Caucasian Bureau․ Թուրքիայում «Թուրանյան սկանդալ» է բորբոքվում

Անկարայում քաղաքական փոթորիկ է հասունանում, երբ Ղազախստանը, Թուրքմենստանը և Ուզբեկստանը ԵՄ-Կենտրոնական Ասիա գագաթնաժողովում ստորագրեցին հռչակագիր, որով իրենց հավատարմությունn են արտահայտում ՄԱԿ-ի Անվտանգության խորհրդի` Հյուսիսային Կիպրոսի Թուրքական Հանրապետության ստեղծման մասին հռչակագիրը դատապարտող բանաձևերին։

Դա առաջին նման կտրուկ դեմարշն է այն երկրներից, որոնց Թուրքիան սովոր է անվանել «թյուրք եղբայրներ», գրում է «Кавказское бюро»-ի (Caucasian Bureau) թելեգրամյան ալիքը։

IYI կուսակցության պատգամավոր Թուրհան Չոմեզը չափազանց կոշտ հայտարարություն է արել՝ Էրդողանին և նախկին վարչապետ Յըլդըրըմին (այժմ՝ Միացյալ տարածքային համայնքների աքսաքալների խորհրդի նախագահ) մեղադրելով «տեղի ունեցողի նկատմամբ դավաճանական լռություն» պահպանելու համար:

«Կենտրոնական Ասիայի հինգ երկրներ՝ Ղազախստանը, Թուրքմենստանը, Ուզբեկստանը, Ղրղզստանը և Տաջիկստանը, Թուրքիային անվանում են օկուպանտ, իսկ դուք լռում եք»։

Չոմեզը միաժամանակ քննադատել է «թուրքական համերաշխության երկդիմի քաղաքականությունը»՝ հայտարարելով, որ Էրդողանը ներում է Ղրղզստանի 62,3 միլիոն դոլարի պարտքը, մինչդեռ միլիոնավոր թուրքեր գրոշներ են հաշվում ռեկորդային գնաճի պայմաններում։

Միևնույն ժամանակ, լրատվամիջոցներում և խորհրդարանում աճում են թյուրքական հանրապետությունների հետ հարաբերությունների վերանայման պահանջները, պատգամավորներ ոմանք էլ սկսել են ահազանգել Անկարայի նկատմամբ «աշխարհաքաղաքական դավաճանության» մասին։

News.am