2025-04-17 16:36
Информагентства
Վերանայեք ձեր այս վտանգավոր դիրքորոշումը. Արցախի Պահպանության Կոմիտեի կոչը՝ ՀՀ իշխանություններին
Արցախի Պահպանության Կոմիտեի հայտարարություն է տարածել ՀՀ վարչապետի՝ Ղարաբաղյան շարժման դադարեցման վերաբերյալ ելույթի կապակցությամբ:
Հայտարարությունում ասվում է. «2025 թ․ ապրիլի 16-ին Հայաստանի Հանրապետության վարչապետ Նիկոլ Փաշինյանի կողմից հնչեցված հայտարարությունը, ըստ որի «Ղարաբաղյան շարժումը Հայաստանում չի շարունակվելու», Արցախի Պահպանության Կոմիտեն գնահատում է որպես պետության ու ժողովրդի շահերի դեմ ուղղված քաղաքականության հերթական դրսևորում։
Կոմիտեն արձանագրում է, որ նման մոտեցումները լրջորեն վտանգում են ոչ միայն Արցախի, այլ ամբողջ Հայաստանի Հանրապետության անվտանգությունը, ինքնիշխանությունը և պետական շարունակականությունը։ Ղարաբաղյան շարժումն իր էությամբ ազգային-ազատագրական շարժում էր, որն ուղղված էր ոչ միայն Արցախի ազատագրմանը, այլև հայ ժողովրդի պատմական իրավունքների վերականգնմանը և միասնականության ամրապնդմանը։
Այսպիսով, նման հայտարարությունները և քաղաքական կուրսը`
Աղավաղում են պատմական ճշմարտությունը, քանի որ Ղարաբաղյան շարժումը կարճաժամկետ քաղաքական ակցիա չէ, այլ ազգային դիմադրության ու ինքնորոշման իրավունքի իրացման գործընթաց։ Հրաժարումը այդ պայքարից հավասարազոր է սեփական պատմության ժխտմանը։
Դարձնում են անտեսանելի միջազգային իրավունքները, քանի որ Արցախի ժողովրդի ինքնորոշման իրավունքը ոչ մի կերպ չի չեղարկվել։ Փակված էջ հայտարարելը փաստացի նշանակում է հրաժարում այս իրավունքը միջազգային հարթակում պաշտպանելուց։
Պառակտում են հայ ժողովրդի միասնականությունը, քանի որ նման հայտարարությունները խորը բաժանարար գիծ են գծում Հայաստանի և Արցախի հայության միջև։ Արցախը Հայաստան է, և մերժելով Ղարաբաղյան շարժումը՝ դուք մերժում եք մեր համահայկական միասնական պայքարը։
Արցախի Պահպանության Կոմիտեն հայտարարում է, որ Ղարաբաղյան շարժման արժեքները մնում են արդիական և կենսական՝ անկախ քաղաքական իշխանության ժամանակավոր հայտարարություններից։ Մենք շարունակում ենք հանդես գալ հանուն Արցախի ժողովրդի իրավունքների, անվտանգության և արժանապատվության պաշտպանության։
Հորդորում ենք Հայաստանի իշխանություններին վերանայել իրենց դիրքորոշումը և գիտակցել, որ ազգային-պետական շահերը չեն կարող փոխարկվել կարճաժամկետ քաղաքական հարմարության։
Կոչ ենք անում ՀՀ իշխանություններին վերանայել իրենց այս վտանգավոր դիրքորոշումը՝ գիտակցելով, որ ազգային-պետական շահերի զոհաբերումն իբր քաղաքական ճկունության անվան տակ հղի է անդառնալի հետևանքներով թե՛ պետության անվտանգությանը, թե՛ պատմական պատասխանատվությանը:
Արցախի Պահպանության Կոմիտեն ստեղծվել է արցախահայերի իրավունքների պաշտպանության, մշակույթի պահպանման և պատմական հայրենիք վերադարձի պայքարը շարունակելու համար՝ ձգտելով միջազգային մակարդակում վառ պահել Արցախի և արցախահայության հարցը։
News.am
ПОСЛЕДНИЕ ОТ АВТОРА
-
New2025-07-14 17:08Сейчас создается основа для того, чтобы беспрепятственно сдать коридор под названием «Перекресток мира», а в будущем весь Сюник Азербайджану. Об этом на встрече с журналистами 14 июля заявил адвокат Мкртич Давтян.
-
New2025-07-14 17:08В Брюсселе состоялась трехсторонняя встреча премьер-министра Республики Армения Никола Пашиняна, председателя Европейского совета Антониу Кошты и председателя Европейской комиссии Урсулы фон дер Ляйен. Об этом Новости Армении – NEWS.am сообщили в пресс-службе Правительства республики.
-
New2025-07-14 16:35На фоне внутриполитической нестабильности и геополитического давления, над Арменией нависла реальная угроза утраты суверенитета. Турция и Азербайджан продвигают проекты, которые могут привести к потере контроля над территориями, связывающими Армению с Ираном и Евразийским экономическим союзом, считает доктор политологических наук, профессор Американского университета Армении (АУА) Петро Шакарян.
-
New2025-07-14 16:12"Ардшинбанк" подал заявку на приобретение банка HSBC Malta. Об этом сообщает Times of Malta со ссылкой на собственные источники.