2025-05-30 10:27
Информагентства
ԵՍ ՎԱՐՉԱՊԵՏԻ ՊԱՇՏՈՆԻ ՀԱՎԱԿՆՈՒԹՅՈՒՆ ՉՈՒՆԵՄ. Ի՞ՆՉ Է ԱՌԱՋԱՐԿՈՒՄ ԳԱԳԻԿ ԾԱՌՈՒԿՅԱՆԸ
Մարդիկ հոգնել են այդ հին ու նոր կռիվներից, մարդիկ մտահոգ են իրենց երկրի համար, այս խեղճության, պարտության համար, մարդիկ մտահոգ են երկրի անվտանգության և երեխաների ապագայի համար: Այս մասին Կենտրոն հետուստաընկերությանը տված հարցազրույցում ասել է Գագիկ Ծառուկյանը:
Օրվա գլխավոր հարցին՝ պատրաստվո՞ւմ է, արդյոք, մասնակցել 2026-ի ընտրություններին, Գագիկ Ծառուկյանն ասաց, որ դեռ վաղ է այդ մասին խոսել և շատ բան կարող է մինչ այդ փոխվել: Սակայն եթե մասնակցի, ապա մասնակցելու է մի ծրագրով, որը կոչվում է «Առաջարկ Հայաստանին»: Այդ ծրագրի նպատակն է համախմբել լավագույն մասնագետներին, ունենալ համազգային, վերկուսակցական արժեքներ։ Ծառուկյանն ասաց, որ պետք է մարդկանց հնարավորություն տալ, որ մարդիկ շատ աշխատեն, լավ վաստակեն ու լավ ապրեն, և որ իրենց ծրագրում ամեն ինչ մանրամասն, ոլորտ առ ոլորտ ներկայացված է մեր խնդիրների և դրանց լուծման ճանապարհների մասին:
Ապա ընդգծեց.
«Այսօր մենք կանգնած ենք անդունդի եզրին, այսօր մենք պետք է կարողանանք կազմակերպել, ստեղծել այn վերկուսակցական ուժը, որը կկարողանա համախմբել ամբողջ ազգին։ Ես պատրաստ եմ համախմբելու, կազմակերպելու։ Ինձ համար պաշտոնը կարևոր չէ։ Ես պատրաստ եմ այդ ծրագիրը կազմակերպելու, և վարչապետի պաշտոնի հավակնություն ես չունեմ»:
Ծառուկյանը նշեց՝ որևէ կուսակցություն չի կարող միայնակ այս իրավիճակից երկիրը հանել։
Ամենակարևորը, որ նշեց բանախոսն այն է, որ ինքը չի հանձնվել, անհույս չէ: Եվ վստահ է, որ չպետք է թույլ տանք, որ մեր երեխաները մեծանան պարտության զգացումով: Հակառակը՝ պետք է հետևություններ անել ու այս խեղճությունից դուրս գալ.
«Մենք պետք է հետևություններ անենք, անլուծելի ոչինչ չկա: Մենք ունենք բազմաթիվ փորձառու և պրոֆեսիոնալ մարդիկ՝ տարբեր ոլորտներում երկար ճանապարհ անցած։ Պետության շահը վեր դասող ու երկրի ապագայով մտահոգ մարդկանց է պետք առաջ բերել՝ անկախ նրանից, թե անդամակցո՞ւմ են նրանք որևէ կուսակցությանը, թե՞ ոչ։ Շատերն էլ պարզապես չեն ուզում լինել որևէ կուսակցության մաս, բայց պատրաստ են աշխատել հանուն երկրի։ Պետք է գտնենք ձևը՝ նրանց ներառելու երկրի զարգացման և վերականգնման գործընթացում», - ասաց Ծառուկյանը:
Նա անդրադարձավ նաև արտաքին քաղաքականությանը՝ նշելով, որ Ռուսաստանի հետ մեր հարաբերությունները բարեկամական եղել են, կան և պետք է մնան: Իսկ հասարակությունը «ռուսամետների» և «արևմտամետների» բաժանելը ճիշտ չէ.
«Դա մեծ հանցագործություն է։ Ինչքան հայ բնակվում է Հայաստնում, այդքանից ավելին բնակվում է Ռուսաստանում, Ամերիկայում, Եվրոպայում, և մենք իրավունք չունենք մեր հայրենակիցներին բաժանել մաս-մաս: Ռուսաստանի հետ բարեկամական հարաբերությունների պահպանումը անհրաժեշտություն է, առկա բոլոր հարցերը պետք է քննարկել համատեղ, համատեղ էլ լուծումներ գտնել»,- վստահ է նա։
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.