Երկու եղբայրներով իրենց ժամացույցները ճշգրտելու են. Վարդանյանը՝ Փաշինյանի այցի մասին

Երկու եղբայրներով իրենց ժամացույցները ճշգրտելու են, հարցերը պատրաստելու են, և գնալու է մեկը, ով բազկաթոռին բազմածի դիմաց նստած էր աթոռակի վրա, Հայաստանի դրոշը թարս դրած։ Խորհրարանական ճեպազրույցում ասաց ԱԺ «Հայաստան» խմբակցության պատգամավոր Աղվան Վարդանյանը` մեկնաբանելով ՀՀ վարչապետի այցը Թուրքիա, որին նախորդել էր նաև Ադրբեջանի նախագահի այցելությունն այդ երկրիր։

Հիշեցնենք` մայիսի 16–ին Ալբանիայի մայրաքաղաք Տիրանայում անցկացվող Եվրոպական քաղաքական համայնքի 6-րդ գագաթնաժողովի շրջանակում ՀՀ վարչապետ Նիկոլ Փաշինյանը միջանցքում հանդիպել էր այլոց հետ զրուցող Ադրբեջանի նախագահ Իլհամ Ալիևին և հրավիրել սուրճ խմելու։ Հանրության շրջանում քննարկման առարկա դարձավ այն, որ Ալիևը նստած էր բազմոցին, իսկ Փաշինյանը՝ աթոռին։

«Հանդիպման օրակարգը մեզանից գաղտնի է. ո՛չ դուք, ո՛չ ես, ո՛չ Հայաստանի հանրությունը այդ օրակարգից որևէ ինֆորմացիա չունի։ Բայց և՛ ես, և՛ դուք, և՛ մեր հասարակության գիտակից մասը, վստահ եմ, որ տեղյակ ենք, թե ինչ օրակարգ ունեն Թուրքիան և Ադրբեջանը Հայաստանի մասով»,– ասաց ընդդիմադիր պատգամավորը` հիշեցնելով այդ երկրների ղեկավարների հետ Նիկոլ Փաշինյանի նախկինում տեղի ունեցած հանդիպումների ամոթալի ընթացքն ու ցավալի արդյունքները։

«Այնպես որ որևէ դրական ակնկալիք չունեմ, մանավանդ այս զարգացումների ֆոնին։ Մի մարդ, ով ասում է. «Ես մինչև 2022թ–ը ֆորպոստի վարչապետ էի, հիմա ՀՀ լիարժեք ու ամբողջական վարչապետ եմ»։ Մի հատ էդ մարդուն հարցրեք. «Այսինքն դու ֆորպոստ հեղափոխությո՞ւն ես արել, իշխանությա՞ն ես եկել։ Ինքը պատրատ է կեղծել ամեն ինչ, և դրանով զբաղված է օր ու գիշեր»,– ասաց Վարդանյանը` լավատեսութոյւն հայտնելով, որ Հայաստանին կհաջողվի մոտ ապագայում կանգնեցնել գահավիժման պրոցեսը և քայլ առ քայլ ոտքի կանգնել։

Հիշեցնենք` ՀՀ վարչապետ Նիկոլ Փաշինյանն այսօր կեսօրին մեկնել է Թուրքիա, որտեղ նախատեսված է նրա հանդիպումը Ռեջեբ Թայիփ Էրդողանի հետ։ Այցի օրակարգին վերաբերող այլ հարցերն առ այս պահը գաղտնի են պահվում։

Հատկանշական է, որ մեկ օր առաջ`հունիսի 19-ին Թուրքիա էր մեկնել Ադրբեջանի նախագահը։

Sputnik Արմենիա