2025-06-06 15:11
Информагентства
Դմիտրի Վոլվաչ․ 2024թ.-ին Հայաստանի հետ փոխադարձ առևտուրն աճել է 1.6 անգամ
2024 թվականին Հայաստանն ու Ռուսաստանը 1.6 անգամ ավելացրել են փոխադարձ առևտուրը։ Այս մասին հայտարարել է Ռուսաստանի տնտեսական զարգացման փոխնախարար Դմիտրի Վոլվաչը հունիսի 6-ին Երևանում կայացած հայ-ռուսական միջտարածաշրջանային 10-րդ ֆորումի ժամանակ։
Նա բացատրել է, որ այդ թիվը մոտ է 12 միլիարդ դոլարի։ Նրա խոսքով՝ 5 տարի առաջ դա նույնիսկ պլանավորել հնարավոր չէր։ «Երկկողմ կապերի, ինչպես նաև ինտեգրացիոն միավորումների (ԱՊՀ, ԵԱՏՄ) շրջանակներում փոխգործակցության միջոցով մենք գլոբալ փոփոխություններն օգտագործում ենք որպես հնարավորություններ և չենք դիտարկում դրանք որպես մարտահրավերներ։ Մեր տարածաշրջանային համագործակցության ներուժը դեռևս հեռու է իրացվելուց», - նշել է պաշտոնյան։
Նա վստահություն է հայտնել, որ ռուսական պատվիրակությունն այս ֆորումից կհեռանա լրացուցիչ մտքերով, շփումներով և, հնարավոր է, նույնիսկ պայմանագրերով, որոնք կկապեն երկու երկրների տնտեսությունները, այդ թվում՝ տարածաշրջանային մակարդակով։ Վոլվաչը հավելել է, որ տարածաշրջանային համագործակցության համար ստեղծվել է լուրջ կարգավորիչ շրջանակ, Հայաստանի 7 և Ռուսաստանի 16 մարզերի միջև ստորագրվել է 21 համաձայնագիր։
Նա ասաց, որ այսօր Ռուսաստանի Ռոստովի մարզի և Հայաստանի Արարատի մարզի կառավարությունների միջև կստորագրվի համաձայնագիր, ինչպես նաև գործողությունների ծրագիր՝ Արխանգելսկի մարզի և Վայոց ձորի մարզի միջև կնքված համաձայնագրի շրջանակներում։
Նախարարի տեղակալը վստահեցրեց, որ Ռուսաստանը ձեռնարկում է բոլոր միջոցները՝ աջակցելու հայ ներդրողներին մարզերում ներդրումներ կատարելու հարցում՝ կոչ անելով նրանց ակտիվորեն օգտագործել համապատասխան գործիքները։ Պաշտոնյան հիշեցրեց, որ Ռուսաստանի և Հայաստանի միջև գործում է միջտարածաշրջանային համագործակցության ծրագիր 2022-2027 թվականների համար։
Նրա խոսքով՝ երկու երկրների միջև հումանիտար համագործակցությունը շատ լավ է զարգանում։ Որպես օրինակ՝ Վոլվաչը նշեց Լոռու մարզի Ֆիոլետովո գյուղում մանկապարտեզի շինարարության մեկնարկը (այն բնակեցված է ռուս ազգային փոքրամասնության ներկայացուցիչներով - խմբ.), նախագծի համակարգողը «Ռոսսոտրուդնիչեստվո»-ն է, նախագծին մասնակցում են խոշոր ռուսական ընկերություններ։
News.am
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.