Ռուբեն ՀԱԿՈԲՅԱՆ․ ԱԱԾ-Ն ԵՎ ՈՍՏԻԿԱՆՈՒԹՅՈՒՆԸ ԴԱՌՆՈՒՄ ԵՆ ՎԱՐՉԱՊԵՏԻ ՁԵՌՔԻ ԳՈՐԾԻՔՆԵՐ ԻՐ ՔԱՂԱՔԱԿԱՆ ՀԱՐՑԵՐԸ ԼՈՒԾԵԼՈՒ ՀԱՄԱՐ
ԱԺ չորս գումարումների պատգամավոր, քաղաքական վերլուծությունների «Ակունք» կենտրոնի ղեկավար Ռուբեն Հակոբյանը չի ցանկանում կտրուկ գնահատական տալ ԱԺ ԼՀԿ խմբակցության ներկայացրած նախագծին՝ կապված «Ազգային անվտանգության մարմիններում ծառայության մասին» ՀՀ օրենքում փոփոխություններ կատարելու հետ։ Նա Tert.am-ի հետ զրույցում նշեց, որ իր գնահատականն ընդհանուր է՝ նախագիծն իսկապես վտանգավոր է։
Նշենք, որ ԼՀԿ-ն ԱԺ է ներկայացրել «Ազգային անվտանգության մարմիններում ծառայության մասին» ՀՀ օրենքում փոփոխություններ կատարելու մասին նախագիծը, որով առաջարկվում է ԱԱԾ տնօրենի և ոստիկանության պետի պաշտոնները համարել քաղաքական պաշտոն և այդ պաշտոններում նշանակվող անձանց համար սահմանել պատգամավորի թեկնածուին ներկայացվող պահանջները:
«Սա իսկապես խիստ վտանգավոր նախագիծ է, միայն մի դեպքում այդ կառույցների ղեկավարներին կարելի է պատգամավորի թեկնածուին ներկայացվող պահանջներով նշանակել, երբ տվյալ ոլորտներն ունենան նախարարությունների կարգավիճակ և մյուս նախարարների հետ միասին մասնակցեն ԱԺ հարց ու պատասխանին, ինչպես պահանջում է ԱԺ կանոնակարգը։ Այսինքն՝ թե՛ հասարակության, թե՛ ԱԺ-ի համար նրանց գործունեութունը թափանցիկ ու մաքսիմալ հասանելի է, ինչպես եվրոպական մի շարք երկրներում»,- ասաց նա։
Ռուբեն Հակոբյանը նկատեց, որ ԱԱԾ-ն և Ոստիկանությունն, ըստ էության, ռեպրեսիվ կառույցներ են, իսկ այս պարագայում նախագծով առաջադրվող պահանջներով ղեկավար ընտրելը, մեղմ ասած, չափազանց վտանգավոր է։
«ԼՀԿ-ին խորհուրդ կտամ հետ կանչել այդ նախագիծը, քանի դեռ չի փոխվել այդ ոլորտերի կարգավիճակը։ Այն փաստարկը, թե ԱԺ կանոնակարգում կարելի է փոփոխություն կատարել, և այդ կառույցների ներկայացուցիչները նույնպես մասնակցեն ԱԺ հարց ու պատասխանին, զուտ խաբկանք է։ Այս կերպ նախագիծը բացարձակապես չի լուծում խնդիրը, ավելին՝ մոլության մեջ է գցում հասարակությանը, որը մանրամասն տեղյակ չէ այս ոլորտների աշխատանքների առանձնահատկություններից։ Ըստ էության՝ այս նախագծով ԱԱԾ-ն ու Ոսիկանությունը դառնում են վարչապետի ձեռքի գործիքներ՝ իր քաղաքական հարցերը լուծելու համար»,- ընդգծեց Ռուբեն Հակոբյանը։
Դիտարկմանը, որ այս նախագծից հետո ԼՀԿ-ն ընկալվում է որպես գրպանային ընդդիմություն, որը պարզապես գործում է այնպես, ինչպես ցանկանում է օրվա իշխանությունը, Ռուբեն Հակոբյանն արձագանքեց․ «Իմ գնահատականը կտամ, եթե ԼՀԿ-ն կամ խորհրդարանական ընդդիմությունն այս չափազանց վտանգավոր նախագծին դեմ չկանգնի։ Կարծում եմ՝ 2-րդ ընթեցումից հետո, եթե ամբողջական ընդունվի, իսկապես կարելի է տալ արժանի, խիստ ու ճիշտ գնահատական, քանի որ նման վտանագավոր նախագիծը թույլ տվեցին ընդունել,- եզրափակեց Ռուբեն Հակոբյանը։
ПОСЛЕДНИЕ ОТ АВТОРА
-
2024-04-25 17:05
В Армении такая ситуация, что журналистам надо забыть о законе относительно свободы информации, депутатам - регламент НС, гражданам - законов, потому что в РА нет закона, есть Никол Пашинян. Об этом заявил депутат от блока «Армения» Гегам Манукян, комментируя инцидент в Баграташене.
-
2024-04-25 17:00
В списке 1000 крупнейших налогоплательщиков Армении за январь-март 2024 года первое место заняла компания «Мобайл сентр Арт», заплатившая 19,9 млрд. драмов, а на втором месте оказался «Газпром» с налогом в 18,1 млрд. драмов. Об этом Новости Армении – NEWS.am сообщили в пресс-службе КГД Армении.
-
2024-04-25 16:58
Европейский парламент принял резолюцию о нарушениях прав человека в Азербайджане, призывающую Европейскую комиссию приостановить энергетическое сотрудничество с Азербайджаном и обусловить любое будущее сотрудничество с этой страной освобождением политзаключенных и улучшением общей ситуации с правами человека.
-
2024-04-25 16:57
Группа граждан перекрыла трассу Апаран –Спитак в знак солидарности с тавушцами, выступающими против территориальных уступок Азербайджану.
ПОСЛЕДНЕЕ ПО ТЕМЕ
-
2019-09-19 20:42
ԱԺ «Իմ քայլը» խմբակցության նախաձեռնած՝ ՍԴ դատավորի լիազորությունները դադարեցնելու գործընթացը տեղավորվում է այն նույն դաշտում, որում արգելափակվեցին դատարանների դռները, և սկսվեց հետապնդում ՀՀ երկրորդ նախագահ Ռոբերտ Քոչարյանի գործով դատավորներ Ալեքսանդր Ազարյանի և Դավիթ Գրիգորյանի նկատմամբ, որոնցից մեկը երկրորդ նախագահին ազատեց կալանքից, մյուսը՝ կասեցրեց դատական գործը, և այն փոխանցվեց ՍԴ: Այս մասին այսօր լրագրողների հետ հանդիպմանն ասաց փաստաբան Լուսինե Սահակյանը:
-
2019-08-06 20:16
Հայաստանի վարչապետ Նիկոլ Փաշինյանը երկուշաբթի օրը Ստեփանակերտում իր ելույթի ընթացքում ներկայացրեց մինչև 2050 թվական երկրի զարգացման մի շարք մեգանպատակներ, հաղորդում է ԱՌԿԱ-ն։
-
2019-04-12 10:57
«Վերաքննիչ դատարանի այսօրվա որոշումն ուղղակի ապացուցեց այն փաստը, որ Ռոբերտ Քոչարյանն ուղղակի քաղբանտարկյալ է և ենթարկվում է քաղաքական հետապնդման նոր իշխանությունների կողմից»,- ասել է ՀՀ երկրորդ նախագահի գրասենյակի ղեկավար Վիկտոր Սողոմոնյան «Հինգերերոդ ալիք»-ին տված հարցազրույցում՝ մեկնաբանելով դատարանի այսօր հրապարակած որոշումը։
-
2019-03-30 15:44
Հանդիպումները կարևոր են, քանի որ նպաստում են տարածաշրջանում կայունության պահպանմանը, սակայն բանակցայն գործընթացքում առաջընթաց գրանցելու համար անհրաժեշտ է վերականգնել դրանց լիարժեք ձևաչափը, Aysor.am-ի հետ զրույցում ասաց Արցախի նախագահի մամուլի քարտուղար Դավիթ Բաբայանն՝ անդրադառնալով մարտի 29-ին Վիեննայում տեղի ունեցած Փաշինյան-Ալիև հանդիպմանը։