2025-05-30 12:04
Информагентства
ՆԱՊՈԼԵՈՆԻ ԳԼԽԱՐԿԸ ԵՎ ԿԱՅՍԵՐ ԱՆՁՆԱԿԱՆ ԻՐԵՐԸ ԿՎԱՃԱՌՎԵՆ ՓԱՐԻԶԻ SOTHEBY’S ԱՃՈՒՐԴՈՒՄ
Sotheby's աճուրդների տունը հայտարարել է Նապոլեոն Բոնապարտին նվիրված ամենամեծ ու նշանակալի հավաքածուներից մեկի վաճառքի մասին։ Աճուրդը կկայանա հունիսի 25-ին Փարիզում, կներկայացվի մոտ 100 լոտ ֆրանսիացի հայտնի հնավաճառ Պիեռ-Ժան Շալենսոնի մասնավոր հավաքածուից, հայտնել է Robb Report-ը։
Հավաքածուում ներկայացված են կայսերական կահույքը, հին վարպետների կտավները և խորապես անձնական իրեր, որոնք արտացոլում են «Նապոլեոնի ներաշխարհը», նշվել է Sotheby's-ի հայտարարությունում: «Ինչպես ինքը՝ Նապոլեոնը, մի անգամ ասել է. «Ինչ ռոմանտիկ գիրք է իմ կյանքը», այս հավաքածուն ևս ներկայանում է որպես վառ պատմական էպոպեա, որն ընդգրկում է մարտադաշտեր և անձնական հանգիստ, հանդիսությունների դահլիճներ և ինտիմ սենյակներ։ Սա պատմություն է իշխանության, քաղաքականության և մեծության մասին, բայց նաև լեգենդի հետևում կանգնած մարդու խոցելիության, փառասիրության և հակասությունների մասին»,- նշել են կազմակերպիչները: Հիմնական լոտերի թվում է խորհրդանշական երկեզր գլխարկը, որը Նապոլեոնի ամենաճանաչելի ատրիբուտներից մեկն է:
Ի տարբերություն ֆրանսիական բանակի մյուս սպաների, կայսրը այն կրում էր իր ուսերին (en bataille), ինչը դարձավ նրա յուրահատուկ ոճը։ Գլխարկը, որը պատրաստել է պալատական գլխարկագործ Պուպարը, (Poupard), գնահատվում է մինչև 800 000 եվրո։ Ըստ Sotheby's-ի, Նապոլեոնն անձամբ է նվիրել այն գեներալ Մութոնին՝ իր ամենահամարձակ ընկերներից մեկին, 1809թ. Էսլինգում տարած հաղթանակում նրա վճռական ներդրումից հետո։
«Իմ Մութոնը առյուծ է»,- ասել է կայսրը: Առաջարկվում են նաև սուրն ու ձեռնափայտը, որոնք օգտագործվել են Նապոլեոնի թագադրման ժամանակ 1804թ. Նոտր Դամում (մոտ 400 000 եվրո), նրա անձնական կնիքը ոսկուց և եբենոսից (մինչև 250 000 եվրո) և ավելի ինտիմ իրեր, ինչպիսիք են մաշված գուլպաները և ճամբարային մահճակալը: «Նապոլեոնն այսօր գրեթե ռոք աստղի կերպար է: Նա շարունակում է մնալ համաշխարհային պատմության ամենահայտնի դեմքերից մեկը, որի կյանքը ոգեշնչում է ե՛ւ կինոգործիչներին, ե՛ւ հավաքորդներին»,- ասել է Sotheby’s Paris-ի արծաթի բաժնի ղեկավար Մարին դը Սենիվալը:
Ըստ նրա՝ Պիեռ-Ժան Շալենսոնը երիտասարդ տարիքում գերվել է Նապոլեոնով։ Նա իր առաջին արտեֆակտը ձեռք է բերել 18 տարեկանում: Հաջորդ 40 տարիների ընթացքում նա հավաքել է իսկապես եզակի հավաքածու, որն ընդգրկում է կայսրի ողջ կյանքը: «Այս հավաքածուի յուրաքանչյուր իր ունի ակնառու ծագում. Նապոլեոն, Ժոզեֆինա, Մարի-Լուիզ, կայսերական ընտանիքի անդամներ: Սա հավաքորդների համար հազվադեպ հնարավորություն է՝ առնչվելու Ֆրանսիայի կենդանի պատմության հետ»,- ընդգծել է դը Սենիվալը։
ПОСЛЕДНИЕ ОТ АВТОРА
-
New2025-06-16 10:56Жители села Касах Котайкской области Армении в понедельник утром перекрыли трассу Аштарак-Ереван с требованием решить транспортную проблему общины. Через некоторое время полиция вмешалась, разблокировала дорогу и подвергла приводу шесть активистов.
-
New2025-06-16 10:53Корпус стражей исламской революции (КСИР, элитные подразделения ВС) Ирана в ходе новой волны ракетных ударов по территории Израиля, используя новые методы, вынудил израильские средства ПВО атаковать друг друга. Об этом сообщает Tasnim со ссылкой на заявление КСИР.
-
New2025-06-16 10:49Соединенные Штаты позволили Израилю напасть на Иран. Об этом, как передает ТАСС, президент ИРИ Масуд Пезешкиан заявил, выступая перед парламентом.
-
New2025-06-16 10:47Мастерская израильской разведки «Моссад» по сборке дронов-камикадзе и самодельных бомб обнаружена в городе Рей в пригороде иранской столицы, дроны и оборудование для их производства конфискованы, заявил командующий силами правопорядка города полковник Хосейн Мафи.