2025-06-06 18:40
Информагентства
Ինչպես կվերականգնվի ՔԿ-ից գողացված և չհայտնաբերված 11 200 դոլարը. մանրամասներ
ՀՀ քննչական կոմիտեի շենքից 590 հազար դոլար գողանալու մեջ կասկածվող անձանց հարազատները պատրաստակամություն են հայտնել վերականգնել դեռ չհայտնաբերված 11.200 դոլար գումարը, որպեսզի նրանց պատկանող գույքի վրա արգելք չդրվի։ Այս մասին այսօր ԱԺ–ում լրագրողների հետ զրույցում ասաց ՀՀ հակակոռուպցիոն կոմիտեի նախագահ Արթուր Նահապետյանը։
«Եթե գումարի վերականգնում չլինի, ապա պատճառված վնասը ամբողջությամբ հնարավոր է վերականգնել մեղադրյալների անշարժ և շարժական գույքերի վրա արգելանքներ կիրառելու միջոցով»,– ասաց նա։
Լրագրողի հարցին, թե ինչու էր, այդ խոշոր չափի գումարը մնացել քննչական կոմիտեում, հակակոռուպցիոն կոմիտեի նախագահը պատասխանեց, որ այս տարվա ապրիլին վարչության պետը գրություն էր հասցեագրել Կենտրոնական բանկին` գումարը ի պահ հանձնելու համար, բայց ԿԲ–ն հրաժարվել էր։
Իսկ թե ինչու էր ԿԲ–ն հրաժարվել, ըստ նրա, կպարզի քննությունը։
Հիշեցնենք` մայիսի 22-ին հայտնի դարձավ, որ ոմն Էդգար Գրիգորյան մայիսի 20-ին քննիչի կեղծ վկայականով մուտք է գործել Երևանի Դեղատան 3 հասցեում գտնվող ՔԿ տնտեսական հանցագործությունների և մաքսանենգության գործերով քննության գլխավոր վարչության շենք ու հափշտակել 590 հազար դոլար։ Նա ՔԿ շենք է մուտք գործել աշխատանքային ժամին (16։30-ի սահմանում) ու ամբողջ գիշեր մնացել այնտեղ։
Աղմկահարույց գործով 2 անձ է կալանավորվել, որոնցից մեկը ՔԿ տնտեսական հանցագործությունների և մաքսանենգությունների գործերով քննության 5-րդ վարչության պետ Գոռ Թադևոսյանն է։
Գործի նախաքննությամբ պարզվել է, որ Էդգար Գրիգորյանը քննչական կոմիտեի շենք է մտել երկու անգամ, կերպարանափոխված, Գոռ Թադևոսյանի կողմից իրեն նախապես տրամադրված կեղծ փաստաթղթով ու պահատուփի բանալիներով։ Հափշտակված գումարը բաժանվել է մի քանի մասի ու տրվել տարբեր անձանց` հանցանքի հետքը կորցնելու համար։ Էդգար Գրիգորյանը հայտնաբերվել է դեպքից 3 օր անց։
Ըստ ՀՀ հակակոռուպցիոն կոմիտեի` թե՛ Գոռ Թադևոսյանը, թե՛ Էդգար Գրիգորյանը տվել են ինքնախոստովանական ցուցմունքներ։ Խուզարկությունների արդյունքում հայտնաբերվել է հափշտակված 590 000 դոլարի մի մասը՝ 578․800 դոլարը։ Ձեռնարկվում են միջոցառումներ մնացած 11 200 դոլարը հայտնաբերելու ուղղությամբ։
Sputnik Արմենիա
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.