ենք հայտնել, թե որքան գումարի բռնագանձման պահանջ է ներկայացվել Հակոբյանի և Հարությունյանի դեմ և ինչի համար։ Միևնույն ժամանակ խնդրել ենք հնարավորության դեպքում տրամադրել դատարան ներկայացված հայցադիմումը։
«Ի պատասխան Ձեր՝ 2025 թվականի մարտի 20-ի գրության՝ հայտնում եմ, որ 2025 թվականի մարտի 14-ին ՀՀ զինվորական կենտրոնական դատախազության կողմից հայցադիմում է ներկայացվել ՀՀ հակակոռուպցիոն դատարան՝ ընդդեմ Մովսես Հրանտի Հակոբյանի և Արմեն Սամսոնի Հարությունյանի՝ համապարտությամբ՝ որպես ոչ օրինաչափ վարքագծի արդյունքում պետությանը պատճառված վնասի հատուցում, հօգուտ Հայաստանի Հանրապետության 4 մլրդ 370 մլն 985 հազար դրամ բռնագանձելու մասին: Նախաքննության շահերից ելնելով՝ այլ մանրամասներ չեն տրամադրվում»,- գրել են գլխավոր Դատախազությունից։
News.am
ПОСЛЕДНИЕ ОТ АВТОРА
-
New2025-05-29 14:01Правительство Армении планирует провести оценку государственной недвижимости и установить для нее арендную плату. Соответствующие изменения в закон "О государственных некоммерческих организациях" были одобрены на заседании кабмина в четверг.
-
New2025-05-29 13:55Суд оправдал бывшего главу Государственной контроль службы Армении Давида Санасаряна.
-
New2025-05-29 13:50Сегодня, 29 мая, в НС состоится созванное «Гражданским договором» закрытое заседание, в котором примет участие министр обороны РА Сурен Папикян.
-
New2025-05-29 13:45Кадровым офицерам в Армении изменят систему выдачи квартир. Соответствующее решение было принято на заседании правительства в четверг.