2025-06-12 17:50
Информагентства
Բնակարանային օգնություն Արցախից բռնի տեղահանվածներին. վճարման նոր կանոններն ու փուլերը
Հայաստանը կթարմացնի սոցիալական էլեկտրոնային հարթակը, որի միջոցով Արցախից բռնի տեղահանվածները բնակարանային աջակցության հայտեր են ներկայացնում։ Համապատասխան բանաձևը կառավարությունն ընդունել է այսօրվա նիստում։
Նորամուծության նպատակն է կանխել օգնության չարաշահման դեպքերը։ Հայտերն ավտոմատ կերպով կստուգվեն Արցախի օպերատիվ շտաբի տվյալների բազայում, որը կազմվել է 2023 թվականի սեպտեմբերին։ Այն ներառում է այն քաղաքացիներին, որոնք բնակվել են Լեռնային Ղարաբաղում կամ ժամանակավորապես Հայաստանում են եղել մինչև 2023 թվականի սեպտեմբերի 19-ը։
Ընտանիքի կազմը հաշվարկելիս, որի հիման վրա որոշվում է աջակցության չափը, հարազատները և ամուսինները հաշվի չեն առնվի, եթե նրանք նշված ժամանակահատվածում գրանցված չեն որպես ներքին տեղահանվածներ. արդեն իսկ մասնակցում են Հայաստանում գործող՝ արցախցիների բնակարանային աջակցության այլ ծրագրերին։
2023 թվականի սեպտեմբերին տեղահանվածներին տրամադրվում է աջակցություն հիփոթեքային սուբսիդավորման տեսքով։ Ցանկության դեպքում դիմորդը կարող է ընտրել տարբերակներից մեկը՝ բնակարան կամ առանձնատուն գնել, տուն կառուցել կամ առկա հիփոթեքը մարել։
Օգնության չափը տատանվում է 2-5 մլն դրամի սահմաններում ընտանիքի յուրաքանչյուր անդամի, այդ թվում՝ երեխաների համար։ Գումարը կախված է տարածաշրջանից՝ հեռավոր քաղաքներում և գյուղերում աջակցությունն ավելի մեծ է, Երևանում չի տրամադրվում։
Վճարումները կատարվում են փուլերով։ 1-ին փուլում աջակցություն է տրամադրվում երեք և ավելի երեխա ունեցող ընտանիքներին (բոլոր տեսակի բնակարանների համար), երկու և ավելի երեխաներ ունեցող (առանձնատուն կառուցելու հիփոթեքի համար), մահացած զինվորականների և հաշմանդամություն ունեցողների ընտանիքներին: Աջակցություն է տրամադրվում նաև 2024 թվականի մայիսի 16-ի դրությամբ գործող հիփոթեք ունեցող ընտանիքներին:
2-րդ փուլը կսկսվի 2026 թվականի հունվարի 1-ից ոչ ուշ: Այն ներառում է երկու և ավելի երեխա ունեցող ընտանիքներին (բոլոր տեսակի բնակարանների համար), իչպես նաև մեկ երեխա ունեցող ընտանիքներին (առանձնատուն կառուցելու հիփոթեքի համար)։
3-րդ փուլը կսկսվի 2027 թվականի հունվարի 1-ից ոչ ուշ և ներառում է մնացած բոլոր ընտանիքները:
Երկու երեխա (2-րդ փուլում) և մեկ երեխա (3-րդ փուլում) ունեցող ընտանիքների համար տրամադրվում է աջակցության վաղաժամկետ ստացում՝ համապատասխանաբար 2025 թվականի հուլիսի 1-ից և 2026 թվականից:
Հիշեցնենք` ՀՀ ներքին գործերի նախարարության միգրացիայի և քաղաքացիության ծառայության տվյալներով՝ 2023 թվականի սեպտեմբերից հետո Արցախից 115 365 մարդ է բռնի տեղահանվել։ Նրանցից շուրջ 4400–ը ՀՀ քաղաքացիություն են ստացել։
Բռնի տեղահանված արցախցիների բնակապահովման պետական աջակցության ծրագիրը մեկնարկել է 2024թ–ի հունիսի 15-ից։
Sputnik Արմենիա
ПОСЛЕДНИЕ ОТ АВТОРА
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.
-
2025-08-01 16:19С большим интересом ознакомился со статьей министра иностранных дел Российской Федерации, посвящённой 50-летию Хельсинского Заключительного Акта и созданию ОБСЕ.