2025-06-06 18:43
Информагентства
Մատվիենկո․ Կարևոր է, որ ՀՀ-ն ու ՌԴ-ն փոխադարձ առևտրում անցել են ազգային արժույթների
Շատ կարևոր է, որ Հայաստանն ու Ռուսաստանը փոխադարձ առևտրում անցել են ազգային արժույթների։ Այս մասին այսօր հայ-ռուսական միջտարածաշրջանային 10-րդ համաժողովում հայտարարեց ՌԴ Դաշնային խորհրդի նախագահ Վալենտինա Մատվիենկոն։
Նա նշեց, որ այսօր՝ ՀՀ վարչապետ Նիկոլ Փաշինյանի հետ հանդիպման ժամանակ, քննարկվել է նաև առևտրատնտեսական համագործակցությունը։
«Մեր փոխադարձ առևտուրը աճում է, բայց դրանից բացի, մենք կարողացել ենք գրեթե ամբողջությամբ անցնել ազգային արժույթներով հաշվարկների թե՛ ԵԱՏՄ-ի շրջանակներում, թե՛ երկկողմանի հիմունքներով։ Բացի այդ, Ռուսաստանը Հայաստանի տնտեսության հիմնական ներդրողներից մեկն է։ Հայաստանում կուտակված ռուսական ներդրումների ծավալը կազմում է ավելի քան 4 միլիարդ դոլար։ Ի դեպ, եկեք սկսենք այս թիվը հաշվարկել ազգային արժույթներով», - ասաց Մատվիենկոն։
Նա նաև նշեց զբոսաշրջության ոլորտում համագործակցության կարևորությունը։ Տարեկան ավելի քան 1 միլիոն ռուսաստանցի է այցելում Հայաստան, և աճում է նաև Ռուսաստանի տեսարժան վայրեր այցելող հայ բնակիչների թիվը։ Սա հատկապես կարևոր է, քանի որ զբոսաշրջությունն ունի ոչ միայն տնտեսական, այլև մարդասիրական բաղադրիչ. մարդկանց միջև շփումները ամրապնդում են երկու երկրների միջև բարեկամությունը։
Հիշեցնենք, որ ՌԴ Դաշնային խորհրդի նախագահ Վալենտինա Մատվիենկոյի գլխավորած պատվիրակությունը Հայաստան է ժամանել Հայ-ռուսական միջխորհրդարանական հանձնաժողովի 39-րդ նիստին մասնակցելու նպատակով: Նիստը նվիրված է Հայրենական մեծ պատերազմի հաղթանակի 80-ամյակին և պատմական հիշողության պահպանմանը։
Այսօր Մատվիենկոն ծաղիկներ է խոնարհել Երևանի Հաղթանակի զբոսայգու Անմար կրակի մոտ` հարգանքի տուրք մատուցելով Հայրենական մեծ պատերազմում զոհվածների հիշատակին։ Նա այցելել է նաև Ծիծեռնակաբերդի հուշահամալիր, որտեղ հարգանքի տուրք է մատուցել Հայոց ցեղասպանության զոհերի հիշատակին։
Այսօր ՌԴ Դաշնային խորհրդի նախագահը կմասնակցի Ռուս-հայկական միջտարածաշրջանային 10-րդ համաժողովին։
Հավելենք, որ սա Մատվիենկոյի երկրորդ այցն է Երևան՝ որպես ՌԴ Դաշնային ժողովի դաշնության խորհրդի նախագահ։ Վերջին անգամ քաղաքական գործիչը Հայաստան էր այցելել 2015 թվականի նոյեմբերին։
Sputnik Արմենիա
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.